ສະຫະພັນບັນດາສະມາຄົມມິດຕະພາບ

ສະເຫຼີມສະຫຼອງ 26 ປີແຫ່ງວັນຫວຽດນາມ ເຂົ້າເປັນສະມາຊິກອາຊຽນ ຢ່າງເປັນທາງການ

20:16 | 05/08/2021

ຍສໝ - ຫວຽດນາມ ກາຍເປັນໜຶ່ງໃນບັນດາສະມາຊິກທີ່ຕັ້ງໜ້າ, ມີຄວາມຫ້າວຫັນ ແລະ ມີຄວາມຮັບຜິດຊອບ, ສົ່ງຜົນກະທົບຕໍ່ໂຄງສ້າງເອກະພາບ ກໍ່ຄື ຮັກສາສັນຕິພາບ ແລະ ຄວາມວັດທະນາຖາວອນຂອງອາຊຽນ.

ລັດຖະມົນຕີ ການຕ່າງປະເທດ ຫວຽດນາມ ບຸ່ຍແທັງເຊີນ ເຂົ້າຮ່ວມກອງປະຊຸມລັດຖະມົນຕີການຕ່າງປະເທດ ອາຊຽນ - ອິນເດຍ ແບບທາງໄກ ລັດຖະມົນຕີ ການຕ່າງປະເທດ ຫວຽດນາມ ບຸ່ຍແທັງເຊີນ ເຂົ້າຮ່ວມກອງປະຊຸມລັດຖະມົນຕີການຕ່າງປະເທດ ອາຊຽນ - ອິນເດຍ ແບບທາງໄກ
ອັງກິດ ຕີລາຄາສູງບົດບາດນໍາພາຂອງຫວຽດນາມ ໃນການຮັບມືກັບການປ່ຽນແປງຂອງດິນຟ້າອາກາດຢູ່ອາຊຽນ ອັງກິດ ຕີລາຄາສູງບົດບາດນໍາພາຂອງຫວຽດນາມ ໃນການຮັບມືກັບການປ່ຽນແປງຂອງດິນຟ້າອາກາດຢູ່ອາຊຽນ

ພາຍຫຼັງ 26 ປີແຫ່ງການເຂົ້າເປັນສະມາຊິກອາຊຽນຢ່າງເປັນທາງການ ນັບແຕ່ວັນທີ 28 ກໍລະກົດ 1995, ຫວຽດນາມ ໄດ້ກາຍເປັນໜຶ່ງໃນບັນດາສະມາຊິກທີ່ຕັ້ງໜ້າ, ເປັນເຈົ້າການ, ມີຄວາມຮັບຜິດຊອບ, ສົ່ງ​ຜົນ​ກະ​ທົບຕໍ່ໂຄງສ້າງເອກະພາບ ກໍ່ຄື ຮັກສາສັນຕິພາບ ແລະ ຄວາມວັດ​ທະ​ນາ​ຖາວ​ອນຂອງອາຊຽນ. ຫວຽດນາມ ໄດ້ຮ່ວມແຮງຮ່ວມໃຈກໍ່ສ້າງປະຊາຄົມອາຊຽນຢ່າງສົມບູນແບບ ແລະ ຖືປະຊາຊົນເປັນໃຈກາງ.

ສະເຫຼີມສະຫຼອງ 26 ປີແຫ່ງວັນຫວຽດນາມ ເຂົ້າເປັນສະມາຊິກອາຊຽນ ຢ່າງເປັນທາງການ

ສະເຫຼີມສະຫຼອງ 26 ປີແຫ່ງວັນຫວຽດນາມ ເຂົ້າເປັນສະມາຊິກອາຊຽນ ຢ່າງເປັນທາງການ. (ພາບ: vietnamplus)

ການເຂົ້າຮ່ວມອາຊຽນ ແມ່ນບາດກ້າວບຸກທະລຸ ໃນຂະບວນວິວັດການເຊື່ອມໂຍງ ແລະ ຮ່ວມມືກັບສາກົນຂອງຫວຽດນາມ. ຫວຽດນາມ ໄດ້ພ້ອມກັບບັນດາປະເທດສະມາຊິກ ສ້າງວິໄສທັດອາຊຽນທີ່ໃຫຍ່ກວ່າ, ຍາວໄກກວ່າເກົ່າ ແລະ ນຳອາຊຽນກາຍເປັນຄູ່ຮ່ວມມືທີ່ສໍາຄັນ ແລະ ຂາດບໍ່ໄດ້ຂອງບັນດາປະເທດໃນທົ່ວໂລກ, ໂດຍສະເພາະ ແມ່ນບັນດາປະເທດໃຫຍ່ ເຊັ່ນ: ອາ​ເມ​ລິ​ກາ, ຣັດເຊຍ, ຈີນ, ຍີ່ປຸ່ນ, ສະຫະພາບເອີຣົບ, ອົດສະຕາລີ…

ບົດບາດສຳຄັນທີ່ນັບມື້ນັບສູງຂອງອາຊຽນ ໄດ້ປະກອບສ່ວນເພີ່ມທະວີການພົວພັນສອງຝ່າຍ ຂອງຫວຽດນາມກັບບັນດາຄູ່ຮ່ວມມືທີ່ນອກຈາກອາຊຽນ, ໂດຍສະເພາະ ແມ່ນບັນດາປະເທດໃຫຍ່. ທ່ານອະດີດຮອງນາຍົກລັດຖະມົນຕີ ຫວຸຄວານ ໄດ້ຕີລາຄາວ່າ: “ເມື່ອຫວນຄືນເບິ່ງສອງທົດສະວັດທີ່ຜ່ານມາ, ຕ້ອງເວົ້າວ່າ ການເຂົ້າຮ່ວມອາຊຽນຂອງພວກເຮົາ ແມ່ນການຕັດສິນໃຈທີ່ຖືກຕ້ອງ, ນຳມາເຊິ່ງຜົນປະໂຫຍດຫຼາຍຢ່າງໃຫ້ແກ່ຫວຽດນາມ. ພ້ອມກັບອາຊຽນ, ພວກເຮົາໄດ້ມີທີ່​ຕັ້ງ​ສາ​ກົນ​ທີ່ໃຫຍ່​ແບບບໍ່ເຄີຍມີມາກ່ອນ, ພວກເຮົາ​ໄດ້ເຂົ້າຮ່ວມໃນຫຼາຍ​ລະ​ບອບ​ລະ​ບຽບ​ກ​ານທີ່ສຳຄັນ ພ້ອມກັນກັບບັນດາປະເທດໃຫຍ່ໃນໂລກ."

ຕໍ່ໜ້າສະພາບ​ການ​ຜັນ​ແປທີ່ສັບສົນຂອງໂລກລະບາດ COVID-19, ຫວຽດນາມ ສືບຕໍ່​ເປັນ​ເຈົ້າ​ການສະເໜີ​ບັນ​ດາຂໍ້ລິເລີ່ມ ແລະ ທິດທາງ ເພື່ອຮ່ວມແຮງຮ່ວມໃຈກໍ່ສ້າງປະຊາຄົມອາຊຽນ. ປະຊາຄົມອາຊຽນທີ່​ໃຫຍ່ ແລະ​ ເຂັ້ມແຂງ ກໍ່ຍັງເປັນບ່ອນອີງອັນໜັກແໜ້ນໃຫ້ແກ່ຫວຽດນາມ ເພື່ອຜ່ານຜ່າຄວາມຫຍຸ້ງຍາກໃນໄລຍະຈະມາເຖິງ.

ຄຳຮຸ່ງ

ເຫດການ