| ວົງເງິນການສົ່ງອອກຂອງຫວຽດນາມ ໄປຍັງອັງກິດ ບັນລຸເກືອບ 600 ລ້ານໂດລາສະຫະລັດ | |
| ທະນາຄານ ADB ຍູ້ແຮງການຮ່ວມມືກັບນະຄອນ ໂຮ່ຈິ້ມິນ |
ທະນາຄານພັດທະນາອາຊີ (ADB) ຫາກໍ່ອະນຸມັດບ້ວງເງິນກູ້ຢືມ 58 ລ້ານໂດລາສະຫະລັດ ແລະ ເງິນຊ່ວຍເຫຼືອລ້າ 2 ລ້ານໂດລາສະຫະລັດ ຈາກກອງທຶນເຕັກໂນໂລຢີຂັ້ນສູງ ຂອງ ADB ເພື່ອຈັດຕັ້ງປະຕິບັດໂຄງການພື້ນຖານໂຄງລ່າງໃຫ້ເໝາະສົມກັບການປ່ຽນແປງຂອງດິນຟ້າອາກາດ ສຳລັບຊົນເຜົ່າສ່ວນໜ້ອຍ ຢູ່ໃນສອງແຂວງບີ່ງດີ້ງ ແລະ ກ໋ວາງນາມ...
 |
| ແຂວງບິ່ງດິ້ງປະສົບກັບຜົນກະທົບຫຼາຍຢ່າງ ຈາກໄພພິບັດທາງທຳມະຊາດ ໃນປີ 2020 |
ໂຄງການດັ່ງກ່າວມີຈຸດປະສົງ ເພື່ອປັບປຸງຊີວິດການເປັນຢູ່ຂອງຊຸມຊົນຊົນເຜົ່າສ່ວນໜ້ອຍ ໃນເຂດຫ່າງໄກສອກຫຼີກ. ໂຄງການດັ່ງກ່າວ ຈະເຊື່ອມຕໍ່ກັບບັນດາສະຖານທີ່ຜະລິດຢູ່ເຂດຊົນນະບົດ, ເຂດຫ່າງໄກສອກຫຼີກກັບບັນດາຕະຫຼາດ ແລະ ຮາກຖານປຸງແຕ່ງພືດໄດ້ດີກວ່າ, ແລະ ເພີ່ມທະວີຄວາມສາມາດໃນການເຂົ້າເຖິງ ຂອງຜູ້ຊົມໃຊ້ຜົນປະໂຫຍດກັບການບໍລິການດ້ານສຸຂະພາບ, ການສຶກສາ ແລະ ຕະຫຼາດ.
ໂຄງການຍັງເປີດກວ້າງຄວາມສາມາດໃນການເຂົ້າເຖິງແຫຼ່ງສະໜອງນໍ້າສະອາດ ແລະ ການຕໍ່ນ້ຳເຂົ້າ ແລະ ລະບາຍອອກ. ຄາດວ່າ ຈະມີປະມານ 243,000 ຄົນ, ໃນນັ້ນມີ 126,300 ຄົນແມ່ນກຸ່ມຊົນເຜົ່າສ່ວນໜ້ອຍ ຈະໄດ້ຊົມໃຊ້ຜົນປະໂຫຍດຈາກໂຄງການນີ້.
ຫວຽດນາມ ແມ່ນໜຶ່ງໃນບັນດາປະເທດທີ່ຖືກຜົນສະທ້ອນຫຼາຍທີ່ສຸດຈາກການປ່ຽນແປງຂອງດິນຟ້າອາກາດ. ຄາດວ່າ ໃນແຕ່ລະປີ ຫວຽດນາມສູນເສຍລາຍຮັບສະເລ່ຍ 2.37 ຕື້ໂດລາສະຫະລັດ ຍ້ອນໄພພິບັດທາງທຳມະຊາດ, ໂດຍສະເພາະແມ່ນ ໄພນ້ຳຖ້ວມ, ໃນນັ້ນແຂວງບິ່ງດິ້ງ ແລະ ກວ໋າງນາມແມ່ນໜຶ່ງໃນບັນດາແຂວງທີ່ໄດ້ຮັບຜົນກະທົບໜັກໜ່ວງທີ່ສຸດ.
ຄຳຮຸ່ງ
