| ຄຸ້ມຄອງເຂດຊາຍແດນ, ສະກັດກັ້ນການເຂົ້າເມືອງ ແບບຜິດກົດໝາຍ ຢ່າງເຂັ້ມງວດ | |
| ລັດເຊຍ ຍົກເລີກຂໍ້ຈຳກັດການເຂົ້າເມືອງ ສຳລັບປະເທດ ຫວຽດນາມ |
 |
| ພາບປະກອບ |
ໃນເອກະສານທາງການ ສະບັບເລກທີ1648/UBND-KGVX ລົງວັນທີ 29 ພຶດສະພາ 2021, ພະແນກພົວພັນຕ່າງປະເທດໂຮ່ໂນ້ຍໄດ້ຖືກມອບໝາຍໃຫ້ຮັບເອກະສານສະເໜີເຂົ້າເມືອງແລະແຍກປ່ຽວເພື່ອປ້ອງກັນ, ສະກັດກັ້ນໂລກລະບາດໂຄວິດ - 19 ຂອງບັນດາອົງການທູຕານຸທູດ, ອົງການຈັດຕັ້ງສາກົນ, ອົງການທີ່ບໍ່ຂຶ້ນກັບລັດຖະບານຕ່າງປະເທດ, ຫ້ອງການຜູ້ຕາງໜ້າອົງການສື່ມວນຊົນຕ່າງປະເທດປະຈຳຫວຽດນາມ…
ເພື່ອຮັບປະກັນການແກ້ໄຂຂໍ້ສະເໜີຂອງບັນດາອົງການຈັດຕັ້ງດັ່ງກ່າວໄດ້ປະຕິບັດຢ່າງຖືກຕ້ອງຕາມຂໍ້ກຳນົດ, ຖືກກັບເປົ້າໝາຍ, ຕາມການປ້ອງກັນສະກັດກັ້ນໂລກລະບາດໂຄວິດ - 19 ໃນບໍລິເວນນະຄອນຢ່າງເດັດຂາດນັ້ນ, ພະແນກພົວພັນຕ່າງປະເທດຮ່າໂນ້ຍໄດ້ປະກາດໃຊ້ການແນະນຳຢ່າງລະອຽດກ່ຽວກັບຂັ້ນຕອນ, ເອກະສານສະເໜີຕ່າງໆຂອງບັນດາອົງການຈັດຕັ້ງກ່ຽວກັບການເຂົ້າເມືອງແລະແຍກປ່ຽວຂອງຊາວຕ່າງປະເທດ.
ບັນດາເປົ້າໝາຍທີ່ຈະໄດ້ຮັບການພິຈາລະນາສະເໜີເຂົ້າເມືອງແລະແຍກປ່ຽວ
ເອກະສານຂອງພະແນກພົວພັນຕ່າງປະເທດຮ່າໂນ້ຍໄດ້ຊີ້ແຈ້ງວ່າ, ບັນດາເປົ້າໝາຍທີ່ຈະໄດ້ຮັບການພິຈາລະນາສະເໜີເຂົ້າເມືອງແລະແຍກປ່ຽວ ລວມມີ: ຊາວຕ່າງປະເທດເຮັດວຽກຢູ່ບັນດາອົງການທູຕານຸທູດ, ອົງການຈັດຕັ້ງສາກົນ, ອົງການທີ່ບໍ່ຂຶ້ນກັບລັດຖະບານຕ່າງປະເທດ, ຫ້ອງການຜູ້ຕາງໜ້າສື່ມວນຊົນຕ່າງປະເທດປະຈຳຫວຽດນາມ.
ເອກະສານສະເໜີເຂົ້າເມືອງ ແລະ ແຍກປ່ຽວ
ເອກະສານສະເໜີແກ້ໄຂການເຂົ້າເມືອງ, ແຍກປ່ຽວ ຕ້ອງມີເອກະສານສະເໜີການໜູນຊ່ວຍແກ້ໄຂການເຂົ້າເມືອງ, ປະຕິບັດການແຍກປ່ຽວໃນການປ້ອງກັນ, ສະກັດກັ້ນໂລກລະບາດໂຄວິດ - 19 ສົ່ງໄປຍັງພະແນກພົວພັນຕ່າງປະເທດ, ໃນນັ້ນມີ ຂໍ້ມູນຢ່າງຄົບຖ້ວນ (ຊື່, ຕຳແໜ່ງ, ສັນຊາດຂອງຜູ້ເຂົ້າເມືອງ, ວັນເວລາເຂົ້າເມືອງ, ຖ້ຽວບິນ, ສະຖານທີ່ເຂົ້າເມືອງ, ຂໍ້ມູນສະຖານທີ່ແຍກປ່ຽວທີ່ຈະຕ້ອງຈ່າຍເງິນເອງຊຶ່ງໄດ້ຮັບການອະນຸມັດຜ່ານຈາກນະຄອນ, ແລະ ເອກະສານສັນຍາທີ່ຈະຕ້ອງຮັບຜິດຊອບຕໍ່ບັນດາຂໍ້ມູນດັ່ງກ່າວທີ່ໄດ້ສະໜອງ).
ໄປຄຽງຄູ່ກັນນັ້ນ, ຜູ້ເຂົ້າເມືອງກໍ່ຕ້ອງໄດ້ຮັບການກວດວິໄຈຫາເຊື້ອໄວຣັດ SARS-CoV-2 ດ້ວຍເຕັກນິກ Real time - PCR ໃນໄລຍະເວລາ ແຕ່ 3 – 7 ວັນພາຍຫຼັງເຂົ້າເມືອງ ຫວຽດນາມ. ການວິໄຈຫາເຊື້ອໄວຣັດ SARS-CoV-2 ຕ້ອງໄດ້ຮັບການປະຕິບັດຢູ່ຫ້ອງທົດລອງ ໂດຍລັດຖະບານອະນຸມັດ ຫຼື ຂຶ້ນກັບລະບົບຫ້ອງທົດລອງຂອງອົງການອະນາໄມໂລກ.
ຜູ້ເຂົ້າເມືອງກໍ່ຕ້ອງໃຫ້ຄຳໝັ້ນສັນຍາ ຈະປະຕິບັດຕາມບັນດາຂໍ້ກຳນົດຮັບປະກັນຄວາມປອດໄພໃນການປ້ອງກັນ, ສະກັດກັ້ນໂລກລະບາດໂຄວິດ - 19 ເມື່ອໄດ້ເຂົ້າເມືອງ ແລະ ຈ່າຍຄ່າປິ່ນປົວທັງໝົດໃນກໍລະນີຕິດເຊື້ອ ໂຄວິດ - 19 (ໃນກໍລະນີບໍ່ມີປະກັນໄພສາກົນ.)
 | ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ປຸກລະດົມການບໍລິຈາກ, ສະໜັບສະໜູນໃຫ້ແກ່ກອງທຶນວັກຊິນກັນໂຄວິດ - 19 ຍສໝ - ກ່າວຄຳເຫັນທີ່ພິທີປຸກລະດົມ, ທ່ານນາງ ຫງວຽນທິທູຢາງ - ປະທານກຳມະບານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ໃຫ້ຮູ້ວ່າ: ໂດຍຕອບສະໜອງຕາມຄຳຮຽກຮ້ອງຂອງທ່ານປະທານປະເທດ ຫງວຽນຊວັນຟຸກ, ພະນັກງານ, ລັດຖະບານ, ຜູ້ອອກແຮງງານຂອງສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ໄດ້ປະກອບສ່ວນສະໜັບສະໜູນກອງທຶນ ໂຄວິດ - 19, ພ້ອມກັບປະຊາຊົນແບບຫາບໜ້າທີ່ເພື່ອປະເທດຊາດ. |
 | ຫວຽດນາມໃຫ້ຄຳໝັ້ນສັນຍາຍູ້ແຮງການໂອ້ລົມສົນທະນາຢູ່ບັນດາກອງປະຊຸມກຸ່ມປະຕິບັດງານຂອງສະພາຄວາມໝັ້ນຄົງ ສປຊກ່ຽວກັບບັນດາສານສາກົນ ວັນທີ 2 ມິຖຸນາ (ຕາມເວລາ ນິວຢອກ), ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ, ປະທານກຸ່ມປະຕິບັດງານບໍ່ເປັນທາງການຂອງ ສະພາຄວາມໝັ້ນຄົງ ສປຊ ກ່ຽວກັບບັນດາສານສາກົນ, ໄດ້ເປັນປະທານກອງປະຊຸມປະຈຳໄລຍະ 6 ເດືອນ ຂອງກຸ່ມປະຕິບັດງານ. |
 | ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມລັດຖະບານ ປະຈຳລາຍການ ເດືອນພຶດສະພາ 2021 ວັນທີ 3 ມິຖຸນາ, ຢູ່ສຳນັກງານລັດຖະບານ, ພາຍໃຕ້ການເປັນປະທານຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ, ລັດຖະບານໄດ້ຈັດກອງປະຊຸມນັດສາມັນ ເດືອນພຶດສະພາ 2021. |
ບຸນຄົງ
