ສະຫະພັນບັນດາສະມາຄົມມິດຕະພາບ

ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ ເຂົ້າ​ຮ່ວມ​ພິ​ທີ​ໄຂ​ກອງ​ປະ​ຊຸມ​ ແລະ ງານ​ວາງ​ສ​ະ​ແດງ​ໂລກດ​ີ​ຈີ​ຕອນ ປີ 2021

23:03 | 13/10/2021

ຍ​ສ​ໝ - ພິ​ທີ​ໄຂ​ກອງ​ປະ​ຊຸມ ແລະ ງານວາງ​ສະ​ແດງ​ໂດ​ລ ດີ​ຈີ​ຕອນ 2021 (ITU Digital World 2021) ໄດ້​ດຳ​ເນີນ​ໃນ​ຕອນ​ຄ່ຳ​ວັນ​ທີ 12 ຕຸ​ລາ ໂດຍ​ມີ​ກາ​ນ​ເຂົ້າ​ຮ່ວມ​ຂອງ​ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ, ຜູ້​ຕາງ​ໜ້າ​ການ​ນຳ​ບັນ​ດາ​ກະ​ຊວງ, ຂະ​ແໜງ​ການ​ຫວຽດ​ນາມ, ບັນ​ດາ​ຄະ​ນະ​ທູ​ຕາ​ນຸ​ທູດ ແລະ ບັນ​ດາອ​ົງ​ການ​ຈັດ​ຕັ້ງ​ສາ​ກົນ.

ທ່ານ​ນາ​ຍົກ​ລັດ​ຖ​ະ​ມົນ​ຕີ ຟ້າມ​ມິງ​ຈິງ ສົ່ງ​ຈົດ​ໝາຍ​ຂອບ​ໃຈ​ທ່ານ​ນາ​ຍົກ​ລັດ​ຖະ​ມົນ​ຕີ ອົດ​ສະ​ຕາ​ລີ ກ່ຽວ​ກັບ​ການ​ໜູນ​ຊ່ວຍ​ວັກ​ຊິນ ແລະ ອຸ​ປະ​ກອນ​ການ​ແພ​ດ​ໃຫ້​ແກ່ ຫວຽດ​ນາມ ທ່ານ​ນາ​ຍົກ​ລັດ​ຖ​ະ​ມົນ​ຕີ ຟ້າມ​ມິງ​ຈິງ ສົ່ງ​ຈົດ​ໝາຍ​ຂອບ​ໃຈ​ທ່ານ​ນາ​ຍົກ​ລັດ​ຖະ​ມົນ​ຕີ ອົດ​ສະ​ຕາ​ລີ ກ່ຽວ​ກັບ​ການ​ໜູນ​ຊ່ວຍ​ວັກ​ຊິນ ແລະ ອຸ​ປະ​ກອນ​ການ​ແພ​ດ​ໃຫ້​ແກ່ ຫວຽດ​ນາມ
ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ: ຮອດ​ວັນ​ທີ 30 ກັນ​ຍາ ຜ່ອນ​ຜັນ​ການ​ແຍກ​ຫ່າງ​ສັງ​ຄົມ​​ເທື່ອ​ລະ​ກ້າວໂດຍ​ມີ​ການ​ຄວບ​ຄຸມ ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ: ຮອດ​ວັນ​ທີ 30 ກັນ​ຍາ ຜ່ອນ​ຜັນ​ການ​ແຍກ​ຫ່າງ​ສັງ​ຄົມ​​ເທື່ອ​ລະ​ກ້າວໂດຍ​ມີ​ການ​ຄວບ​ຄຸມ
ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ ເຂົ້າ​ຮ່ວມ​ພິ​ທີ​ໄຂ​ກອງ​ປະ​ຊຸມ​ ແລະ ງານ​ວາງ​ສ​ະ​ແດງ​ໂລກດ​ີ​ຈີ​ຕອນ ປີ 2021
ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ ກ່າວ​ຄຳ​ເຫັນ​ທີ່ງານ​ວາງ​ສະ​ແດງ. ພາບ:TTXVN

ເຫດ​ການ​ໂດຍ​ກະ​ຊວງ​ຖະ​ແຫຼງ​ຂ່າວ ແລະ ການ​ສື່​ສານ ຫວຽດ​ນາມ ແລະ ສະ​ຫະ​ພາບ​ໂທ​ລະ​ຄົມ​ມະ​ນາ​ຄົມ ສາ​ກົນ (ITU) ຈັດ​ຕັ້ງ​ໃນ​ລະ​ຫວ່າງວັນ​ທີ 12 ຕຸ​ລາ - 12 ພະ​ຈິກ ບົນ​ພື້ນ​ຖານ​ດີ​ຈີ​ຕອນ ໂດຍ ຫວຽດ​ນາມ ຄົ້ນ​ຄ້​ວາ, ສ້າງ​ສາ. ນີ້​ແມ່ນ​ເຫດ​ການ​ທົ່ວ​ໂລກ, ແມ່ນ​ສະ​ຖານ​ທີ່​ເພື່ອ​ໃຫ້​ບັນ​ດາ​ວິ​ສາ​ຫ​ະ​ກິດ ໂທ​ລະ​ຄົມ​ມະ​ນາ​ຄົມ ແລະ ເຕັກ​ໂນ​ໂລ​ຢີ​ຂໍ້​ມູນ​ຂ່າວ​ສານ​ໃນ​ທົ່ວ​ໂລກ ແນະ​ນຳ​ຜະ​ລິດ​ຕະ​ພັນ, ການ​ບໍ​ລິ​ການ, ບັນ​ດາ​ມາດ​ຕະ​ການ​ເຕັກ​ໂນ​ໂລ​ຢີ ທີ່​ກ້າວ​ໜ້າ​ທີ່​ສຸດ.

ເວ​ທີ​ປາ​ໄສ​ລັດ​ຖະ​ມົນ​ຕີ, ບັນ​ດາ​ກອງ​ປະ​ຊຸມ​ສຳ​ມະ​ນາ​ວິ​ຊາ​ສະ​ເພາະ ໃນ​ຂອບ​ເຂດ​ເຫດ​ການ​ຈະ​ສຸມ​ໃສ່​ປຶກ​ສາ​ຫາ​ລື​ບັນ​ດ​າ​ທ່າ​ອ່ຽງ​ພັດ​ທະ​ນາ, ນະ​ໂຍ​ບາຍ​ຄຸ້ມ​ຄອງ, ວິ​ທີ​ການ​ເຕັກ​ໂນ​ໂລ​ຢີ​ເພື່ອ​ຊຸກ​ຍູ້​ເສດ​ຖະ​ກິດ​ດີ​ຈີ​ຕອນ ແລະ ສັງ​ຄົມ​ດີ​ຈີ​ຕອນ. ງານ​ວາງ​ສະ​ແດງ​ໂທ​ລະ​ຄົມ​ມະ​ນາ​ຄົມ ໂລກ (ITU Telecom World) ໄດ້​ປ່ຽນ​ຊື່​ເປັນ​ງານ​ວາ​ງ​ສະ​ແດງ​ໂລກ​ດີ​ຈີ​ຕອນ (ITU Digital World) ປີ 20210.

ງານ​ວາງ​ສະ​ແດງ​ລວມ​ມີ​ບັນ​ດາ​ຮ້ານ​ວາງ​ສະ​ແດງ​ທາງ​ໄກ 2D ແລະ 3D, ການ​ວາງ​ສະ​ແດງ​ຜະ​ລິດ​ຕະ​ພັນ, ການ​ບໍ​ລິ​ການ, ມາ​ດ​ຄະ​ການ​ດີ​ຈີ​ຕອນ​ຂອງ ວິ​ສາ​ຫະ​ກິດ, ບັນ​ດາ​ຮ້ານ​ສະ​ແດງ​ແຫ່ງ​ຊາດ. ໃນ​ຂະ​ນະ​ນັ້ນ, ເວ​ທີ​ປາ​ໄສ​ທາງ​ໄກ ລວມ​ມີ​ບັນ​ດາ​ກອງ​ປະ​ຊຸມ, ກອງ​ປະ​ຊ​ຸມ​ສຳ​ມະ​ນາ​ສະ​ເພາະ​ກິດ (ນັບ​ແຕ່​ເດືອນ 9 ຫາ ​ເດືອນ 11) ແລະ ກອງ​ປະ​ຊຸມ​ລັດ​ຖະ​ມົນ​ຕີ (ແຕ່​ວັນ​ທີ 12 – 14 ຕຸ​ລາ) ມຸ່ງ​ໄປ​ເຖິງ​ຫົວ​ຂໍ້​ລວມ: “ພ້ອມ​ກັນ​ສ້າງ​ໂລກ​ດີ​ຈີ​ຕອນ” ຕາມ 3 ຫຼັກ​ການ: ພື້ນ​ຖານ​ທີ່​ຈຳ​ເປັນ​ເພື່ອ​ຫັນ​ເປັນ​ດີ​ຈີ​ຕອນ, ການ​ລົ​ງ​ທຶນ ແລະ ສ້າງ​ເງື່ອນ​ໄຂ​ຫັນ​ເປັນ​ດີ​ຈີ​ຕອນ ຜ່ານ​ນະ​ໂຍ​ບາຍ, ບັນ​ດາ​ປັດ​ໄຈຫຼັກ​ໃຫ້​ແກ່​ການ​ຫັນ​ເປັນ​ດີ​ຈີ​ຕອນ.

ກອງ​ປະ​ຊຸມ​ລັດ​ຖະ​ມົນ​ຕີ ທາງ​ໄກ ຈະ​ໄດ້​ຈັດ​ຕັ້ງ​ໃນ 3 ວັນ​ນັບ​ແຕ່ ວັນ​ທີ 12 – 14 ຕຸ​ລາ ດ້ວຍ​ການ​ເຂົ້າ​ຮ່ວມ​ຂອງ​ບັນ​ດາ​ລັດ​ຖະ​ມົນ​ຕີ ໃນ​ທົ່ວ​ໂລກ ກ່ຽວ​ກັບ​ບັນ​ດາ​ຫົວ​ຂໍ້: ຫຼຸດ​ຜ່ອນ​ຄ່າ​ໃຊ້​ຈ່າຍ​ທາງ​ເຄືອ​ຂ່າຍ​ອິນ​ເຕີ​ເນັດ​ ເພື່ອ​ແນ​ໃສ່​ເພີ່ມ​ທະ​ວີ​ອັດ​ຕາ​ຫັນ​ເປັນ​ດີ​ຈີ​ຕອນ, ຍູ້​ແຮງ​ການ​ພັດ​ທະ​ນາ​ພື້ນ​ຖານ​ໂຄງ​ລ່າງ: ບົດ​ບາດ​ຂອງ​ລັດ​ຖະ​ບານ​ໃນ​ການ​ເຫັນ​ເປັນ​ດີ​ຈ​ີ​ຕອນ, ຫັນ​ຊີ​ວິດ​ປະ​ຈຳ​ວັນ​ເປັນ​ດີ​ຈີ​ຕອນ, ບັນ​ດາ​ການ​ບໍ​ລິ​ການ​ສາ​ທາ​ລະ​ນະ​ ແລະ ເນື້ອ​ໃນ​ກຳ​ນົດ​ທິດ​ໃນ​ການ​ຫັນ​ເປັນ​ດີ​ຈີ​ຕອນ.

ກອງ​ປະ​ຊຸມ​ສະ​ເພາະ​ກິດ​ໃນ​ເດືອນ ພະ​ຈິກ​ຈະ​ສຸມ​ໃສ່​ປຶກ​ສາ​ຫາ​ລື​ກ່ຽວ​ກັບ “ບັນ​ດາ​ປັດ​ໄຈ ໃຫ້​ແກ່​ການ​ຫັນ​ເປັນ​ດີ​ຕີ​ຕອນ”: ທັກ​ສະ​ດີ​ຈີ​ຕອນ - ເຕັກ​ໂນ​ໂລ​ຢີ​ການ​ສຶກ​ສາ, ຄວາມ​ໝັ້ນ​ຄົງ​ທາງ​ເຄືອ​ຂ່າຍ​ອິນ​ເຕີ​ເນັດ ແລະ ສິດ​ສະ​ເພາະ, ICT ຂຽວ, AI, ພະ​ລັງ​ງານທີ່​ມີ​ປະ​ສິດ​ທິ​ຜົນ ແລະ ພັດ​ທະ​ນາ​ແບບ​ຍືນ​ຍົງ.

ບຸນ​ຄົງ

ເຫດການ