| WeWork ໜູນຊ່ວຍການເພີ່ມຄວາມໄວໃນການ Startup ຢູ່ ຫວຽດນາມ | |
| CEO ອາເມລິກາຮຽກຮ້ອງໃຫ້ ທ່ານປະທານາທິບໍດີ ອາເມລິກາ Joe Biden ເພີ່ມການໜູນຊ່ວຍວັກຊິນກັນໂຄວິດ - 19 ໃຫ້ແກ່ ຫວຽດນາມ |
 |
| ທ່ານນາງ Kazuyo Watanabe, ຜູ້ສ້າງຕັ້ງທັງເປັນປະທານ ACCL ແລະ ທ່ານເອກອັກຄະລັດຖະທູດ ຫວູຮົ່ງນາມ (ພາບ: vietnamplus.vn) |
ວັນທີ 18 ສິງຫາ, ທ່ານເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ຫວູຮົ່ງນາມ ໄດ້ໃຫ້ການຕ້ອນຮັບທ່ານນາງ Kazuyo Watanabe, ຜູ້ສ້າງຕັ້ງທັງເປັນປະທານ ACCL.
ກ່າວຄຳເຫັນທີ່ການຕ້ອນຮັບ, ທ່ານເອກອັກຄະລັດຖະທູດ ຫວູຮົ່ງນາມ ໄດ້ຕີລາຄາສູງການສະໜັບສະໜູນອັນລ້ຳຄ່າຂອງ ທ່ານນາງ Watanabe ເວົ້າສະເພາະ ແລະ ACCL ເວົ້າລວມ ໃຫ້ແກ່ບັນດາເດັກທີ່ເປັນພະຍາດມະເຮັງ ຢູ່ ຫວຽດນາມ ໃນ 16 ປີຜ່ານມາ (ມີຄົນເຈັບເດັກປະມານ 600 ຄົນ), ພ້ອມທັງຢັ້ງຢືນວ່າ ພ້ອມແລ້ວທີ່ຈະໜູນຊ່ວຍໃຫ້ແກ່ບັນດາການເຄື່ອນໄຫວທຳການກຸສົນຂອງອົງການນີ້ຢູ່ ຫວຽດນາມ.
ທ່ານນາງ Watanabe ໄດ້ສະແດງຄວາມຊົມເຊີຍ ເມື່ອມີເດັກທີ່ເປັນພະຍາດມະເຮັງຫຼາຍຄົນຢູ່ ຫວຽດນາມ ໄດ້ຮັບການໜູນຊ່ວຍຟື້ນຟູ ແລະ ພວມເຕີບໃຫຍ່, ພ້ອມທັງມີຄວາມຫວັງວ່າ ໃນໄລຍະຈະມາເຖິງຈະໜູນຊ່ວຍໃຫ້ແກ່ບັນດາເດັກທີ່ເປັນພະຍາດມະເຮັງ ບໍ່ພຽງແຕ່ຢູ່ພາກກາງ ເທົ່ານັ້ນ ຫາກຍັງຢູ່ບັນດາເຂດພາກຕ່າງໆຂອງ ຫວຽດນາມ ອີກດ້ວຍ.
ບຸນຄົງ
