ຕາມນັ້ນແລ້ວ, ກະຊວງປ້ອງກັນປະເທດ ແລະ ບັນດາແຂວງ/ນະຄອນ ຄື: ບັກຢາງ, ວິ້ງຟຸກ, ບັກນິງ, ຫາຍເຢືອງ, ຮືງອຽນ, ຫາຍຟອງ, ຮ່ານາມ, ນາມດິງ, ໄທບິ່ງ ແລະ ຮວ່າບິ່ງ ຕ້ອງກະກຽມຢ່າງຕັ້ງໜ້າເພື່ອໜູນຊ່ວຍຮ່າໂນ້ຍ ໃນການປະຕິບັດການວິເຄາະໄວ, ການຈັດແບ່ງປະເພດກໍລະນີ F0 ເພື່ອເບິ່ງແຍງ ແລະ ປິ່ນປົວຢ່າງເໝາະສົມ, ການຕິດຕາມຊອກຫາ F1 ເພື່ອຄຸ້ມຄອງ ແລະ ການຈັດຕັ້ງການສັກຢາປ້ອງກັນພະຍາດ COVID-19.
 |
| ນາຍົກລັດຖະມົນຕີລົງ ກວດກາການປ້ອງກັນ ແລະ ຄວບຄຸມການລະບາດຂອງພະຍາດ ຢູ່ເມືອງແທັງຊວນ, ຮ່າໂນ້ຍ |
ຕາມພະແນກສາທາລະນະສຸກຮ່າໂນ້ຍແລ້ວ, ແຕ່ວັນທີ 29 ເມສາຫາ 7 ກັນຍາ 2021, ນະຄອນຫຼວງຮ່າໂນ້ຍ ໄດ້ບັນທຶກກໍລະນີຕິດເຊື້ອໄວຣັດ SARS-CoV-2 ທັງໝົດ 3,614 ກໍລະນີ, ໃນນັ້ນມີ 1,569 ກໍລະນີຢູ່ໃນຊຸມຊົນ, 2,045 ຄົນຢູ່ໃນເຂດແຍກປ່ຽວ. ຄາດວ່ານະຄອນຫຼວງຮ່າໂນ້ຍ ຈະປະຕິບັດການວິເຄາະ 100% ໃຫ້ປະຊາຊົນໃນບໍລິເວນ ຮອດວັນທີ 12 ກັນຍາ ຕາມຫຼັກການ: ເອົາຕົວຢ່າງທຸກຄົນທີ່ຢູ່ໃນເຂດປິດການເຂົ້າອອກ, ເຂດແຍກປ່ຽວ, ເຂດທີ່ມີຄວາມສ່ຽງສູງຫຼາຍ ໄປວິເຄາະ 2-3 ມື້/ຄັ້ງ; ສໍາລັບທຸກຄົນຢູ່ໃນເຂດທີ່ມີຄວາມສ່ຽງສູງ 5-7 ມື້/ຄັ້ງ;
ເປົ້າໝາຍຂອງນະຄອນຫຼວງຮ່າໂນ້ຍແມ່ນ ເພື່ອຄວບຄຸມສະຖານະການການລະບາດຂອງພະຍາດ ໂດຍໄວ ກ່ອນວັນທີ 15 ກັນຍາ, ເພື່ອຈັດເຂົ້າຢູ່ໃນກຸ່ມຄວບຄຸມພະຍາດໄດ້ດີ ຕາມມາດຖານຄວບຄຸມພະຍາດຂອງກະຊວງສາທາລະນະສຸກ.
ຄຳຮຸ່ງ
