| ຊຸດປື້ມສອງພາສາ ແຫ່ງຄວາມສຸດຈິດສຸດໃຈຂອງຄູ ສອນພາສາຫວຽດ ຢູ່ ຢູແກຼນ | |
| ACCL ຢາກເປີດກ້ວາງຂອບຂະໜາດການໜູນຊ່ວຍໃຫ້ແກ່ບັນດາເດັກທີ່ເປັນພະຍາດມະເຮັງ ຢູ່ ຫວຽດນາມ |
 |
| ພິທີເປີດສົກຮຽນໃໝ່ (ພາບ: baomoi.com) |
ອາຈານ ຫວູທິເທິມ - ອາຈານຮັບຜິດຊອບຫ້ອງຮຽນ ໃຫ້ຮູ້ວ່າ ບັນດາຄອບຄົວໄດ້ເອົາໃຈໃສ່ເຖິງການສອນພາສາຫວຽດ ໃຫ້ແກ່ລູກຫຼານຂອງຕົນ. ໃນຊຸມປີກ່ອນ ຫ້ອງສອນພາສາຫວຽດ ຢູ່ໝູ່ບ້ານ Staritskogo ມີນັກຮຽນພຽງແຕ່ 20 ຄົນ, ໃນປີນີ້ (ສົກຮຽນ 2021 – 2022) ຈຳນວນນັກຮຽນໄດ້ເພີ່ມຂຶ້ນທົບ 2 ເທົ່າ, ເກືອບ 40 ຄົນແລ້ວ.
ອາຈານ ເທີມ ເວົ້າວ່າ: “ມີຫຼາຍຄອບຄົວພໍ່ແມ່ໄປເຮັດວຽກທຸກມື້, ຕ້ອງຝາກລູກໃຫ້ຊາວຕ່າງປະເທດເບິ່ງແຍງຊ່ວຍ. ບັນດານ້ອງໆບໍ່ຮູ້ພາສາຫວຽດນາມ, ເມື່ອກັບຄືນມາຢ້ຽມຢາມປູ່ຍ່າຕາຍາຍ, ຄອບຄົວຢູ່ຫວຽດນາມ ບັນດານ້ອງໆບໍ່ສາມາດທັກທາຍໄດ້, ຮູ້ສຶກແປກກັບທຸກສິ່ງທຸກຢ່າງ. ເພາະສະນັ້ນ, ໃນ 2 – 3 ປີຈະມາເຖິງ ບັນດາຄອບຄົວໄດ້ມີຄວາມເອົາໃຈໃສ່ເຖິງເລື່ອງສອນພາສາຫວຽດ ໃຫ້ແກ່ບັນດານ້ອງໆຫຼາຍຂຶ້ນ. ຫ້ອງຮຽນ ແມ່ນສະພາບແວດລ້ອມ ເພື່ອໃຫ້ບັນດານ້ອງໆໄດ້ໂອ້ລົມກັນດ້ວຍພາສາຫວຽດ, ສ້າງຄວາມໝັ້ນໃຈເມື່ອນຳໃຊ້ພາສາຫວຽດໃນການທັກທາຍເຊິ່ງກັນແລະກັນ ແລະ ກັບປະຊາຄົມ ຊາວຫວຽດນາມ ອາໄສຢູ່ບັນດາປະເທດຕ່າງໆ“.
ໂດຍໄດ້ຮູ້ວ່າ ຫ້ອງສອນພາສາຫວຽດ ຈະໄດ້ແບ່ງປັນ 3 ກຸ່ມ. ຫຼັກສູດການຮຽນ ຈະຮຽນຕາມຫຼັກສູດການຮຽນພາສາຫວຽດ ຈາກຫວຽດນາມ ສົ່ງມາ.
ກ່ອນໜ້ານັ້ນ, ໃນການຢ້ຽມຢາມ ແລະ ເຮັດວຽກຢູ່ Odessa, ທ່ານເອກອັກຄະລັດຖະທູດ ຫວຽດນາມ ປະຈຳ ຢູແກຼນ ຫງວຽນຮົ່ງແທັກ ໄດ້ສະເໜີ ຄະນະບໍລິຫານງານສະມາຄົມຊາວຫວຽດນາມ ອາໄສຢູ່ Odessa ໃຫ້ບູລິມະສິດແກ່ການສອນພາສາຫວຽດນາມ ໃຫ້ແກ່ບັນດານ້ອງໆທີ່ຢາກຮຽນພາສາຫວຽດ ຢູ່ບັນດາຫ້ອງສອນພາສາຫວຽດ ຢູ່ເຂດຊຸມຊົນ. ໃນສະພາບການໂລກລະບາດໂຄວິດ - 19 ມີການຜັນແປຢ່າງສັບສົນ ອາດສາມາດຈັດຕັ້ງການບັນດາຫ້ອງສອນພາສາຫວຽດ ທາງໄກ.
ບຸນຄົງ
