| ດົ່ງທາບມອບເຄື່ອງບັນເທົາທຸກທີ່ຈຳເປັນໃຫ້ແກ່ພໍ່ແມ່ປະຊາຊົນຊາວຫວຽດນາມ ອາໄສຢູ່ເຂດໜອງທະເລ (ກຳປູເຈຍ) | |
| ລາວເປີດກ້ວາງການຮ່ວມມືໃນຂົງເຂດສິນທະເລໃນນໍ້າກັບບັນດາປະເທດ |
 |
| ພາບປະກອບ: TTXVN |
ຫວຽດນາມ ພວມຜັນຂະຫຍາຍບັນດາການເຄື່ອນໄຫວໃນສັບປະດາທະເລ ແລະ ໝູ່ເກາະ ຫວຽດນາມ (ວັນທີ 1 – 15 ມິຖຸນາ) ແລະ ຕອບສະໜອງວັນມະຫາສະໝຸດ ໂລກ ປີ 2021 ໃນຂອບເຂດທົ່ວປະເທດ. ສັບປະດາມີຫົວຂໍ້ວ່າ “ປົກປັກຮັກສາ ມະຫາສະໝຸດ ແລະ ພັດທະນາການຫາເງິນລ້ຽງຊີບແບບຍືນຍົງ ຢູ່ ຫວຽດນາມ”. ຫົວຂໍ້ນີ້ ກໍ່ແມ່ນໜຶ່ງໃນບັນດາເປົ້າໝາຍ ເພື່ອແນໃສ່ຫັນຍຸດທະສາດພັດທະນາເສດຖະກິດທະເລແບບຍືນຍົງເປັນອັນລະອຽດ ຕະຫຼອດຮອດປີ 2030, ວິໄສທັດຮອດປີ 2045.
ໂດຍມີຝັ່ງທະລຍາວກ່ວາ 3.200 ກິໂລແມັດ, ເນື້ອທີ່ທະເລຂຶ້ນກັບສິດອະທິປະໄຕ ແລະ ສິດອຳນາດສານ ກວ້າງທົບ 3 ເທົ່າເມື່ອທຽບໃສ່ກັບເນື້ອທີ່ດິນຕໍ່ແຜ່ນ, ຫວຽດນາມ ມີທ່າໄດ້ປຽບຫຼາຍຢ່າງ ເພື່ອຍູ້ແຮງການພັດທະນາກ່ຽວກັບທະເລ. ເພື່ອກາຍເປັນປະເທດທີ່ມີຄວາມເຂັ້ມແຂງທາງທະເລ, ພັກ ແລະ ລັດ ຫວຽດນາມ ໄດ້ປະກາດໃຊ້ຜັນນະໂຍບາຍ, ແນວທາງຫຼາຍຢ່າງ, ຫັນບັນດາເນື້ອໃນດັ່ງກ່າວເປັນລະອຽດ ແລະ ເປັນລະບອບລະບຽບການ. ສູນກາງຊຸດທີ XII ຢູ່ກອງປະຊຸມຄັ້ງທີ 8 ໄດ້ຮັບຮອງເອົາ ມະຕິເລກທີ 36 ກ່ຽວກັບຍຸດທະສາດພັດທະນາເສດຖະກິດທະເລ ຫວຽດນາມ ແບບຍືນຍົງຈົນຮອດປີ 2030, ວິໄສທັດ ຮອດປີ 2045.
ປົກປັກຮັກສາມະຫາສະໝຸດ ແລະ ພັດທະນາການຫາເງິນລ້ຽງຊີບແບບຍືນຍົງ
ສັບປະດາ ທະເລ ແລະ ໝູ່ເກາະ ຫວຽດນາມ ປີ 2021 ສຸມໃສ່ເຂົ້າໃນການສື່ສານ, ໂຄສະນາເຜີຍແຜ່ບັນຫາທີ່ ກ່ຽວຂ້ອງເຖິງ ທະເລ, ໝູ່ເກາະຢ່າງຮອບດ້ານຄື ໂຄສະນາເຜີຍແຜ່ ສິດ ແລະ ຜົນປະໂຫຍດອັນຊອບທຳຂອງ ຫວຽດນາມ ຢູ່ທະເລຕາມກົດໝາຍສາກົນ; ປົກປັກຮັກສາສິ່ງແວດລ້ອມ, ອະນຸລັກຮັກສາ, ພັດທະນາຊີວະນາໆພັນທາງທະເລແບບຍືນຍົງ, ເປັນເຈົ້າການໃນການຮັບມືກັບການປ່ຽນແປງຂອງດິນຟ້າອາກາດ, ນ້ຳທະເລຂຶ້ນສູງ ແລະ ປ້ອງກັນ, ຕ້ານໄພທຳມະຊາດ, ກູ້ໄພກູ້ຊີບຢູ່ທະເລ.
ບັນດາແຂວງ, ນະຄອນ ກໍ່ເອົາໃຈໃສ່ເປັນພິເສດເຖິງການເຜີຍແຜ່ໂຄສະນາໄປຍັງປະຊາຊົນກ່ຽວກັບການກໍ່ສ້າງວັດທະນະທຳທະເລ, ສັງຄົມທີ່ສະໜິດຕິດພັນ ແລະ ເປັນມິດກັບທະເລ; ຕ້ານການຂຸດຄົ້ນສິນທະເລແບບຜິດກົດໝາຍ, ບໍ່ລາຍງານ, ບໍ່ປະຕິບັດຕາມຂໍ້ກຳນົດ, ການຮ່ວມມືສາກົນກ່ຽວກັບບັນດາຂົງເຂດທີ່ກ່ຽວຂ້ອງເຖິງທະເລ, ໝູ່ເກາະ.
ພ້ອມກັນນັ້ນ ແມ່ນເພີ່ມທະວີການຄວບຄຸມການເກັບກຳ, ຂົນສົ່ງ, ບຳບັດສິ່ງເສດເຫຼືອ, ຂີ້ເຫຍື້ອ, ຂີ້ເຫຍື້ອຢາງປຼາດສະຕິກ ຢູ່ແຄມທະເລ ແລະ ໃນບັນດາໝູ່ເກາະ, ສົ່ງເສີມຈັດຕັ້ງການເລີ່ມກໍ່ສ້າງ, ມອບຮັບບັນດາໂຄງການປົກປັກຮັກສາ ສິ່ງແວດລ້ອມເພື່ອຮັບໃຊ້ໃຫ້ແກ່ຜົນປະໂຫຍດຂອງວົງຄະນະຍາດ.
ພັດທະນາບົນພື້ນຖານການເຕີບໂຕສີຂຽວ
ຫວຽດນາມ ມີແຜນນະໂຍບາຍພັດທະນາເສດຖະກິດທະເລແບບຍືນຍົງ ບົນພື້ນຖານການເຕີບໂຕສີຂຽວ, ຮັກສາຊີວະນາໆພັນ, ລະບົບຊີວະພາບທາງທະເລ; ຮັບປະກັນຄວາມກົມກຽວກັນລະຫວ່າງບັນດາລະບົບຊີວະພາບເສດຖະກິດ ແລະ ທຳມະຊາດ, ລະຫວ່າງການອະນຸລັກຮັກສາ ແລະ ພັດທະນາ, ລະຫວ່າງຜົນປະໂຫຍດຂອງທ້ອງຖິ່ນທີ່ມີທະເລ ແລະ ທ້ອງຖິ່ນບໍ່ມີທະເລ; ເພີ່ມທະວີການເຊື່ອມຕໍ່, ສ້າງໂຄງປະກອບບັນດາຂະແໜງ, ຂົງເຂດຄືນໃໝ່ຕາມທິດຍົກສູງສະມັດຕະພາບ, ຄຸນນະພາບ, ປະສິດທິຜົນ ແລະ ກຳລັງແກ້ງແຍ່ງ; ເສີມຂະຫຍາຍກຳລັງຄວາມສາມາດ, ທ່າໄດ້ປຽບຂອງທະເລ, ສ້າງກຳລັງໜູນໃນການພັດທະນາເສດຖະກິດປະເທດຊາດ. ການພັດທະນາເສດຖະກິດທະເລຂອງຫວຽດນາມ ກໍ່ເໝາະສົມກັບບັນດາມາດຖານສາກົນ, ຄວບຄຸມການຂຸດຄົ້ນຊັບພະຍາກອນທຳມະຊາດ, ຟື້ນຟູລະບົບຊີວະພາບທາງທະເລ, ຕິດພັນກັບການປ້ອງກັນຊາດ, ປ້ອງກັນຄວາມສະຫງົບ ແລະ ຍົກສູງຊີວິດການເປັນຢູ່ຂອງປະຊາຊົນ ເຂດທະເລໝູ່ເກາະ. ສູ້ຊົນຮອດປີ 2030, ຂອບຂະໜາດເສດຖະກິດຂອງ 28 ແຂວງ, ນະຄອນ ຢູ່ແຄມທະເລຈະເທົ່າກັບ 65 – 70% GDP ໃນທົ່ວປະເທດ.
ທ່ານ ປ.ອ ຕະດິ່ງທີ, ຫົວໜ້າກົມໃຫຍ່ ທະເລ ແລະ ໝູ່ເກາະ ຫວຽດນາມ ໃຫ້ຮູ້ວ່າ: ວິທີການສຳຜັດຂອງພວກເຮົາແມ່ນຮອບດ້ານ ແລະ ສັງລວມທີ່ສຸດ. ເປົ້າໝາຍໄດ້ຍົກອອກມານັ້ນແມ່ນ ຕ້ອງສຸມໃສ່ເຂົ້າການຈັດຕັ້ງຢ່າງມີແບບມີແຜນ ແລະ ມີລະບົບ, ບຸກທະລຸກ່ຽວກັບລະບອບລະບຽບການ, ກ່ຽວກັບວິທະຍາສາດ, ຊັບພະຍາກອນມະນຸດ, ພື້ນຖານໂຄງລ່າງ… ເພື່ອແນໃສ່ນຳມາເຊິ່ງປະສິດທິຜົນໃຫ້ການພັດທະນາເສດຖະກິດທະເລແບບຍືນຍົງ.
 | ດົ່ງທາບມອບເຄື່ອງບັນເທົາທຸກທີ່ຈຳເປັນໃຫ້ແກ່ພໍ່ແມ່ປະຊາຊົນຊາວຫວຽດນາມ ອາໄສຢູ່ເຂດໜອງທະເລ (ກຳປູເຈຍ) ຍສໝ - ຕາມໜັງສືພິມປະຊາຊົນ, ບັນດາຂອງຂວັນໄດ້ມອບລວມມີ: ເຂົ້າສານ 2 ໂຕນ, ໝີ່ສຳເລັດຮູບ 100 ກອງ ແລະ ຢາປິ່ນປົວພະຍາດຊະນິດຕ່າງ, ຜ່ານນັ້ນຊ່ວຍໃຫ້ພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດ ຫຼຸດຜ່ອນຄວາມຫຍຸ້ງຍາກລຳສ້າງ, ສ້າງຊີວິດການເປັນຢູ່ເປັນປົກກະຕິໂດຍໄວ ແລະປະຕິບັດການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ເປັນຢ່າງດີ. |
 | ລາວເປີດກ້ວາງການຮ່ວມມືໃນຂົງເຂດສິນທະເລໃນນໍ້າກັບບັນດາປະເທດ ຍສໝ - ເຈົ້າໜ້າທີ່ 3 ປະເທດ ລາວ, ຈີນ, ມາເລເຊຍ ຫາກໍ່ຈັດຕັ້ງກອງປະຊຸມສຳມະນາແລກປ່ຽນບົດຮຽນປະສົບການອາຊີບຫາປາ ທັນສະໄໝເພື່ອປຶກສາຫາລືກ່ຽວກັບຄວາມສາມາດໃນການຮ່ວມມືໃນຂົງເຂດສິນທະເລລະຫວ່າງບັນດາຝ່າຍ. |
 | ກອງປະຊຸມສຳມະນາ ARF ຄັ້ງທີ 3 ກ່ຽວກັບການເພີ່ມທະວີການຮ່ວມມືປະຕິບັດກົດໝາຍວ່າດ້ວຍທະເລ ທີ່ວາລະໄຂກອງປະຊຸມສຳມະນາ, ໃນຖານະເປັນປະທານຮ່ວມ ແລະ ຫົວໜ້າຂອງຄະນະຜູ້ແທນ ຫວຽດນາມ, ທ່ານ ຫວູໂຮ່, ຫົວໜ້າກົມອາຊຽນ, ກະຊວງການຕ່າງປະເທດ ໄດ້ແບ່ງປັນກ່ຽວກັບຄວາມສຳຄັນຂອງການຮັກສາ ແລະ ຊຸກຍູ້ການໂອ້ລົມສົນທະນາ, ຮ່ວມມືເພື່ອແນໃສ່ຮັບມືກັບບັນດາສິ່ງທ້າທາຍຄວາມໝັ້ນຄົງ ຢູ່ພາກພື້ນ, ໃນນັ້ນມີຄວາມໝັ້ນຄົງທາງທະເລ. |
ບຸນຄົງ
