ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ ກັບ​ມາ​ຮອດ​ຮ່າ​ໂນ້ຍ, ສິ້ນ​ສຸດ​ການ​ເດີນ​ທາງ​ໄປ​ປະ​ຕິ​ບັດ​ງານ​ຢູ່ ເອີ​ຣົບ

	​ນາ​ຍົກ​ລັດ​ຖະ​ມົນ​ຕີຫວຽດນາມ ເຈ​ລະ​ຈາ​ກັບ​​ນາ​ຍົກ​ລັດ​ຖະ​ມົນ​ຕີຝຣັ່ງ
	ທ່ານ​ລັດ​ຖະ​ມົນ​ຕີ​ ບຸນ​ແທັງ​ເຊີນ ພົບ​ປະ​ກັບ​ທ່ານນາງ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ແລະ ພັດ​ທະ​ນາ ອັງ​ກິດ

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ຄະນະຜ້ແທນຂັ້ນສູງ ລັດຖະບານ ຫວຽດນາມ ໄດ້ມາຮອດ ຮ່າໂນ້ຍ (ພາບ: TTXVN)

ຕອນບ່າຍວັນທີ 6 ພະຈິກ 2021, ເຮືອບິນສົ່ງທ່ານນາຍົກລັດຖະມົນຕີຫວຽດນາມ ຟ້າມມິງຈິງ ແລະ ຄະນະຜ້ແທນຂັ້ນສູງ ລັດຖະບານ ຫວຽດນາມ ໄດ້ມາຮອດ ຮ່າໂນ້ຍ, ສິ້ນສຸດການຢ້ຽມຢາມກອງປະຊຸມຄັ້ງທີ 26 ບັນດາຝ່າຍເຂົ້າຮ່ວມສົນທິສັນຍາແມ່ ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP26), ເຂົ້າຮ່ວມການເຮັດວຽກຢູ່ ລາຊະອານາຈັກ ອັງກິດ ແລະ ຢ້ຽມຢາມ ສາທາລະນະລັດ ຝລັ່ງ ນັບແຕ່ວັນທີ 31 ຕຸລາ ຫາວັນທີ 5 ພະຈິກ ຢ່າງເປັນທາງການ ຕາມຄຳເຊື້ອເຊີນຂອງທ່ານນາຍົກລັດຖະມົນຕີ ລາຊະອານາຈັກ ອັງກິດ Boris Johnson ແລະ ທ່ານນາຍົກລັດຖະມົນຕີ ຝລັ່ງ Jean Castex.

ພາຍຫຼັງທີ່ເຮືອບິນລົງຈອດຢູ່ສະໜາມບິນສາກົນ ໂນ້ຍບ່າຍ, ຫ້ອງວ່າການລັດຖະບານ ຫວຽດນາມ ໄດ້ເປັນປະທານ, ສົມທົບກັບກະຊວງສາທາລະນະສຸກ, ແນວໂຮມປະເທດຊາດ ຫວຽດນາມ ຈັດຕັ້ງ ພິທີມອບ - ຮັບ ອຸປະກອນການແພດ, ເງິນຊ່ວຍເຫຼືອການປ້ອງກັນ, ຕ້ານໂລກລະບາດໂຄວິດ - 19 ເຊິ່ງບັນດາສ່ວນບຸກຄົນ, ອົງການຈັດຕັ້ງ, ພໍ່ແມ່ພີ່ນ້ອງຊາວ ຫວຽດນາມ ອາໄສຢູ່ຕ່າງປະເທດ ມອບໃຫ້ ຫວຽດນາມ ໃນການເດີນທາງໄປປະຕິບັດງານຢູ່ ເອີຣົບ ຂອງຄະນະຜູ້ແທນຂັ້ນສູງລັດຖະບານ ຫວຽດນາມ. ການຊ່ວຍເຫຼືອດັ່ງກ່າວ ໄດ້ປະກອບສ່ວນສຳຄັນເຂົ້າໃນວຽກງານປ້ອງກັນ, ຕ້ານໂລກລະບາດຢູ່ພາຍໃນປະເທດ.