ສະຫະພັນບັນດາສະມາຄົມມິດຕະພາບ

ໂຄສະນາຜະລິດຕະພັນໝາກມ່ວງຂຽວສະເຫວີຍ ຂອງຫວຽດນາມ ຢູ່ທ້ອງຕະຫຼາດອົດສະຕາລີ

16:20 | 10/07/2021

ຍສໝ - ຫ້ອງການການຄ້າຫວຽດນາມ ປະຈຳອົດສະຕາລີ ໄດ້ຜັນຂະຫຍາຍໂຄງການສົ່ງເສີມການຊິງລາງວັນດ້ວຍລາງວັນທີໜຶ່ງ ມີມູນຄ່າ 500 AUD ສຳລັບລູກຄ້າທີ່ໂຊກດີ ເມື່ອຊື້ໝາກມ່ວງຂຽວສະເຫວີຍຂອງຫວຽດນາມ ຫຼື ສັ່ງອາຫານທີ່ເຮັດຈາກໝາກມ່ວງຂຽວສະເຫວີຍ.

ສະມາຄົມ VAA: ບໍລິຈາກຫຼາຍກວ່າ 100 ລ້ານດົງ ເພື່ອຊ່ວຍເຫຼືອເດັກນ້ອຍ ແລະ ແມ່ຍິງທີ່ເປັນຜູ້ຖືກເຄາະຮ້າຍຂອງການຄ້າມະນຸດ ສະມາຄົມ VAA: ບໍລິຈາກຫຼາຍກວ່າ 100 ລ້ານດົງ ເພື່ອຊ່ວຍເຫຼືອເດັກນ້ອຍ ແລະ ແມ່ຍິງທີ່ເປັນຜູ້ຖືກເຄາະຮ້າຍຂອງການຄ້າມະນຸດ
ອົດສະຕາລີ ແລະ UNICEF ໜູນຊ່ວຍຫວຽດນາມ ປະຕິບັດໂຄງການສັກວັກຊິນກັນໂຄວິດ-19 ອົດສະຕາລີ ແລະ UNICEF ໜູນຊ່ວຍຫວຽດນາມ ປະຕິບັດໂຄງການສັກວັກຊິນກັນໂຄວິດ-19

ໂຄງການສົ່ງເສີມ “ອາຫານທີ່ເຮັດຈາກໝາກມ່ວງຂຽວສະເຫວີຍ, ລົດຊາດບ້ານເກີດເມືອງນອນ” ໄດ້ຮັບການປະຕິບັດ ໂດຍຫ້ອງການການຄ້າຫວຽດນາມ ປະຈຳ ອົດສະຕາລີ ຈົນຮອດທ້າຍເດືອນກໍລະກົດປີ 2021 ດ້ວຍໝາກມ່ວງຂຽວສະເຫວີຍຂອງຫວຽດນາມ ຈຳນວນ 5 ໂຕນ ທີ່ຫາກໍສົ່ງຮອດ ອົດສະຕາລີ ໂດຍບໍລິສັດ Dalat Import-export (Melbourne) ນຳເຂົ້າ ແລະ ຈຳໜ່າຍ ພ້ອມກັບບໍລິສັດ Asean produce Pty.

ໂຄສະນາຜະລິດຕະພັນໝາກມ່ວງຂຽວສະເຫວີຍ ຂອງຫວຽດນາມ ຢູ່ທ້ອງຕະຫຼາດອົດສະຕາລີ
ໂຄສະນາຜະລິດຕະພັນໝາກມ່ວງຂຽວສະເຫວີຍ ຂອງຫວຽດນາມ ຢູ່ທ້ອງຕະຫຼາດອົດສະຕາລີ. (ພາບ: baotintuc)

ໃນໂຄງການຄັ້ງນີ້, ຫ້ອງການການຄ້າຫວຽດນາມ ປະຈຳອົດສະຕາລີ ໄດ້ສົ່ງເສີມ ແລະ ແນະນຳໝາກມ່ວງຂອງຫວຽດນາມ ເພື່ອໃຫ້ບັນດາຮ້ານອາຫານປະກອບເຂົ້າໃນລາຍການອາຫານຂອງພວກເຂົາ.

ລະບົບຮ້ານອາຫານ An Viet ຢູ່ Sydney ໄດ້ກາຍເປັນຄູ່ຮ່ວມມືກ່ຽວກັບອາຫານທີ່ເຮັດຈາກໝາກມ່ວງຂຽວສະເຫວີຍ. ລະບົບຮ້ານອາຫານນີ້ ບໍ່ພຽງແຕ່ນຳໝາກມ່ວງຂຽວສະເຫວີຍເຂົ້າໃນລາຍການອາຫານເທົ່ານັ້ນ ແຕ່ຍັງສະໝັກໃຈໃນການໂຄສະນາ, ຮັບສັ່ງຊື້ ແລະ ສົ່ງໝາກມ່ວງຂຽວສະເຫວີຍໃຫ້ລູກຄ້າອີກດ້ວຍ.

ເພື່ອດຶງດູດຜູ້ບໍລິໂພກ ແລະ ແຂກມາກິນ, ຫ້ອງການການຄ້າຫວຽດນາມ ປະຈຳອົດສະຕາລີ ໄດ້ຜັນຂະຫຍາຍໂຄງການສົ່ງເສີມການຊິງລາງວັນດ້ວຍລາງວັນທີໜຶ່ງ ມີມູນຄ່າ 500 AUD ສຳລັບລູກຄ້າທີ່ໂຊກດີ ເມື່ອຊື້ໝາກມ່ວງຂຽວສະເຫວີຍຂອງຫວຽດນາມ ຫຼື ສັ່ງອາຫານທີ່ເຮັດຈາກໝາກມ່ວງຂຽວສະເຫວີຍ.

ພ້ອມກັນນັ້ນ ຫ້ອງການການຄ້າຫວຽດນາມ ປະຈຳອົດສະຕາລີ ກໍໄດ້ປະຕິບັດມາດຕະການໂຄສະນາອື່ນໆ ເຊັ່ນ: ການໂຄສະນາໃນສື່ສັງຄົມອອນລາຍ, ໃນແອັບຂອງຫ້ອງການການຄ້າ, ປຸກລະດົມຊຸມຊົນເພື່ອຊື້ ໝາກມ່ວງຢູ່ເຂດ Sydney ແລະ Melbourne ...

ຄຳຮຸ່ງ

ເບິ່ງເພີ່ມເຕີມໃນ: ຊາວຫວຽດນາມອາໃສຢູ່ຕ່າງປະເທດ

ເບິ່ງເພີ່ມເຕີມ
ເຫດການ