ບັນດາວິສາຫະກິດມີຄວາມເຊື່ອໝັ້ນຕໍ່ຕະຫຼາດລົງທຶນຫວຽດນາມ

16:25 | 30/09/2021

ຍສໝ - ມີພື້ນຖານຕົວຈິງຢັ້ງຢືນວ່າບັນດານັກລົງທຶນສາກົນຍັງມີຄວາມຫວັງຕໍ່ການພັດທະນາການເຄື່ອນໄຫວດຳເນີນທຸລະກິດຢູ່ຫວຽດນາມ, ຈະບໍ່ມີວິສາຫະກິດໃດອອກຈາກຫວຽດນາມໃນອະນາຄົດໃກ້ໆນີ້…

	ກະຊວງ ແຜນການ ແລະ ການລົງທຶນສົມທົບກັບບັນດາທ້ອງຖິ່ນສ້າງແຜນການຟື້ນຟູເສດຖະກິດ
	ມີນັກລົງທຶນໃຫຍ່ຂອງໄຕ້ຫວັນ 100 ຄົນຊອກຫາກາລະໂອກາດມາລົງທຶນຢູ່ ຫວຽດນາມ

ບັນດາວິສາຫະກິດມີຄວາມເຊື່ອໝັ້ນຕໍ່ຕະຫຼາດລົງທຶນຫວຽດນາມ (ພາບ:cand.com.vn)

ທ່ານນາງ Dorsati Mandani, ນັກຊ່ຽວຊານດ້ານເສດຖະກິດຂັ້ນສູງທະນາຄານໂລກ (WB) ຢູ່ຫວຽດນາມຖືວ່ານັກລົງທຶນ FDI ຍັງມີຄວາມເຊື່ອໝັ້ນຕໍ່ແງ່ຫວັງຂອງພື້ນຖານເສດຖະກິດຫວຽດນາມຍ້ອນຫຼາຍເຫດຜົນ.

ພື້ນຖານເສດຖະກິດຫວຽດນາມຍັງນອນໃນຈຳນວນປະເທດທີ່ມີການເຕີບໂຕທີ່ດີ. ນັ້ນແມ່ນສັນຍານຫຼັກຂອງຄວາມສາມາດໃນການຟື້ນຟູແລະກຳລັງແຮງດ້ານເສດຖະກິດ, ບັນດາຮາກຖານໂດຍພື້ນຖານຂອງພື້ນຖານເສດຖະກິດທີ່ໝັ້ນແກ່ນ.

ໃນໄຕມາດທີ III/2021, ເມື່ອເບິ່ງແຫຼ່ງທຶນ FDI ເດືອນສິງຫາ, WB ຍັງສະແດງໃຫ້ເຫັນຄຳໝັ້ນສັນຍາ FDI ເພີ່ມຂຶ້ນ. “ນັ້ນແມ່ນສັນຍາທີ່ສະແດງໃຫ້ເຫັນບັນດານັກລົງທຶນສາກົນຍັງມີແງ່ຫວັງຕໍ່ການພັດທະນາໃນການເຄື່ອນໄຫວດຳເນີນທຸລະກິດຢູ່ຫວຽດນາມ”, ທ່ານນາງ Dorsati Mandani ປະກອບຄຳເຫັນ.

ທ່ານນາງ Dorsati Mandani ໃຫ້ຮູ້ວ່າ WB ພວມມີບັນດາແຜນການໜູນຊ່ວຍຫວຽດນາມໃນໄລຍະຈະມາເຖິງ. WB ໄດ້ແລະພວມໜູນຊ່ວຍດ້ານການເງິນແລະໃຫ້ຄຳປຶກສານະໂຍບາຍເພື່ອໃຫ້ຫວຽດນາມປັບປຸງລະບົບສາທາລະນະສຸກ, ຟື້ນຟູພື້ນຖານເສດຖະກິດຢ່າງມີໄຫວພິບແລະໝັ້ນແກ່ນ. WB ກໍ່ພ້ອມແລ້ວທີ່ຈະໃຫ້ຄຳປຶກສາແບ່ງປັນບັນດາຂໍ້ລິເລີ່ມແລະບົດຮຽນສາກົນເພື່ອຮັບປະກັນການຟື້ນຟູທີ່ດີແລະພ້ອມທັງແມ່ນຍາດແຍ່ງກາລະໂອກາດທີ່ເກີດຈາກໂລກລະບາດໂຄວິດ - 19. ຄືຄຳເວົ້າ“ເມື່ອປະສົບກັບຄວາມຫຍຸ້ງຍາກລຳບາກຈຶ່ງຮູ້ຜູ້ໃດແມ່ນເພື່ອນທີ່ດີ”, ນີ້ແມ່ນໄລຍະພວກເຮົາຕ້ອງການກັນທີ່ສຸດ. ໂດຍແມ່ນຄູ່ຮ່ວມເດີນທາງທີ່ດົນນານແລະເປັນໜ້າພັດທະນາທີ່ມີຄວາມໄວ້ເນື້ອເຊື່ອໃຈຂອງຫວຽດນາມ, ພວກຂ້າພະເຈົ້າໃຫ້ຄຳໝັ້ນສັນຍາຈະປະຕິບັດທຸກສິ່ງທຸກຢ່າງເພື່ອອາດຈະຊ່ວຍຫວຽດນາມຟື້ນຟູພາຍຫຼັງໂລກລະບາດໂຄວິດ - 19” ທ່ານນາງ Dorsati Mandani ກ່າວ.

ບຸນຄົງ