 |
| ພາບປະກອບ: nld.com.vn |
ວັນທີ 10 ພະຈິກ, ສະຫະພັນແຮງງານ ນະຄອນ ຝຸກວັກ ໄດ້ສົມທົບກັບ ກອງບັນຊາການທະຫານປ້ອງກັນຊາຍແດນ ດ່ານທ່າກຳປັ່ນ ເຢືອງດົງ ໄດ້ຈັດພິທີ ມອບທຸງຊາດ 2000 ຜືນ ໃຫ້ຊາວປະມົງ, ໃນນັ້ນມີ ທຸງຊາດ 1000 ຜືນແມ່ນຂຶ້ນກັບໂຄງການ “ ທຸງຊາດ 1 ລ້ານຜືນ ພ້ອມກັບຊາວປະມົງເກາະຕິດກັບທະເລ” ໂດຍໜັງສືພິມແຮງງານເລີ່ມຕົ້ນ ແລະ ປະຕິບັດການມອບໃຫ້ສະຫະພັນແຮງງານ ແຂວງກຽນຢາງ ກ່ອນນັ້ນ.
ໃນໂອກາດນີ້, ສະຫະພັນແຮງງານນະຄອນຝຸກວັກ ກໍ່ໄດ້ແຈກຢາຍໃບປິວ 2000 ໃບໂຄສະນາກ່ຽວກັບບັດເຫຼືອງ ເອີລົບ ໂດຍຄະນະໂຄສະນາ ຄະນະພັກແຂວງ ກຽນຢາງ ຮຽບຮຽງ, ຜ່ານນັ້ນ ກໍ່ຊ່ວຍໃຫ້ຊາວປະມົງເຂົ້າໃຈກ່ຽວກັບບັນດາຂໍ້ກຳນົດກ່ຽວກັບການຂຸດຄົ້ນສິນທະເລຈະແຈ້ງກ່ວາອີກ, ເຜີຍແຜ່ກົດໝາຍຊ່ວຍໃຫ້ຊາວປະມົງຍົກສູງຄວາມຮັບຮູ້ດ້ານກົດໝາຍ, ພິເສດແມ່ນກົດໝາຍວ່າດ້ວຍສິນໃນນ້ຳ, ປະຕິບັດບັນດາມາດຕະການຮີບດ່ວນ ກ່ຽວກັບການຂຸດຄົ້ນສິນທະເລ ຕາມຂໍ້ແນະນຳຂອງ ຄະນະກຳມະການເອີລົບ (EC)…
ສະຫະພັນແຮງງານນະຄອນຝຸກວັກຍັງແຈກຈົດໝາຍທາບທາມ ກ່ວາ 2000 ສະບັບ ເພື່ອຂົນຂວາຍຊາວປະມົງ ເຂົ້າຮ່ວມການສ້າງວິສາຫະກິດຫາປາຢູ່ທ້ອງຖິ່ນ.
ບຸນຄົງ
