| ປົກປັກຮັກສາ ແລະ ເສີມຂະຫຍາຍສິນລະປະ 4 ປະເພດການສະແດງດັ້ງເດີມຂອງນະຄອນຫຼວງ | |
| ຫວຽດນາມ, ອິນໂດເນເຊຍແລກປ່ຽນການຮ່ວມມືດ້ານສາທາລະນະສຸກ, ເສດຖະກິດແລະການທ່ອງທ່ຽວ |
 |
| ທ່ານ ຫງວຽນກິມເຊີນ ລັດຖະມົນຕີກະຊວງການສຶກສາ ແລະ ບຳລຸງສ້າງ ຫວຽດນາມ ຕອບຄຳຊັກຖາມ |
ທ່ານລັດຖະມົນຕີ ໃຫ້ຮູ້ວ່າ ພາຍຫຼັງເກີດໂລກລະບາດໂຄວິດ - 19 ມາໄດ້ 2 ປີ ເຊິ່ງໄດ້ໃຫ້ທຸກສິ່ງທຸກຢ່າງປະສົບກັບຄວາມຫຍຸ້ງຍາກ, ໃນນັ້ນ ການສຶກສາ ແລະ ບຳລຸງສ້າງ ແມ່ນຂົງເຂດຖືກຜົນກະທົບຢ່າງໜັກໜ່ວງທີ່ສຸດ. ແຜນການສົກຮຽນຂອງປີຖືກຂາດວັກຂາດຕອນ, ຫຼັກສູດ ແລະ ເນື້ອໃນ ການສຶກສາຕ້ອງປ່ຽນແປງຕາມທິດມີພຽງແຕ່ເນື້ອໃນຫຼັກ, ມີນັກຮຽນ, ນັກສຶກສາ ເກືອບ 20 ລ້ານຄົນ ບໍ່ໄດ້ໄປໂຮງຮຽນ ໃນໄລຍະເວລາຍາວ, ມີນັກສຶກສາ ກ່ວາ 70.000 ຄົນ ບໍ່ສາມາດຈົບການສຶກສາຖືກຕາມເວລາກຳນົດ, ກໍ່ຜົນສະທ້ອນຕໍ່ການສະໜອງແຫຼ່ງບຸກຄະລາກອນ. ການຮຽນແບບທາງໄກ, ຮຽນຜ່ານໂທລະພາບ ໃນເງື່ອນໄຂພື້ນຖານໂຄງລ່າງຍັງປະສົບກັບຄວາມຫຍຸ້ງຍາກຫຼາຍຢ່າງ ແລະ ຂາດເຂີນນັ້ນ ໄດ້ກໍ່ຜົນຕາມມາ ແລະ ຜົນທະທົບທາງລົບຫຼາຍຢ່າງ, ນັກຮຽນຮູ້ສຶກເຄັ່ງຕຶງ, ອິດເມື່ອຍ, ຄູສອນຮູ້ສຶກລຳບາກ ແລະ ກົດດັນ, ພໍ່ແມ່ນັກຮຽນຮູ້ສຶກອຶດອັດ, ສັງຄົມຮູ້ສຶກກັງວົນ, ຫຼາຍເລື່ອງລາວທີ່ເສົ້າສະຫຼົດໃຈເກີດຂຶ້ນ.
ຕາມທ່ານລັດຖະມົນຕີແລ້ວ, ຄວາມຫຍຸ້ງຍາກ, ສິ່ງທ້າທາຍສຳລັບຂະແໜງການສຶກສາ ຕໍ່ໜ້າຜົນສະທ້ອນຈາກໂລກລະບາດ ນັບມື້ນັບເພີ່ມຂຶ້ນ ເຊິ່ງສົກປີ 2020 – 2021 ແລະ 2021 – 2022 ແມ່ນຊຸມສົກປີຫຼັກແຫຼ່ງໃນວິວັດການຜັນຂະຫຍາຍການປ່ຽນແປງໃໝ່ການສຶກສາສາມັນ ເວົ້າສະເພາະ ແລະ ປ່ຽນແປງໃໝ່ການສຶກສາ - ບຳລຸງສ້າງເວົ້າລວມ.
ທ່ານລັດຖະມົນຕີກະຊວງການສຶກສາ ແລະ ບຳລຸງສ້າງແບ່ງປັນວ່າ: ເຖິງວ່າ ໂລກລະບາດໂຄວິດ - 19 ຄ່ອຍໆໄດ້ຮັບການຄວບຄຸມ, ຊີວິດການເປັນຢູ່ເປັນປົກກະຕິໃໝ່ ຄ່ອຍໆໄດ້ສ້າງຂຶ້ນ, ເສດຖະກິດ ແລະ ການເຄື່ອນໄຫວສັງຄົມ ຈະຄ່ອຍໆໄດ້ຮັບການຟື້ນຟູ… ແຕ່ຂະແໜງການສຶກສາພັດໄດ້ເລີ່ມກ້າວເຂົ້າເສັ້ນທາງໃໝ່ ກັບບັນດາຄວາມຫຍຸ້ງຍາກທີ່ຍັງຄົງຕົວ ແລະ ຊ້ຳບໍ່ໜຳແມ່ນໃຫຍ່ກ່ວາອີກໃນພາຍພາກໜ້າ. ຜົນຕາມມາຢ້ອນໂລກລະບາດກໍ່ຂຶ້ນແມ່ນຍາວນານ ແລະ ການແກ້ໄຂກໍ່ບໍ່ແມ່ນງ່າຍ…
ຂະແໜງການສຶກສາໄດ້ຜັນຂະຫຍາຍການຕີລາຄາຜົນສະທ້ອນຂອງໂລກລະບາດ, ໃນເບື້ອງຕົ້ນ ມີບັນດາຕົວເລກ ແລະ ດັດຊະນີກ່ຽວກັບຜົນກະທົບທາງລົບ, ມີບັນດາສິ່ງທີ່ເຫັນໄດ້ຢ່າງທັນທີ ແລະ ກໍ່ບາງສິ່ງທີ່ຍັງບໍ່ທັນສາມາດນັບ ຫຼື ວັດແທກໄດ້, ພິເສດແມ່ນບັນດາຈຸດຊ່ອງຫວ່າງດ້ານຄວາມຮູ້, ບັນດາຜົນກະທົບດ້ານຈິດໃຈ, ຄວາມຮູ້ສຶກຂອງນັກຮຽນ.
ໃນການຫັນສະພາບການ ແລະ ການຮັບມືກັບໂລກລະບາດໂຄວິດ - 19 ໃນໄລຍະຜ່ານມາ, ຂ້າພະເຈົ້າຮູ້ສຶກຕື້ນຕັນໃຈ ເມື່ອຂະແໜງການສຶກສາໃນທົ່ວປະເທດ ໄດ້ຮ່ວມແຮງຮ່ວມໃຈ, ໄດ້ຮັບການຊີ້ນຳນຳພາຈາກ ພັກ, ລັດ, ສະພາແຫ່ງຊາດ, ແນວໂຮມປະເທດຊາດ, ອຳນາດການປົກຄອງທຸກຂັ້ນ, ທຸກຂະແໜງການ ບັນດາເປົ້າໝາຍໄດ້ຮັບຄວາມເອົາໃຈ, ເບີ່ງແຍງດູແລ, ແບ່ງປັນ, ຮ່ວມແຮງຮ່ວມໃຈ, ໜູນຊ່ວຍ. ໂດຍຕາງໜ້າໃຫ້ແກ່ຄູສອນ ແລະ ຜູ້ອອກແຮງງານ ກ່ວາ 1,5 ລ້ານຄົນ ພ້ອມກັບນັກຮຽນກ່ວາ 25 ລ້ານຄົນ, ຂ້າພະເຈົ້າຂໍເປັນກຽດສະແດງຄວາມຮູ້ບຸນຄູນຕໍ່ທຸກສິ່ງທຸກຢ່າງ”, ທ່ານລັດຖະມົນຕີກະຊວງການສຶກສາ ແລະ ບຳລຸງສ້າງ ກ່າວຄຳເຫັນຕໍ່ສະພາແຫ່ງຊາດ.
ທ່ານກໍ່ກ່າວວ່າ ບັນດາຄຳເຫັນຊັກຖາມຂອງບັນດາສະມາຊິກສະພາແຫ່ງຊາດ ແນ່ນອນວ່າຈະຊ່ວຍຂະແໜງການສຶກສາເຫັນໄດ້ວຽກງານທີ່ຈະຕ້ອງປະຕິບັດຢ່າງຈະແຈ້ງກ່ວາ, ສູ້ຊົນປະຕິບັດໜ້າທີ່ຂອງພັກ, ລັດ ແລະ ປະຊາຊົນມອບໝາຍໃຫ້ເປັນຢ່າງດີ.
ບຸນຄົງ
