| ການນຳພັກ, ລັດຫວຽດນາມສົ່ງສານອວຍພອນເນື່ອງໃນໂອກາດວັນຊາດຈີນ | |
| ຈີນເປັນຕະຫຼາດນຳເຂົ້າລາຍໃຫຍ່ທີ່ສຸດຂອງຫວຽດນາມໃນ 9 ເດືອນຜ່ານມາ |
 |
| ທ່ານພົນຕີ ເລືອງຕາມກວາງ, ກຳມະການສູນກາງພັກ, ຮອງລັດຖະມົນຕີກະຊວງຕຳຫຼວດ ໃຫ້ການຕ້ອນຮັບ ທ່ານເອກອັກຄະລັດຖະທູດ ຈີນ ປະຈຳຫວຽດນາມ ສູງບົວ (ພາບ: cand.com.vn) |
ທ່ານຮອງລັດຖະມົນຕີ ເລືອງຕາມກວາງ ໄດ້ສະແດງຄວາມຂອບອົກຂອບໃຈ ແລະ ຕີລາຄາສູງຄວາມສຸດຈິດສຸດໃຈຂອງສະຖານທູດ ຈີນ ແລະ ທ່ານເອກອັກຄະລັດຖະທູດ ໃນການຊຸກຍູ້ແຜນການຂອງກະຊວງຕຳຫຼວດ ຈີນ ໃນການໜູນຊ່ວຍງວດວັກຊິນກັນໂຄວິດ - 19 ໃຫ້ແກ່ ກະຊວງຕຳຫຼວດ ຫວຽດນາມ ເພື່ອຮັບໃຊ້ໃຫ້ແກ່ວຽກງານສັກວັກຊິນກັນໂຄວິດ - 19 ໃນຕຳຫຼວດປະຊາຊົນ ຫວຽດນາມ ໃນສະພາບການໂລກລະບາດໂຄວິດ - 19 ທີ່ສັບສົນຄືໃນປັດຈຸບັນ.
ທ່ານພົນຕີ ເລືອງຕາມກວາງ ຊີ້ແຈ້ງວ່າ ໄລຍະຜ່ານມາ ການພົວພັນຫວຽດນາມ - ຈີນ ກໍ່ຄືການພົວພັນລະຫວ່າງກະຊວງຕຳຫຼວດ ຫວຽດນາມ ແລະ ກະຊວງຕຳຫຼວດ, ກະຊວງຄວາມໝັ້ນຄົງ ແຫ່ງຊາດ ແລະ ທະຫານຕຳຫຼວດ ປະກອບອາວຸດປະຊາຊົນ ຈີນ ສືບຕໍ່ຮັກສາໄດ້ທ່າພັດທະນາຢ່າງຕັ້ງໜ້າ, ມີປະສິດທິຜົນ, ແທດຈິງທີ່ລັກສະນະບຸກທະລຸໃນບັນດາຂົງເຂດຄື ການປ້ອງກັນ, ຕໍ່ສູ້ກັບອາດຊະຍາກຳນຳໃຊ້ເຕັກໂນໂລຢີສູງ, ອາດຊະຍາກຳຢາເສບຕິດ, ອາດຊະຍາກຳຄ້າມະນຸດ, ຈັບຕົວເປົ້າໝາຍລະເມີດກົດໝາຍ, ຮ່ວມມືປ້ອງກັນ, ຕ້ານອາດຊະຍາກຳລະຫວ່າງບັນດາແຂວງຕິດກັບຊາຍແດນຂອງສອງປະເທດ… ຜ່ານນັ້ນ ກໍ່ປະກອບສ່ວນສຳຄັນເຂົ້າໃນການປັບປຸງຄວາມໄວ້ເນື້ອເຊື່ອໃຈດ້ານການເມືອງ ແລະ ເພີ່ມທະວີການພົວພັນຄູ່ຮ່ວມມື ຍຸດທະສາດຢ່າງຮອບດ້ານ ຕາມທິດນັບມື້ນັບເຂົ້າສູ່ລວງເລິກ, ບັນລຸໄດ້ໝາກຜົນທີ່ສຳຄັນ.
ທ່ານຮອງລັດຖະມົນຕີ ເລືອງຕາມກວາງ ໄດ້ສະເໜີໃຫ້ທ່ານ ສູງບົວ ສືບຕໍ່ຊຸກຍູ້ການໜູນຊ່ວຍວັດຖຸອຸປະກອນການແພດເພື່ອຕ້ານໂລກລະບາດ, ຢາປິ່ນປົວໂຄວິດ - 19 ກໍ່ຄືສ້າງເງື່ອນໄຂໃຫ້ ຫວຽດນາມ ສັ່ງຊື້ວັກຊິນໂດຍຈີນຜະລິດ, ມຸ່ງໄປເຖິງການສຳຜັດກັບວັກຊິນກັນໂຄວິດ - 19 ໃຫ້ແກ່ເດັກນ້ອຍ, ເພີ່ມທະວີການຮ່ວມມື, ແບ່ງປັນເຕັກໂນໂລຢີຜະລິດວັກຊິນ, ຢາປິ່ນປົວໂຄວິດ - 19 ກັບ ຫວຽດນາມ ເວົ້າລວມ ແລະ ກັບກະຊວງຕຳຫຼວດ ຫວຽດນາມ ເວົ້າສະເພາະໃນໄລຍະຈະມາເຖິງ.
ທ່ານເອກອັກຄະລັດຖະທູດ ສູງບົວ ສະແດງຄວາມປິຕິຊົມຊື່ນ ຕໍ່ການພົວພັນຮ່ວມມືລະຫວ່າງ ກະຊວງຕຳຫຼວດ ຫວຽດນາມ ແລະ ກະຊວງຕຳຫຼວດ, ກະຊວງຄວາມໝັ້ນຄົງ ແຫ່ງຊາດ ແລະ ທະຫານຕຳຫຼວດປະກອບອາວຸດປະຊາຊົນຈີນ ໃນໄລຍະຜ່ານມານັບມື້ນັບໄດ້ຮັບການຊຸກຍູ້, ກ້າວເຂົ້າສູ່ຄວາມແທດຈິງ, ມີປະສິດທິຜົນກ່ວາເທື່ອລະກ້າວ, ຕອບສະໜອງຄວາມຕ້ອງການ ແລະ ມີຄວາມປາດຖະໜາຢາກຮ່ວມມືລະຫວ່າງ ສອງຝ່າຍ, ປະກອບສ່ວນຮັບປະກັນຄວາມໝັ້ນຄົງ ແລະ ການພັດທະນາຂອງສອງປະເທດ.
ທ່ານ ສູງບົວ ຢັ້ງຢືນວ່າ ໃນຖານະຕຳແໜ່ງຂອງຕົນ ຈະສືບຕໍ່ມີບັນດາການປະກອບສ່ວນຢ່າງຕັ້ງໜ້າ ເພື່ອຊຸກຍູ້ການພົວພັນຮ່ວມມືມິດຕະພາບ ລະຫວ່າງສອງປະເທດເວົ້າລວມ, ລະຫວ່າງກະຊວງຕຳຫຼວດ, ກະຊວງຄວາມໝັ້ນຄົງ ແລະ ທະຫານຕຳຫຼວດປະກອບອາວຸດປະຊາຊົນ ຈີນ ແລະ ກະຊວງຕຳຫຼວດ ຫວຽດນາມ ເວົ້າສະເພາະ ໃຫ້ພັດທະນາຂຶ້ນສູ່ລະດັບສູງໃໝ່, ເພື່ອຜົນປະໂຫຍດຂອງ ປະຊາຊົນສອງປະເທດ.
ບຸນຄົງ
