| ພົນລະເມືອງ ຫວຽດນາມ 92 ຄົນ ກັບມາຈາກ ໄຕ້ຫວັນ ປະຕິບັດການແຍກຕົວລວມສູນ | |
| ATM ໄປສະນີພັນ ຮັບສິນຄ້າໂດຍບໍ່ສຳຜັດ |
 |
| ສະຫະພັນນັກທຸລະກິດຍິງ ຫວຽດນາມ ຢູ່ ໄຕ້ຫວັນ |
ນີ້ແມ່ນການເຄື່ອນໄຫວຕອບສະໜອງ “ຈົດໝາຍຮຽກຮ້ອງຊາວຫວຽດນາມ ອາໄສຢູ່ຕ່າງປະເທດ ແລະ ປະຊາຄົມຊາວຫວຽດນາມ ຢູ່ຕ່າງປະເທດ” ຂອງຫົວໜ້າຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນໂຮ່ຈີມິນ ຮ່ວມແຮງຮ່ວມໃຈຄວບຄຸມໂລກລະບາດໂຄວິດ - 19, ນຳນະຄອນກັບຄືນສູ່ສະພາບການທີ່ເປັນປົກກະຕິໃໝ່.
ກ່າວຄຳເຫັນທີ່ພິທີຮັບ, ທ່ານ ຟານເລຮຸຍຮ່ວາງ - ເລຂາຄະນະຊາວໜຸ່ມເມືອງ ໄດ້ສະແດງຄວາມຂອບໃຈຢ່າງຈິງໃຈຕໍ່ການໜູນຊ່ວຍ, ຊ່ວຍເຫຼືອອັນລ້ຳຄ່າຂອງ ສະຫະພັນນັກທຸລະກິດຍິງ ຫວຽດນາມ ຢູ່ ໄຕ້ຫວັນ. ທ່ານຫວັງວ່າຈະສືບຕໍ່ໄດ້ຮັບຄວາມເອົາໃຈໃສ່, ຮ່ວມແຮງຮ່ວມໃຈ, ໜູນຊ່ວຍສະມາຄົມໃນໄລຍະຈະມາເຖິງ.
ທ່ານນາງ ໂງເຟິມເຈີນ, ປະທານສະມາຄົມພັດທະນາເສດຖະກິດວັດທະນະທຳການສຶກສາ ໄຕ້ຫວັນ ຫວຽດນາມ ໂດຍແມ່ນຜູ້ສ້າງຕັ້ງສະຫະພັນນັກທຸລະກິດຍິງ ຫວຽດນາມ ປະຈຳ ໄຕ້ຫວັນ ໃຫ້ຮູ້ວ່າ: ສະຫະພັນຫາກໍ່ໄດ້ຮັບການສ້າງຕັ້ງໃນວັນທີ 14 ພະຈິກ ປີ 2020 ຢູ່ ໄຕ້ຫວັນ ເພື່ອແນໃສ່ຊ່ວຍແມ່ຍິງ ຫວຽດນາມ ດຳເນີນທຸລະກິດຢ່າງໝັ້ນຄົງຢູ່ ປະເທດໄຕ້ຫວັນ. ປະຊາຄົມຊາວຫວຽດນາມ ຢູ່ໄຕ້ຫວັນຍາມໃດກໍ່ອ່ວາຍໜ້າເມື່ອຫາບ້ານເກີດເມືອງນອນ, ປະເທດຊາດ, ເປັນຕົ້ນແມ່ນນະຄອນໂຮ່ຈີມິນ - ໂດຍແມ່ນທ້ອງຖິ່ນທີ່ພວມຖືກຜົນກະທົບຢ່າງຮ້າຍແຮງຈາກໂລກລະບາດໂຄວິດ - 19. ຈຳນວນເງິນສະໜັບສະໜູນໃຫ້ແກ່ໂຄງການ ATM ອົກຊີແຊນ ເຖິງວ່າໜ້ອຍ ແຕ່ກໍ່ເຕັມໄປດ້ວຍນ້ຳໃຈຄວາມແບ່ງປັນ, ຄວາມຮັກແພງສຳລັບພໍ່ແມ່ປະຊາຊົນຢູ່ບ້ານເກີດເມືອງນອນ, ແມ່ນການລະດົມກຳລັງໃຈສຳລັບກຳລັງປ້ອງກັນ, ຕ້ານໂລກລະບາດໂຄວິດ - 19.
ໂດຍໄດ້ຮູ້ວ່າ ໃນປີ 2021 ສະຫະພັນນັກທຸລະກິດຍິງ ຫວຽດນາມ ຢູ່ ໄຕ້ຫວັນ ໄດ້ສ້າງແຜນການບຳລຸງສ້າງໃຫ້ແກ່ສະມາຊິກກ່ຽວກັບທັກສະການແປພາສາ, MC, ສ້າງເຄື່ອງໝາຍການຄ້າ, ສ້າງຄຸນຄ່າຜະລິດຕະພັນ, ໂຄສະນາ... ສະມາຄົມຄາດວ່າ ຈະສົມທົບກັບບັນດາອົງການທີ່ມີໜ້າທີ່ຮັບຜິດຊອບ ຫວຽດນາມ ຈັດຕັ້ງໂຄງການ “ກາເຟວິສາຫະກິດ ອອນລາຍ”, ການແຂ່ງຂັນ “ນາງງາມພັນລະຍາຊຸດເສື້ອຍາວ” ເພື່ອແນໃສໂຄສະນາວັດທະນະທຳ ຫວຽດນາມ, ພັດທະນາພາສາ ຫວຽດ ຢູ່ໄຕ້ຫວັນ.
ບຸນຄົງ
