| ກາລະໂອກາດ ແລະຄວາມສາມາດບົ່ມຊ້ອນໃນການລົງທຶນຢູ່ຫວຽດນາມ ຂອງວິສາຫະກິດສິງກະໂປ | |
| ຫວຽດນາມ ພວມມີແງ່ຫວັງໄດ້ຊົມໃຊ້ຜົນປະໂຫຍດຈາກບັນດາທ່າອ່ຽງດ້ານການຄ້າ, ການລົງທຶນ ແລະ ການຜະລິດທົ່ວໂລກໃນປະຈຸບັນ |
ທ່ານປະລິນຍາເອກ ຫງວຽນແມັ້ງຫາຍ, ທີ່ປຶກສາຮັບຜິດຊອບພາກສ່ວນການລົງທືນຂອງ ສະຖານທູດຫວຽດນາມ ປະຈຳເຢຍລະມັນ ໄດ້ຍົກໃຫ້ເຫັນບັນດາກາລະໂອກາດການເຕີບໂຕຢູ່ຫວຽດນາມ ກໍ່ຄື ບັນດາກາລະໂອກາດທີ່ບັນດາວິສາຫະກິດ EU ແລະ ອັງກິດສາມາດກຳໄດ້. ຫວຽດນາມ ໄດ້ປະຕິບັດນະໂຍບາຍຫັນປ່ຽນໂຄງປະກອບເສດຖະກິດຄືນໃໝ່ ເພື່ອຍົກສູງຄຸນນະພາບການເຕີບໂຕ, ປະສິດທິພາບແຮງງານ ແລະ ກຳລັງການແກ່ງແຍ້ງຂອງພື້ນຖານເສດຖະກິດ.
 |
| ທ່ານປະລິນຍາເອກ ຫງວຽນແມັ້ງຫາຍ, ທີ່ປຶກສາຮັບຜິດຊອບພາກສ່ວນການລົງທືນຂອງ ສະຖານທູດຫວຽດນາມ ປະຈຳເຢຍລະມັນ. |
ກະຊວງແຜນການ ແລະ ການລົງທືນ ກຳລັງຍື່ນສະເໜີຕໍ່ນາຍົກລັດຖະມົນຕີ ກ່ຽວກັບຍຸດທະສາດການຮ່ວມມືດ້ານການລົງທຶນຕ່າງປະເທດ ໄລຍະ 2021-2030 ໃນນັ້ນ ມີການສ້າງແຜນຂັ້ນຕອນເພື່ອດຶງດູດ FDI “ລຸ້ນໃໝ່”, ຫັນຈຸດສຸມຈາກການດຶງດູດນັກລົງທຶນທີ່ເໝາະສົມກັບຜະລິດຕະພັນຂອງຫວຽດນາມ ໄປສູ່ການພັດທະນາສະພາບແວດລ້ອມແຫ່ງການດຳເນີນທຸລະກິດ ແລະ ເງື່ອນໄຂການລົງທືນທີ່ເໝາະສົມກັບປະເພດການລົງທືນ ທີ່ຫວຽດນາມມຸ່ງໄປສູ່ໃນອະນາຄົດ.
ກ່ຽວກັບຜົນກະທົບຂອງ FTA ລະຫວ່າງຫວຽດນາມ - ອີຢູ, ແລະ ຫວຽດນາມ - ອັງກິດ, ທ່ານປະລິນຍາເອກ ຫງວຽນແມັ້ງຫາຍ ໄດ້ເນັ້ນໜັກວ່າ: ສັນຍາ EVFTA ແລະ UKVFTA ບໍ່ພຽງແຕ່ຊຸກຍູ້ການເຄື່ອນໄຫວການຄ້າລະຫວ່າງ EU ແລະ ອັງກິດກັບຫວຽດນາມເທົ່ານັ້ນ, ຫາກຍັງຊ່ວຍຊຸກຍູ້ FDI ເຂົ້າຫວຽດນາມນຳອີກ, ສ່ວນໃຫຍ່ແມ່ນຍ້ອນຜົນກະທົບຢ່າງຕັ້ງໜ້າ ຈາກການລົບລ້າງອັດຕາພາສີ 99% ແລະ ການຫຼຸດຜ່ອນສິ່ງກີດຂວາງຕ່າງໆ.
ຂໍ້ຕົກລົງສອງສະບັບດັ່ງກ່າວ ຍັງຊ່ວຍຊຸກຍູ້ການພັດທະນາຊັບພະຍາກອນມະນຸດ, ໂດຍສະເພາະ ແມ່ນການບຳລຸສ້າງວິຊາຊີບຢູ່ຫວຽດນາມ; ເພີ່ມທະວີການພົວພັນດ້ານວັດທະນະທຳ - ສັງຄົມລະຫວ່າງສອງຝ່າຍ.
ຄຳຮຸ່ງ
