 |
ງານລົງນາມບົດບັນທຶກຄວາມເຂົ້າໃຈ ວ່າດ້ວຍການປຶກສາຫາລື ດ້ານການເມືອງ ແລະ ການຮ່ວມມື ລະຫວ່າງ ກະຊວງການຕ່າງປະເທດ ແຫ່ງ ສປປ ລາວ ແລະ ກະຊວງການຕ່າງປະເທດ, ການຄ້າ ແລະ ການພັດທະນາຂອງການາດາ.(ພາບ: ເກດສະໜາ)
ໂອກາດດັ່ງກ່າວ, ສອງຝ່າຍ ໄດ້ສະແດງຄວາມຍິນດີ ແລະ ຕີລາຄາສູງຕໍ່ການລົງນາມບົດບັນ ທຶກ ລະຫວ່າງ ສອງກະຊວງການຕ່າງປະເທດ, ເຊິ່ງເປັນນິມິດໝາຍອັນດີ ໃນການຊຸກຍູ້ ແລະ ເພີ່ມທະວີການພົວພັນຮ່ວມມື ໃນຂອບສອງຝ່າຍ ແລະ ຫລາຍຝ່າຍ ໃຫ້ກວ້າງຂວາງ ແລະ ມີປະສິດທິພົນຂຶ້ນຕື່ມ ໂດຍສະເພາະແມ່ນການຮ່ວມມື ໃນດ້ານວຽກງານການເກັບກູ້ລະເບີດບໍ່ທັນແຕກ, ການສຶກສາ ແລະ ການພົວພັນຮ່ວມມື ການາດາ-ອາຊຽນ, ການຮ່ວມມື ແລະ ການສະໜັບສະໜູນ ເຊິ່ງກັນ ແລະ ກັນ ໃນເວທີພາກພື້ນ ກໍຄື ສາກົນ.
ສປປ ລາວ ແລະ ການາດາ ໄດ້ສ້າງຕັ້ງສາຍພົວພັນການທູດນຳກັນ ໃນວັນທີ 15 ນິຖຸນາ 1974 ແລະ ໃນເດືອນສິງຫາ 2015 ການາດາ ໄດ້ເປີດຫ້ອງການຕາງໜ້າການທູດ ການາດາ ທີ່ນະຄອນຫລວງວຽງຈັນ.
（ແຫຼ່ງຂໍ້ມູນ： ຂປລ）
