ໜູນຊ່ວຍແຮງງານຫວຽດນາມ ຢູ່ ຍີ່ປຸ່ນ

06:15 | 02/05/2020

ຍສໝ - ຍ້ອນຜົນສະທ້ອນຈາກໂລກລະບາດໂຄວິດ - 19, ມີໂຮງຈັກໂຮງງານ, ບໍລິສັດຫຼາຍແຫ່ງຂອງ ຍີ່ປຸ່ນ ທີ່ໄດ້ຮັບແຮງງານຕ່າງປະເທດເຂົ້າເຮັດວຽກ ຕ້ອງຫຼຸດຜ່ອນ ຫຼື ຢຸດການຜະລິດ ອັນໄດ້ເຮັດໃຫ້ນັກສຶກສາຝຶກງານ, ແຮງງານຕ່າງປະເທດ ຕ້ອງພັກການ ແລະ ວຽກງານຖືກຕັດຕອນ.

	ການຮ່ວມມືດ້ານປະຊາຊົນຫວຽດນາມ - ອາເມລິກາ ໃນການຊອກຫາທະຫານຫວຽດນາມເສຍສະຫຼະ ແລະ ຫາຍສາບສູນໃນປາງສົງຄາມ ຢູ່ ຫວຽດນາມ
	ຄະນະບໍລິຫານງານສູນກາງພັກປະຊາຊົນປະຕິວັດລາວ ສົ່ງສານອວຍພອນມາຍັງຄະນະບໍລິຫານງານສູນກາງພັກກອມມູນິດ ຫວຽດນາມ

ພາບປະກອບ

ປັດຈຸບັນ, ຫວຽດນາມມີ ແຮງງານ, ນັກສຶກສາຝຶກງານ ກວ່າ 235 ພັນຄົນ ພວມເຮັດວຽກຢູ່ໂຮງຈັກ, ໂຮງງານແຫ່ງຕ່າງໆໃນ 47 ແຂວງ, ນະຄອນທັງໝົດຂອງ ຍີ່ປຸ່ນ. ທ່ານນາງ ເຈິ່ນທິເວິນຮ່າ, ຫົວໜ້າພະແນກຖະແຫຼງຂ່າວ ແລະ ສື່ສານ, ກົມຄຸ້ມຄອງແຮງງານຕ່າງປະເທດ, ກະຊວງແຮງງານ, ທະຫານເສຍອົງຄະ ແລະ ສັງຄົມ ໃຫ້ຮູ້ວ່າ: ຝ່າຍຍີ່ປຸ່ນ ໄດ້ຜັນຂະຫຍາຍນະໂຍບາຍ ສັບຊ້ອນວຽກເຮັດງານທໍາໃໝ່. ສໍາລັບແຮງງານທີ່ຖືກຢຸດຕິສັນຍາເຮັດວຽກໃນໄລຍະນີ້ ຈະໄດ້ຮັບການສັບຊ້ອນໄປເຮັດວຽກອື່ນແທນ ໃນໄລຍະເວລາບໍ່ເກີນ 12 ເດືອນ, ສະນັ້ນ, ນັກສຶກສາຝຶກງານຂອງພວກເຮົາ ແລະ ແຮງງານໃນເປົ້າໝາຍດັ່ງກ່າວ.... ສາມາດຍື່ນໃບຄໍາຮ້ອງເຖິງບັນດາອົງການເຈົ້າໜ້າທີ່ຮັບຜິດຊອບຂອງ ຍີ່ປຸ່ນ ເພື່ອຂໍເຮັດວຽກໃໝ່່.

ກົມຄຸ້ມຄອງແຮງງານຕ່າງປະເທດສືບຕໍ່ຊີ້ນຳຄະນະຄຸ້ມຄອງແຮງງານຢູ່ປະເທດຍີປຸ່ນ ແລະ ບັນດາບໍລິສັດ ຕ້ອງຕິດຕາມກວດກາຂໍ້ມູນຂ່າວສານກ່ຽວກັບສະພາບສຸຂະພາບຂອງແຮງງານຫວຽດນາມ ແລະ ປະສານສົມທົບຢ່າງໃກ້ຊິດກັບອົງການເຈົ້າໜ້າທີ່ຂອງຍີ່ປຸ່ນ ເພື່ອອັບເດັດຂໍ້ມູນກ່ຽວກັບສະພາບການລະບາດຂອງພະຍາດ, ສຸຂະພາບຂອງຜູ້ອອກແຮງງານ ແລະ ອັບເດັດບັນດານະໂຍບາຍໃໝ່ຂອງ ຍີ່ປຸ່ນ ເພື່ອກ່າວເຕື່ອນໃຫ້ຄົນງານຈຳ ກັດການເຄື່ອນໄຫວ ແລະ ປະຕິບັດຕາມຄຳແນະນຳໃນການປ້ອງກັນການລະບາດຈາກອົງການເຈົ້າໜ້າທີ່ປະເທດປະຈໍາຖິ່ນ.

ໄລ່ຮອດ 6 ໂມງ ເຊົ້າຂອງວັນທີ 01 ພຶດສະພາ 2020, ໂລກໄດ້ຢັ້ງຢືນມີຜູ້ຕິດເຊື້ອໂຄວິດ - 19 ກວ່າ 3,3 ລ້ານຄົນ ແລະ ມີ 234.000 ຄົນເສຍຊີວິດ ຍ້ອນໂລກລະບາດດັ່ງກ່າວ. ອາເມລິກາ ຍັງຄົງແມ່ນປະເທດຢືນອັນດັບໜຶ່ງໃນໂລກ ກ່ຽວກັບຈໍານວນຜູ້ຕິດເຊື້ອ ແລະ ຈໍານວນຜູ້ເສຍຊີວິດ ຍ້ອນໂລກລະບາດໂຄວິດ - 19. ປັດຈຸບັນ, ປະເທດນີ້ ຢັ້ງຢືນມີຫຼາຍກວ່າ 1, 06 ລ້ານກໍລະນີຕິດເຊື້ອ ແລະ ປະມານ 63.000 ກໍລະນີເສຍຊີວິດ.

ຢູ່ ເອີຣົບ, ທ່ານນາຍົກລັດຖະມົນຕີ ອັງກິດ Boris Johnson ຖະແຫຼງວ່າ ປັດຈຸບັນ, ປະເທດນີ້ໄດ້ຜ່ານຜ່າຈຸດເວລາອັນຮ້າຍແຮງທີ່ສຸດຂອງໂລກລະບາດ, ພ້ອມທັງໃຫ້ຄໍາໝັ້ນສັນຍາວ່າ ໃນອະທິດໜ້າ ຈະວາງອອກແຜນການຍົກເລີກການປິດລ້ອມ ເຊິ່ງໄດ້ປະຕິບັດໃນທົ່ວປະເທດນັບແຕ່ຕອນຄໍ່າວັນທີ 23 ມີນາ (ຕາມເວລາທ້ອງຖິ່່ນ) ເພື່ອປ້ອງກັນ ແລະ ສະກັດກັ້ນໂລກລະບາດ. ນະຄອນຫຼວງ ມົດສະກູຂອງ ລັດເຊຍ ກໍແຈ້ງໃຫ້ຊາບວ່າ ໄດ້ຜ່ານຜ່າໄລຍະຮ້າຍແຮງທີ່ສຸດເຊັ່ນດຽວກັນ.

ບຸກຄົນ ແລະ ອົງການຈັດຕັ້ງພາຍໃນ ແລະ ຕ່າງປະເທດບໍລິຈາກເງິນເພື່ອຊື້ ຜ້າອັດປາກທາງການແພດ ມອບໃຫ້ແກ່ປະຊາຊົນສະຫະລັດອາເມລິກາ ຕ້ານພະຍາດ COVID-19

ຍສໝ - ເມື່ອບໍ່ດົນມານີ້, ໂດຍຕາງຫນ້າສະພາກາແດງ ອາເມລິກາ ຂຶ້ນຮັບຜ້າອັດປາກກັນເຊື້ອພະຍາດ ປະມານ 420.000 ອັນ, ໃນນັ້ນ ມີ 120.000 ອັນແມ່ນຂອງສະພາກາແດງຫວຽດນາມ ແລະ 300.000 ອັນແມ່ນຂອງສະມາຄົມອະດີດນັກສຶກສາຫວຽດນາມ - ອາເມລິກາ ຢູ່ ຮ່າໂນ້ຍ ມອບໃຫ້.

ຊາວຫວຽດນາມ ຢູ່ ຕ່າງປະເທດໄດ້ມີການປະກອບສ່ວນອັນລ້ຳຄ່າ ແລະ ແທດຈິງ ໃນການປ້ອງກັນ ແລະ ຄວບຄຸມ ໂລກລະບາດ COVID-19

ຍສໝ - ນີ້ແມ່ນບັນດາຄຳເຫັນປະກອບຈາກຈົດໝາຍ ຂອງທ່ານ ດັ້ງມິງຄອຍ ຮອງລັດຖະມົນຕີກະຊວງການຕ່າງປະເທດ, ປະທານຄະນະກຳ ມະການແຫ່ງລັດກ່ຽວກັບຊາວຫວຽດນາມຢູ່ຕ່າງປະເທດ ເພື່ອສົ່ງຈົດໝາຍຂໍຂອບໃຈມາຍັງປະຊາຄົມຊາວຫວຽດນາມ ຢູ່ ຕ່າງປະເທດທີ່ໄດ້ພ້ອມກັບ ປະເທດຊາດ ໃນການປ້ອງກັນ COVID-19 ໃນວັນທີ 28/4.