| ໄຂງານວາງສະແດງຕະຫຼາດນັດການຄ້າລາວ-ຫວຽດນາມ Expo ປີ 2019 | |
| ຈະຈັດງານວາງສະແດງ LAO ICT EXPO 2019 ກາງເດືອນມິຖຸນານີ້ |
 |
| Internet Expo 2021 |
ວັນທີ 30 ກັນຍາ 2021, IEXGroup ພ້ອມກັບບໍລິສັດ V-EXIM Solutions ໄດ້ຈັດຕັ້ງກອງປະຊຸມທາງໄກ“Internet Expo” ກ່ຽວກັບການຫັນການເຄື່ອນໄຫວທາງການຄ້າ ລະຫວ່າງ ລັດເຊຍ ແລະຫວຽດນາມເປັນດີຈີຕອນ, ໝູນໃຊ້ບັນດາຮູບແບບໃໝ່ໃນໃນຈັດຕັ້ງການຄ້າສອງຝ່າຍແລະ ນຳໃຊ້ຮູບແບບວາງສະແດງທາງໄກຄືເຄື່ອງມືເພື່ອພັດທະນາການຮ່ວມມືເສດຖະກິດ.
ທີ່ກອງປະຊຸມ, ທ່ານ A.M. Pecherin ຫົວໜ້າຫ້ອງການເສດຖະກິດອົງການຕາງໜ້າການຄ້າລັດເຊຍ ປະຈຳ ຫວຽດນາມ ໄດ້ແບ່ງປັນວິໄສທັດຂອງອົງການຕາງໜ້າການຄ້າລັດເຊຍຕໍ່ຮູບແບບວາງສະແດງທາງໄກ ຄືທ່າອ່ຽງໃໝ່ທາງການຄ້າ.
ໜຶ່ງໃນບັນດາເຄື່ອງມືທີ່ມີປະສິດທິຜົນທີ່ສຸດເພື່ອສ້າງການຮ່ວມມືສອງຝ່າຍຕາມແບບເກົ່າແມ່ນເຂົ້າຮ່ວມບັນດາງານວາງສະແດງ, ເວທີປາໄສການຄ້າສາກົນ. ນີ້ແມ່ນກາລະໂອກາດພິເສດເພື່ອແນະນຳກ່ຽວກັບບໍລິສັດແລະ ບັນດາຜະລິດຕະພັນຂອງຕົນ ກັບບັນດາຄູ່ຮ່ວມມືທີ່ມີຄວາມສາມາດບົ່ມຊ້ອນແລະ ຜູ້ບໍລິໂພກຢູ່ບັນດາປະເທດ, ຊອກຮູ້ກ່ຽວກັບບັນດາວິສາຫະກິດ ໃນຂະແໜງ, ສ້າງການພົວພັນກັບບັນດາລູກຄ້າໃໝ່ ແລະ ໄດ້ຮັບຮູ້ຫຼາຍກ່ວາກ່ຽວກັບການຕະຫຼາດເຊິ່ງຕົນເອງມີຄວາມສົນໃຈ.
ໃນເງື່ອນໄຂສັບສົນຄືໃນປັດຈຸບັນຍ້ອນໂລກລະບາດໂຄວິດ - 19, ໃນຂະນະທີ່ວຽກເຂົ້າຮ່ວມໂດຍກົງບັນດາເຫດການຕ່າງປະເທດ ແລະ ຈັດຕັ້ງບັນດາການພົບປະໂດຍກົງຄືເມື່ອກ່ອນແມ່ນຫຍຸ້ງຍາກທີ່ສຸດ, ບັນດາຮູບແບບໃໝ່ເພື່ອພົບປະທາງໄກນີ້, ໃນນັ້ນມີການຈັດຕັ້ງງານວາງສະແດງ, ກອງປະຊຸມ, ເວທີປາໄສພວມສວມບົດບາດສຳຄັນພິເສດ. ການໝູນໃຊ້ເຕັກໂນໂລຢີໃໝ່ແມ່ນການຮັບປະກັນໃຫ້ແກ່ການສົ່ງເສີມການດຳເນີນທຸລະກິດປະສົບຜົນສຳເລັດແລະ ເປີດກວ້າງບັນດາການພົວພັນຄູ່ຮ່ວມມືໄປທົ່ວໂລກ.
ກອງປະຊຸມມີການເຂົ້າຮ່ວມຂອງຜູ້ແທນກ່ວາ 180 ທ່ານຕາງໜ້າໃຫ້ແກ່ບັນດາອົງການຈັດຕັ້ງ ແລະວິສາຫະກິດ ລັດເຊຍ, ໃນນັ້ນມີບັນດາວິສາຫະກິດໃຫຍ່ຄື: ບໍລິສັດ“Rostelecom”, ທະນາຄານຮ່ວມທຸລະກິດ ຫວຽດ - ລັດເຊຍ, ສະຫະພັນຊິ້ນແຫ່ງຊາດ ລັດເຊຍ (NMAS), ສະຫະພັນຜູ້ຜະລິດນົມແຫ່ງຊາດ “Soiuzmoloko”.
ເລື່ອງປະຊາຄົມວິສາຫະກິດ ລັດເຊຍນັບມື້ນັບມີຄວາມສົນໃຈ ຕໍ່ບັນດາຕະຫຼາດອາຊີຫຼາຍກ່ວານັ້ນ ໄດ້ສະແດງໃຫ້ເຫັນວ່າ ບັນດານັກທຸລະກິດ ພ້ອມແລ້ວທີ່ຈະໝູນໃຊ້ບັນດາວິທີການສົມທົບການກະທຳໃໝ່ ໃນການເຄື່ອນໄຫວຂອງຕົນ, ແລະສິ່ງນີ້ຈະສ້າງກຳລັງໜູນເພື່ອສືບຕໍ່ພັດທະນາການພົວພັນດ້ານເສດຖະກິດການຄ້າລະຫວ່າງລັດເຊຍ ແລະ ຫວຽດນາມ.
ບຸນຄົງ
