ແລກປ່ຽນດ້ານການຄ້າຕ່ຳແຜ່ນຕັດຫຍີບລະຫວ່າງຫວຽດນາມ ແລະໄຕ້ຫວັນ

	ສືບຕໍ່ຍົກສູງບົດບາດ ແລະທີ່ຕັ້ງຂອງຫວຽດນາມ
	ຂົວຕໍ່ມິດຕະພາບ, ການຮ່ວມມືລະຫວ່າງຫວຽດນາມ ແລະອາເມເນຍ

ພາບປະກອບ

ຊຸດເຫດການງານວາງສະແດງ ແລະການເຊື່ອມຕໍ່ແລກປ່ຽນດ້ານການຄ້າຂະແໜງການຕ່ຳແຜ່ນຕັດຫຍີບຫວຽດນາມ - ໄຕ້ຫວັນ (ຈີນ) ໃນປີ 2021 ໄດ້ຕັ້ງເປົ້າໝາຍສ້າງຕັ້ງ ແລະປັບປຸງສາຍພົວພັນການຮ່ວມມືແບບຍືນຍົງລະຫວ່າງບັນດາຜູ້ຜະລິດວັດຖຸດິບຕ່ຳແຜ່ນຕັດຫຍີບໄຕ້ຫວັນກັບບັນດາວິສາຫະກິດຂະແໜງການຕັດຫຍິບຢູ່ຫວຽດນາມ.

ສອງເຫດການໄດ້ຈັດຂຶ້ນຢູ່ນະຄອນໂຮ່ຈີມິນ (ເດືອນເມສາ 2021) ແລະຮ່າໂນ້ຍ (ພຶດສະພາ 2021) ບັນລຸໄດ້ບັນດາໝາກຜົນທີ່ແນ່ນອນດ້ວຍເກືອບ 400 ການແລກປ່ຽນທາງໂດຍກົງ ແລະ ທາງອອນລາຍ (ຜ່ານ Zoom) ລະຫວ່າງບັນດາວິສາຫະກິດຫວຽດນາມ ແລະວິສາຫະກິດໄຕ້ຫວັນ 16 ແຫ່ງ.

ສະຫະພັນຕໍ່າແຜ່ນຕັດຫຍິບໄຕ້ຫວັນ (TTF) ສືບຕໍ່ແນະນຳເຫດການນີ້ໃຫ້ກັບປະຊາຄົມວິສາຫະກິດຂະແໜງຕຳ່ແຜ່ນຕັດຫຍິບຫວຽດນາມ. ງານວາງສະແດງ ແລະກອງປະຊຸມ ໄດ້ດໍາເນີນດ້ວຍສອງຮູບແບບ ທາງໂດຍກົງ ແລະ ທາງອອນລາຍ ບົນພື້ນຖານ ໂປແກມ Zoom ອອນລາຍ.

TTF ມີບົດບາດສໍາຄັນຕົ້ນຕໍໃນການກໍານົດທິດທາງພັດທະນາຂະແໜງການຕຳ່ແຜ່ນຕັດຫຍິບຂອງໄຕ້ຫວັນໃຫ້ໄກໄປກວ່າອີກ ດ້ວຍການໜູນຊ່ວຍປະຊາຄົມວິສາຫະກິດສູງສຸດ ເພື່ອໂຄສະນາບັນດາເຕັກໂນໂລຢີການຜະລິດທີ່ໂດດເດັ່ນ, ໃນນັ້ນຕ້ອງເວົ້າເຖິງບັນດາເຕັກນິກການນໍາໃຊ້ເສັ້ນໄຍເຄມີປະກອບເປັນຜ້າແພຊະນິດຕ່າງໆທີ່ສາມາດນຳໃຊ້ຫຼາຍແບບ ແລະເຕັກໂນໂລຢີການຍ້ອມສີທີ່ມີຜົນກະທົບຕໍ່ສິ່ງແວດລ້ອມໜ້ອຍທີ່ສຸດເທົ່າທີ່ຈະເປັນໄປໄດ້.

ໃນວັນທີ 6 ແລະ 7 ຕຸລາ, TTF ໄດ້ຮ່ວມມືກັບບໍລິສັດ VINEXAD ເພື່ອແນະນໍານັກຜະລິດຜ້າ 12 ແຫ່ງຜະລິດຜ້າແພທີ່ໂດດເດັ່ນເຊັ່ນ: ການໃຊ້ຜ້າແພຈາກປລາສຕິກທີ່ໄດ້ຜະລິດຄືນໃໝ່, ຜ້າທີ່ສາມາດຕ້ານເຊື້ອພະຍາດ, ປ້ອງກັນ UV, ເຮັດຄວາມເຢັນ.

ຜູ້ຕາງໜ້າຄະນະຈັດຕັ້ງຢູ່ຫວຽດນາມ - ບໍລິສັດ VINEXAD ໄດ້ສົ່ງບັນຊີລາຍຊື່ລະອຽດຂອງຜູ້ສະໜອງ 12 ບໍລິສັດໃຫ້ປະຊາຄົມວິສາຫະກິດ ແລະໄດ້ຈັດການພົບປະຕາມຄໍາຮຽກຮ້ອງຂອງວິສາຫະກິດຫວຽດນາມໃນຮູບແບບການພົບປະ 1 - 1 ພ້ອມກັບຜູ້ແປພາສາ ເພື່ອຮັບປະກັນໃຫ້ການພົວພັນແລກປ່ຽນໄດ້ຮັບຄວາມສະດວກ, ສິນຄ້າຕົວຢ່າງທັງໝົດຈະຖືກສົ່ງໄປໃຫ້ວິສາຫະກິດໃນເວລາໄວເທົ່າທີ່ຈະໄວໄດ້.

ເຖິງແມ່ນວ່າຍັງມີຂໍ້ຈຳກັດຫຼາຍຢ່າງໃນການໄປມາເນື່ອງຈາກຜົນກະທົບຂອງການລະບາດກໍ່ຕາມ, ແຕ່ຄະນະຈັດຕັ້ງກໍ່ຫວັງວ່າ ການເຊື່ອມຕໍ່ລະຫວ່າງບັນດາວິສາຫະກິດຕ່ຳແຜ່ນຕັດຫຍິບຂອງສອງປະເທດຈະໄດ້ລົງນາມໃນສັນຍາຫຼາຍສະບັບ ແລະຊ່ວຍໃຫ້ຂະແໜງການຕັດຫຍິບນັບມື້ນັບເຕີບໂຕ.