| ຄະນະນັກກິລາຫວຽດນາມ ເຂົ້າຮ່ວມ Olympic ດ້ວຍສະມາຊິກ 43 ຄົນ | |
| ຫວຽດນາມ ເຂົ້າຮ່ວມ Army Games 2020 ຢູ່ ລັດເຊຍ |
ສະຖານທູດຫວຽດນາມ ປະຈຳ ອີຕາລີ ໄດ້ປະສານສົມທົບກັບອຳນາດການປົກຄອງສອງແຂວງ ຄື: ເຊີນລາ ແລະ ເບັນແຈ ເພື່ອເຊົ່າຮ້ານວາງສະແດງເປັນຄັ້ງທຳອິດ, ນຳເອົາຜະລິດຕະພັນພິເສດ ຄື ໝາກພຸກ, ໝາກອາໂວກາໂດ, ໝາກລຳໄຍ, ໝາກໂກ, ໝາກມ່ວງ, ບັນດາຍີ່ຫໍ້ຊາ ແລະ ກາເຟຈາກຫວຽດນາມເຂົ້າຮ່ວມງານຕະຫຼາດນັດ.
 |
| ຫວຽດນາມ ເຂົ້າຮ່ວມ Macfrut 2021 ເປັນເທື່ອທຳອິດ. ພາບ: TTXVN |
ທ່ານນາງເອກອັກຄະລັດຖະທູດຫວຽດນາມ ປະຈຳ ອີຕາລີ ຫງວຽນທິບິກເຫວ້ ໄດ້ເນັ້ນໜັກວ່າ ການເຂົ້າຮ່ວມງານຕະຫຼາດນັດ Macfrut 2021 ໃນສະພາບການໂລກລະບາດໂຄວິດ-19 ໄດ້ສະແດງໃຫ້ເຫັນຄວາມມຸ່ງຫວັງ ແລະ ຄວາມມານະພະຍາຍາມຂອງສະຖານທູດ ກໍ່ຄື ບັນດາທ້ອງຖິ່ນ, ວິສາຫະກິດພາຍໃນປະເທດ ໃນການໂຄສະນາແນະນຳຜະລິດຕະພັນໝາກໄມ້ຫວຽດນາມ ສົ່ງອອກສູ່ຕະຫຼາດໂລກ.
ນອກຈາກຮ້ານວາງສະແດງໂດຍກົງແລ້ວ, ງານຕະຫຼາດນັດ Macfrut 2021 ຍັງຈັດຮ້ານວາງສະແດງດ້ວຍຮູບການອອນໄລ, ກາຍເປັນຂົວຕໍ່ເພື່ອຊ່ວຍໃຫ້ປະຊາຄົມວິສາຫະກິດພາຍໃນ ສາມາດເຂົ້າເຖິງ ແລະ ເຊື່ອມຕໍ່ກັບຄູ່ຮ່ວມງານດ້ວຍເຕັກໂນໂລຍີທີ່ກ້າວໜ້າໃນການຜະລິດ, ປຸງແຕ່ງ ແລະ ເກັບຮັກສາຜະລິດຕະພັນໝາກໄມ້ຂອງອີຕາລີ.
ການເຂົ້າຮ່ວມ Macfrut 2021 ແມ່ນບາດກ້າວເປີດຕົວທີ່ສຳຄັນ, ເປີດຊ່ອງທາງໃຫ້ແກ່ການເຂົ້!ຮ່ວມ ແລະ ການມີໜ້າຂອງວິສາຫະກິດຫວຽດນາມຢູ່ອີຕາລີ ແລະ ບັນດາປະເທດ EU ເວົ້າລວມ ນັບມື້ນັບຫຼາຍຂຶ້ນໃນເວລາທີ່ຈະມາເຖິງ.
ຄຳຮຸ່ງ
