| ປະຊາຄົມຊາວຫວຽດນາມ ຢູ່ແຂວງຢຸນນານ ໜູນຊ່ວຍ ໃນການປ້ອງກັນ ແລະ ສະກັດກັ້ນພະຍາດ Covid-19 | |
| ນະຄອນໂຮ່ຈີມິນ ຮັບອຸປະກອນການແພດ ເພື່ອຮັບໃຊ້ໃນການປ້ອງກັນ ແລະ ສະກັດກັ້ນ COVID-19 ຈາກ ກໍາປູເຈຍ |
ໃນຕອນເຊົ້າຂອງວັນທີ 3 ສິງຫາ, ທ່ານ ຫງວຽນແທງລອງ, ລັດຖະມົນຕີກະຊວງສາທາລະນະສຸກ ໄດ້ເປັນປະທານກອງປະຊຸມອອນໄລ ແລະ ເຝິກອົບຮົມກ່ຽວກັບການເພີ່ມທະວີໃນວຽກງານການປິ່ນປົວ ແລະ ພັກຟື້ນໃນການປ້ອງກັນຕ້ານພະຍາດໂຄວິດ -19. ກອງປະຊຸມດັ່ງກ່າວ ໄດ້ເຊື່ອມຕໍ່ຫຼາຍກວ່າ 700 ຈຸດໃນທົ່ວປະເທດ.
 |
| ທ່ານ ຫງວຽນແທງລອງ, ລັດຖະມົນຕີກະຊວງສາທາລະນະສຸກ. |
ທ່ານລັດຖະມົນຕີ ຫງວຽນແທງລອງ ໄດ້ເນັ້ນໜັກເຖິງບາງເນື້ອໃນ ເຊິ່ງບັນດາທ້ອງຖິ່ນຕ້ອງເອົາໃຈໃສ່ຢ່າງຈິງຈັງ ໃນການປ້ອງກັນ ແລະ ຕ້ານໂລກລະບາດ ເພື່ອ ບໍ່ປະໃຫ້ເກີດສະພາບແຕກຕື່ນ ແລະ ຕົກຢູ່ໃນທ່າຮັບ ເມື່ອມີການລະບາດເກີດຂຶ້ນເປັນບໍລິເວນກວ້າງ.
ໂດຍຜ່ານການກວດກາຕົວຈິງໄດ້ສະແດງໃຫ້ເຫັນວ່າ ຫຼາຍທ້ອງຖິ່ນມີການປະຕິບັດທີ່ດີໃນການປ້ອງກັນ ແລະ ຕ້ານການລະບາດຂອງພະຍາດ, ແຕ່ຍັງມີຫຼາຍທ້ອງຖິ່ນ ການສ້າງແຜນການປ້ອງກັນ ແລະ ຕ້ານການລະບາດຂອງພະຍາດໃນພື້ນທີ່ ຍັງບໍ່ທັນໄດ້ຄິດໄລ່ລະອຽດເຖີງສະພາບການທີ່ອາດຈະເກີດຂຶ້ນ. ທ່ານລັດຖະມົນຕີ ໄດ້ຮຽກຮ້ອງໃຫ້ບັນດາທ້ອງຖິ່ນຕ້ອງເອົາໃຈໃສ່ສອງເນື້ອໃນ ຄື: ກວດກາວິເຄາະ ແລະ ປິ່ນປົວພະຍາດ; ເພີ່ມທະວີກຳລັງຄວາມສາມາດໃນການກວດກາວິເຄາະ ເພື່ອກວດຫາກໍລະນີ F0 ຢ່າງວ່ອງໄວ.
ເພື່ອເປັນເຈົ້າການໃນການຮັບມື ກັບການແຜ່ລະບາດຂອງພະຍາດທີ່ເພີ່ມຂຶ້ນຢ່າງໄວວາ, ນອກຈາກການສະໜອງຊັບພະຍາກອນມະນຸດແລ້ວ, ທ່ານລັດຖະມົນຕີ ຫງວຽນແທ່ງລອງ ຍັງໄດ້ຮຽກຮ້ອງໃຫ້ທ້ອງຖິ່ນຕ່າງໆ ກະກຽມອຸປະກອນການແພດ ສະໜອງໃຫ້ແກ່ວຽກງານປ້ອງກັນ ແລະ ຕ້ານການລະບາດຂອງພະຍາດ. ທ້ອງຖິ່ນຕ້ອງເສີມຂະຫຍາຍຢ່າງໜ້ອຍສຸດແມ່ນ " 4 ກັບທີ່ ", ສູນກາງ ພຽງແຕ່ໃຫ້ການສະໜັບສະໜູນໃນສະຖານະການທີ່ຈໍາເປັນ ໃຫ້ບັນດາສູນພັກຟຶ້ນ ຂັ້ນສູນກາງໃນພື້ນທີ່".
ຄຳຮຸ່ງ
