| USAID ໜູນຊ່ວຍເງິນເກືອບ 10 ລ້ານ USD ເພື່ອຊ່ວຍ ຫວຽດນາມ ຮັບມືກັບໂລກລະບາດ ແລະ ຫຼຸດຜ່ອນຜົນກະທົບຈາກໂລກລະບາດໂຄວິດ - 19 | |
| ພິທີເປີດຕົວໂຄງການພັດທະນາ ລະບົບສາທາລະນະສຸກທີ່ສະໜັບສະໜູນໂດຍ USAID |
 |
| ພິທີ ປະກາດບັນດາໂຄງການໜູນຊ່ວຍຄົນພິການ ໂດຍ USAID ໜູນຊ່ວຍ (ພາບ: quangtri.gov.vn) |
ບັນດາໂຄງການ ລວມມີ “ໜູນຊ່ວຍປັບປຸງຄຸນນະພາບການດຳລົງຊີວິດຂອງຄົນພິການ ຢູ່ບັນດາແຂວງທີ່ຖືກຫວ່ານທາດທິດສີສົ້ມ (ໂຄງການ ເຊື່ອມຕົວ I) ໂດຍສູນຂໍ້ລິເລີ່ມສຸຂະພາບ ແລະ ປະຊາກອນ (CCIHP) ປະຕິບັດ ແລະ ອົງການປະຕິບັດຝ່າຍ ຫວຽດນາມ ແມ່ນ NACCET
ໂຄງການເຊື່ອມຕົວ I ມີມູນຄ່າກ່ວາ 6,9 ລ້ານ USD ແລະ ໂຄງການໜູນຊ່ວຍປັບປຸງຄຸນນະພາບການດຳລົງຊີວິດຂອງຄົນພິການ (RVCO-II) ມີມູນຄ່າປະມານ 2 ລ້ານ USD ເພື່ອແນໃສ່ໜູນຊ່ວຍໃຫ້ແກ່ຄົນພິການ, ໂດຍບໍ່ຈຳແນກສາຍເຫດທີ່ພິການ. ນີ້ແມ່ນບັນດາໂຄງການໜູນຊ່ວຍຈາກປະຊາຊົນ ອາເມລິກາ ໃນຂອບເຂດສັນຍາການຮ່ວມມືເສດຖະກິດ ເຕັກນິກສອງຝ່າຍ ລະຫວ່າງ ລັດຖະບານສອງປະເທດ ທີ່ໄດ້ລົງນາມໃນປີ 2005.
ກ່າວຄຳເຫັນທີ່ພິທີ, ທ່ານນາງ Ann Marie Yastishock - ຜູ້ອຳນວຍການ USAID ໄດ້ຕີລາຄາສູງ ການຊີ້ນຳ ແລະ ການຮ່ວມມືຢ່າງມີປະສິດທິຜົນຂອງແຂວງກວາງຈິ ໃນບັນດາໂຄງການຮ່ວມມືລະຫວ່າງສອງປະເທດ, ເນັ້ນໜັກເຖິງຄວາມສຳຄັນຂອງການພົວພັນຮ່ວມມືລະຫວ່າງ USAID ແລະ NACCET ໃນໂຄງການໜູນຊ່ວຍປັບປຸງຄຸນນະພາບໃນການດຳລົງຊີວິດຂອງຄົນພິການຢູ່ບັນດາແຂວງທີ່ຖືກຫວ່ານທາດພິດສີສົ້ມ, ໃນນັ້ນມີໂຄງການ ເຊື່ອມຕົວ I.
ຕາມທ່ານນາງ Ann Marie Yastishock ແລ້ວ, ນີ້ແມ່ນໂຄງການທີ່ສະແດງໃຫ້ເຫັນຄວາມມານະພະຍາຍາມຂອງໂຄງການ USAID ຢູ່ ຫວຽດນາມ ໃນການແນະນຳບັນດາອົງການທ້ອງຖິ່ນ ຮັບປະກັນບົດບາດຄຸ້ມຄອງໂຄງການ.
ການເຄື່ອນໄຫວນີ້ ຈະຊ່ວຍຍົກສູງກຳລັງຄວາມສາມາດຂອງບັນດາອົງການທ້ອງຖິ່ນ, ຍູູ້ແຮງການການປະຕິບັດເປົ້າໝາຍ ຂອງ USAID ໃນການຮ່ວມມືກັບລັດຖະບານປະເທດປະຈຳຖິ່ນ ແລະ ບັນດາຄູ່ຮ່ວມມືທ້ອງຖິ່ນ ເພື່ອແນໃສ່ບັນລຸໄດ້ບັນດາໝາກຜົນທີ່ຍືນຍົງ ຜ່ານການເພີ່ມທະວີກຳລັງຄວາມສາມາດ ແລະ ລະດົມບັນດາແຫຼ່ງກຳລັງທ້ອງຖິ່ນ.
ທ່ານນາງ Ann Marie Yastishock ໃຫ້ຮູ້ວ່າ ດ້ວຍໂຄງການ RVCO-II ບັນດາຝ່າຍຈະສືບຕໍ່ສ້າງອອກບັນດາການປ່ຽນແປງຢ່າງຕັ້ງໜ້າກ່ຽວກັບຄວາມຮັບຮູ້ ແລະ ທ່າທີສຳລັບຄົນພິການ, ເພີ່ມທະວີກຳລັງຄວາມສາມາດໃຫ້ແກ່ບັນດາອົງການ, ປັບປຸງນະໂຍບາຍເພື່ອລົບລ້າງຮົ້ວກີດຂວາງໃຫ້ແກ່ການເຊື່ອມຕົວຂອງຄົນພິການ.
ຕາມຂໍ້ມູນຈາກ USAID ແລ້ວ, ອາເມລິກາ ໄດ້, ພວມ ແລະ ຈະຜັນຂະຫຍາຍບັນດາໂຄງການດ້ວຍຫຼາຍຮູບແບບຢູ່ບັນດາທ້ອງຖິ່ນ ເພື່ອແກ້ໄຂຜົນຮ້າຍຈາກສົງຄາມ, ປັບປຸງຄຸນນະພາບໃນການດຳລົງຊີວິດຢູ່ບັນດາປະຊາຄົມທີ່ຖືກຜົນກະທົບຈາກການຫວ່ານທາດພິດສີສົ້ມໃນສົງຄາມ.
ແຂວງກ໋ວາງຈິ ແມ່ນໜຶ່ງໃນບັນດາຄູ່ຮ່ວມມືສຳຄັນຂອງ ອາເມລິກາ ໃນບັນດາໂຄງການຮ່ວມມືພັດທະນາກັບ ຫວຽດນາມ, ລວມມີບັນດາໂຄງການເກັບກູ້ ແລະ ທຳລາຍລູກລະເບີດທີ່ຍັງບໍ່ທັນແຕກ, ໜູນຊ່ວຍຄົນພິການ ແລະ ການໜູນຊ່ວຍດ້ານມະນຸດສະມຳ.
ບຸນຄົງ
