 |
ຍ້ອນເປັນພື້ນທີ່ກວ້າງ ຕິດຊາຍແດນ, ສະນັ້ນສະພາບ ການອົບພະຍົບດໂດຍເສລີ, ອາດຊະຍາກຳສັງຄົມ, ພະຍາດເອດ HIV, ການເຜີຍແຜ່ສາສະໜາຜິດກົດໝາຍ ທົ່ວເມືອງລ໋າດ ຍັງເກີດຂຶ້ນ. ບັນດາຮູບແບບອາດຊະຍາກຳເຊັ່ນ: ຄ້າຂາຍ, ເກັບສະສົມ, ຂາຍ-ສິ່ງຜິດກົດໝາຍຈຳພວກຢາເສບຕິດ, ເງິນປອມ, ເກັບສະສົມ ນຳໃຊ້ອາດວຸດເສິກ, ວັດຖູລະເປີດ, ອາໄລ່ປະກອບອາວຸດ... ຜັນແປສັບສົນຂຶ້ນ, ຍາກທີ່ຈະຄາດຄະເນໄດ້. ສະນັ້ນ, ໜ້າທີ່ກໍ່ສ້າງ, ຄຸ້ມຄອງ ແລະ ປ້ອງກັນ ສິດອະທິປະໄຕ, ປ້ອງກັນຄວາມສະຫງົບຊາຍແດນ, ຮັກສາຄວາມໝັ້ນຄົງການເມືອງແມ່ນໜ້າທີ່ສຳຄັນຂອງທ້ອງຖິ່ນ, ໃນນັ້ນກຳລັງປ້ອງກັນຊາຍແດນ ຮັກສາບົດບາດເປັນຫຼັກແຫຼ່ງ, ຮັບຜິດຊອບໂດຍສະເພາະ.
ທຸກປີ ເມືອງລ໋າດ ໄດ້ນຳພາ, ຊຸກຍູ້ບັນດາຂະແໜງການຕ່າງໆ, ແຕ່ລະຂັ້ນຜັນຂະຫຍາຍປະຕິບັດ ແລະ ຫັນເປັນລະອຽດບັນດາເນື້ອໃນກ່ຽວກັບ “ວັນປ້ອງປັນຊາຍແດນປວງຊົນ”, ພ້ອມທັງກໍ່ສ້າງບັນດາມະຕິຕົກລົງ, ລາຍການກະທຳ, ແຜນການຜັນຂະຫຍາຍປະຕິບັດບັນດາແຜນສະເໜີທີ່ທະຫານປ້ອງກັນຊາຍແດນ ແລະ ບັນດາຂະແໜງການຮັບຜິດຊອບຜັນຂະຫຍາຍ ໃນຂອບເຂດເມືອງ, ປະກອບສ່ວນກໍ່ສ້າງລະບົບກົດໝາຍ ວ່າດ້ວຍການຄຸ້ມຄອງ, ປ້ອງກັນຊາຍແດນ, ກໍ່ສ້າງກຳລັງທະຫານປ້ອງກັນຊາຍແດນໃນສະພາບການໃໝ່. ຮອດປະຈຸບັນນີ້, ຢຸ່ເຂດເມືອງລ໋າດ ໄດ້ມີ 70/70 ບ້ານຂອງ 7 ເທດສະບາຍຊາຍແດນ ລ້ວນແລ້ວແຕ່ໄດ້ສ້າງຕັ້ງໜ່ວຍຄວບຄຸມຄວາມເປັນລະບຽບຮຽບຮ້ອຍ ແລະ ຄວາມສະຫງົບສຸກເອງ, ສ້າງຕັ້ງ 57/70 ກ່ອງຈົດໝາຍແຈ້ງຟ້ອງອາດຊະຍາກຳ, 47/47 ຫຼັກໝາຍຊາຍແດນປະເທດລ້ວນແຕ່ມີບຸກຄົນ ແລະ ຄອບຄົວອາສາສະໝັກລົງທະບຽນເຂົ້າຮ່ວມຄວບຄຸມ ປົກປັກຮັກສາ ເສົາຫຼັກໝາຍຊາຍແດນເອງ.
ຍ້ອນເຮັດວຽກງານການເຜີຍແຜ່ ໂຄສະນາ ດີ, ຂົນຂວາຍ ສະນັ້ນປະຊາຊົນ ລຽບຕາມແນວຊາຍແດນໄດ້ຕັ້ງໜ້າເຂົ້າຮ່ວມລາດຕະເວນກວດກາ, ຖາງຫຍ້າ ອານາໄມເສັ້ນທາງຊາຍແດນ, ປ້ອງກັນຫຼັກໝາຍຊາຍແດນ ແລະ ຕັ້ງໜ້າຕໍ່ສູ້ ເປີດໂປ ອາດຊະຍາກອນ. ໃນໄລຍະ 10 ປີທີ່ຜ່ານມາ, ບັນດາກຳລັງຕຳຫຼວດ, ທະຫານ ແລະ ປະຊາຊົນ ທົ່ວເມືອງໄດ້ສະໜອງກຳລັງໃຫ້ທະຫານປ້ອງກັນຊາຍແດນ ຈຳນວນ 2.479 ແຫຼ່ງຂໍ້ມູນທີ່ມີຄ່າ, ປະກອບສ່ວນສຳຄັນໃນວຽກງານຕໍ່ສູ້ປ້ອງກັນ, ຕ້ານອາດຊະຍາກຳ ແລະ ຄຸ້ມຄອງ, ປົກປ້ອງສິດອຳນາດປະຊາທິປະໄຕ, ຄວາມສະຫງົບສຸກຊາຍແດນ. ກຳລັງທະຫານປ້ອງກັນຊາຍແດນໄດ້ພົບເຫັນ ແລະ ສືບສວນ, ດຳເນີນຄະດີ 367 ຄະດີໃນ 422 ເປົ້າໝາຍ; ຍຶດຂອງກາງເຮໂຣອິນ 90 ແທ່ງ; ຢາເສບຕິດປະເພດກ້ອນ ຈຳນວນ 11.267 ກຼາມ; ຢາເສບຕິດລວມ(ຢາອີ,ຢາບ້າ) ຈຳນວນ 5.687 ເມັດ; ຢາຝິ່ນ ຈຳນວນ 21.822 ກຼາມ; ຕົ້ນຢາຝິ່ນຈຳນວນຫຼາຍກວ່າ 80 ກລ, ລົດໃຫຍ່ ຈຳນວນ 1 ຄັນ, ລົດຈັກ ຈຳນວນ 85 ຄັນ ແລະ ຂອງກາງອື່ນໆ...
ພ້ອມດຽວກັນນັ້ນ, ບັນດາຄ້າຍທະຫານປ້ອງກັນຊາຍແດນ ຂອງເມືອງ ໄດ້ຕັ້ງຕັ້ງໜ້າເຂົ້າຮ່ວມ ໂຄງການຕ່າງໆ ກ່ຽວກັບ ການພັດທະນາ ເສດຖະກິດ, ລືບລ້າງຄວາມທຸກຍາກຢູ່ທ້ອງຖິ່ນ. ການນຳຂັ້ນແຂວງ, ຊີ້ນຳກົມກອງຕ່າງໆເປັນເຈົ້າການໃນການ ເສນາທິການ ຊ່ວຍອຳນາດປົກຄອງທ້ອງຖິ່ນກໍ່ສ້າງ, ເຮັດໃຫ້ພື້ນຖານການເມືອງ ແຕ່ລະເຂດ, ຕາແສງ, ເທດສະບານເມືອງຂົງເຂດຊາຍແດນໃຫ້ເຂັ້ມແຂງຂຶ້ນເທື່ອລະກ້າວ; ເຜີຍແຜ່ໂຄສະນາ, ຂົນຂວາຍປະຊາຊົນປະ ຮີດຄອງປະເພນີຫຼ້າຫຼັງ; ກໍ່ສ້າງວັດທະນະທຳການດຳລົງຊີວິດແບບຊຸມຊົນ. ບັນດາການເຄື່ອນໄຫວການຕ່າງປະເທດ, ການທູດປະຊາຊົນ ຢູ່ເຂດຊາຍແດນເມືອງແທັງ ແມ່ນມີຄວາມຄຶກຄື້ນ, ປະກອບສ່ວນຮັດແໜ້ນຄວາມສາມັກຄີ, ມິດຕະພາບ ລະຫວ່າງ ອຳນາດການປົກຄອງ, ປະຊາຊົນ 2 ຊາຍແດນ ລະຫວ່າງເມືອງລ໋າດ ແລະ ເມືອງວຽງໄຊ, ເມືອງສົບເບົາ, ແຂວງຫົວພັນ, ສ.ປ.ປ ລາວ.
ພັນໂທ ຫງວ໋ຽນ ເຖແອັງ, ຫົວໜ້າຄ້າຍທະຫານປ້ອງກັນຊາຍແດນ ຫວາງຈຽວ, ທະຫານຊາຍແດນແຂວງແທັງຮວ້າ ໃຫ້ຮູ້ວ່າ: ຂະບວນການ “ທົ່ວປວງຊົນເຂົ້າຮ່ວມປົກປ້ອງສິດອຳນາດປະຊາທິດປະໄຕຜືນແຜ່ນດິນອັນຄົບຖ້ວນ” ໄດ້ແຜ່ກະຈາຍຢ່າງກວ້າງຂວາງ ເຖິງປະຊາຊົນ ຢ່າງຫຼວງຫຼາຍ ຕາມເຂດຊາຍແດນ ເມືອງລ໋າດ. ຄ້າຍທະຫານໄດ້ເຜີຍແຜ່ໂຄສະນາ ຢ່າງເປັນປະຈຳແນ່ໃສ່ຊ່ວຍເຫຼືອປະຊາຊົນເຂົ້າໃຈແຈ່ມແຈ້ງ ກ່ຽວກັບ ບົດບາດ, ໜ້າທີ່ຂອງກຳລັງປ້ອງກັນຊາຍແດນ ແລະ ເນື້ອໃນຂອງ “ວັນປ້ອງກັນນຊາຍແດນປວງຊົນ ເພື່ອໃຫ້ພໍ່ແມ່ພີ່ນ້ອງປະຊາຊົນເຂົ້າໃຈ, ອາສາສະໝັກເຂົ້າຮ່ວມ ກັບ ກຳລັງປ້ອງກັນຊາຍແດນໃນການປົກປ້ອງເສັ້ນທາງ, ເສົາໝາຍແດນຊາຍແດນ; ເປັນເສນາທິການໃຫ້ແກ່ອຳນາດການປົກຄອງທ້ອງຖິ່ນ ກໍ່ສ້າງບັນດາໂຄງການ ແລະ ພັດທະນາ ເສດຖະກິດ, ລົບລ້າງຄວາມທຸກຍາກ. ມາຮອດປະຈຸບັນນີ້, ຄ້າຍປ້ອງກັນຊາຍແດນກວາງຈຽວ ໄດ້ປະສານສົບທົບກັບອໍານາດການປົກຄ້ອງທ້ອງຖິ່ນສ້າງຕັ້ງ 22 ໜ່ວຍ ປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍເອງ, ມີ 19 ຄອບຄົວລົງທະບຽນເຂົ້າຮ່ວມປົກປ້ອງເສັ້ນທາງ, ຫຼັກເສົາໝາຍຊາຍແດນ”.
ການເຄື່ອນໄຫວຕ່າງໆໃນວັນຄົບຮອບ “ວັນປ້ອງປັນຊາຍແດນປວງຊົນ” ໄດ້ຈັດຕັ້ງຂຶ້ນທຸກປີ ເຊິ່ງໄດ້ສ້າງບັນຍາກາດ ແລະ ຈິດໃຈອັນຄືກຄື້ນໃນການກໍ່ສ້າງ, ຄຸ້ມຄອງສິດເປັນເຈົ້າອຳນາດປະຊາທິປະໄຕ, ຮັກສາຄວາມສະຫງົບສຸກຊາຍແດນປະເທດ ໃນທົ່ວເມືອງ, ຄວາມຈິງໄດ້ກາຍເປັນວັນບຸນຂອງກຳລັງປ້ອງກັນຊາຍແດນ ແລະ ພີ່ນ້ອງຮ່ວມຊາດ, ປະຊາຊົນບັນດາເຜົ່າຢູ່ຂົງເຂດຊາຍແດນ. ຜ່ານຂະບວນການຕ່າງໆໄດ້ປະກົດເປັນແວ່ນແຍງ, ແບບຢ່າງອັນກ້າວໜ້າໃນການປ້ອງກັນເສັ້ນທາງຊາຍແດນ, ຫຼັກໝາຍຊາຍແດນ; ຕໍ່ສູ້ກັບບັນອາດຊະຍາກຳປະເພດຕ່າງໆ, ປະກອບສ່ວນກໍ່ສ້າງຈັດວາງກຳລັງປ້ອງຊາຍແດນແໜ້ນແກ່ນເທິດເສັ້ນແບ່ງເຂດຊາຍແດນເບື້ອງທິດຕາເວັນຕົກຂອງແຂວງແທັງຫວ໋າ.
（ຫັດທະບູນ）
