ຖ້ຽວບິນດັ່ງກ່າວໄດ້ຮັບການປະສານສົມທົບ ຂອງບັນດາອົງການທີ່ມີໜ້າທີ່ຫວຽດນາມ ແລະ ອົງການທີ່ມີໜ້າທີ່ຟີລິບປິນ ຕາມການຊີ້ນຳຂອງທ່ານຫງວຽນຊວນຟຸກ - ນາຍົກລັດຖະມົນຕີປະເທດຫວຽດນາມ.
ຜູ້ໂດຍສານທີ່ຢູ່ໃນຖ້ຽວບິນດັ່ງກ່າວ ປະກອບມີເດັກນ້ອຍອາຍຸຕ່ຳກວ່າ 18 ປີ, ຜູ້ເຖົ້າ, ຜູ້ຍິງຖືພາ, ຄົນປ່ວຍ, ຜູ້ອອກແຮງງານໝົດກຳນົດສັນຍາ, ບໍ່ມີບ່ອນຢູ່ອາໄສ, ນັກຮຽນທີ່ບໍ່ມີບ່ອນຢູ່ອາໄສ ຍ້ອນຫໍພັກອັດປະຕູ ແລະ ບັນດາກໍລະນີທີ່ຫຍຸ້ງຍາກໂດຍສະເພາະ.
 |
| ຫວຽດນາມໄດ້ ນຳສົ່ງພົນລະເມືອງຈຳນວນຫຼາຍກວ່າ 240 ຄົນຈາກຟີລິບປິນກັບຄືນປະເທດຢ່າງປອດໄພ. (ພາບ: ກະຊວງການຕ່າງປະເທດ) |
ດ້ວຍເປົ້າໝາຍຮັບປະກັນສຸຂະພາບຂອງພົນລະເມືອງ, ປ້ອງກັນການແຜ່ລະບາດຂອງພະຍາດ COVID-19, ບໍລິສັດການບິນ ໄດ້ປະຕິບັດມາດຕະການຕ່າງໆກ່ຽວກັບຄວາມປອດໄພ, ຄວາມໝັ້ນຄົງ ແລະ ປ້ອງກັນ ແລະ ຕ້ານພະຍາດລະບາດ ໃນຕະຫຼອດການບິນ. ທັນທີຫຼັງຈາກລົງຈອດຢູ່ສະໜາມບິນສາກົນເມືອງເກີນເທີ, ຜູ້ໂດຍສານທຸກຄົນ ໄດ້ກວດສອບທາງການແພດ ແລະ ປະຕິບັດການແຍກຫ່າງ ຕາມລະບຽບການທີ່ໄດ້ກຳນົດໄວ້.
ໃນໄລຍະຈະມາເຖິງ, ບັນດາອົງການທີ່ມີໜ້າທີ່ຫວຽດນາມ, ບັນດາອົງການຜູ້ຕາງໜ້າຂອງຫວຽດນາມຢູ່ຕ່າງປະເທດ ແລະ ສາຍການບິນພາຍໃນປະເທດ ຈະສືບຕໍ່ປະຕິບັດຖ້ຽວບິນ ເພື່ອນຳສົ່ງພົນລະເມືອງກັບຄືນປະເທດ, ໂດຍອີງໃສ່ການຜັນແປພະຍາດໃນປະເທດ ແລະ ສາກົນ, ຄວາມປາຖະໜາຂອງພົນລະເມືອງ ແລະ ຄວາມສາມາດໃນການແຍກຫ່າງຂອງທ້ອງຖິ່ນ.
ໃນຊຸມເດືອນມໍ່ໆມານີ້, ຫວຽດນາມ ໄດ້ຕ້ອນຮັບພົນລະເມືອງຫລາຍພັນຄົນທີ່ກັບມາຈາກຫລາຍປະເທດ, ເຊັ່ນ: ອາເມລິກາ, ຍີ່ປຸ່ນ, ເກົາຫຼີ, ອາຟຼິກາ ແລະ ອາຊີໃຕ້. ເມື່ອບໍ່ດົນມານີ້, ຫ້ອງວ່າການລັດຖະບານ ໃຫ້ຮູ້ວ່າ ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕົກລົງໃຫ້ການບູລິມະສິດໃນການ ນຳສົ່ງຊາວຫວຽດນາມ 14.000 ຄົນຈາກຕ່າງປະເທດກັບຄືນປະເທດຢ່າງປອດໄພ ແລະ ຜູ້ໂດຍສານທຸກຄົນຕ້ອງປະຕິບັດການແຍກຫ່າງ ຕາມລະບຽບການທີ່ໄດ້ກຳນົດໄວ້ ດ້ວຍຮູບແບບທີ່ເໝາະ ສົມກັບແຕ່ລະກຸ່ມຄົນ.
 | ລາດຕະເວນສອງຝ່າຍເພື່ອປົກປັກຮັກສາຊາຍແດນລະຫວ່າງ ຫວຽດນາມ - ລາວ ຍສໝ - ກອງລາດຕະເວນຂອງສອງຝ່າຍໄດ້ຜ່ານຜ່າຄວາມຫຍຸ້ງຍາກກ່ຽບກັບເງື່ອນໄຂອາກາດແດດຮ້ອນ, ພູມປະເທດທຸລະກັນດານ ທີ່ສຸດເພື່ອລາດຕະເວນແຕ່ປັກຫຼັກໝາຍເລກທີ 415 ຫາ ເລກທີ 416 ແລະ ຖາງກ້ຽງເພື່ອສາມາດສັງເກດຢ່າງງ່າຍດາຍຢູ່ເຂດຊາຍແດນ. |
 | ສ້າງວຽກເຮັດງານທຳກວ່າ 574.000 ຕຳແໜ່ງ, ຕະຫລາດແຮງງານຫວຽດນາມ ໄດ້ຄ່ອຍໆຟື້ນຕົວ ຫຼັງ Covid-19 ຍສໝ - ທ່ານ ດ່າວຫງອກຢູງ ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ໃຫ້ຮູ້ວ່າ, ແຕ່ຕົ້ນປີມາຮອດປະຈຸບັນ,ຄຽງຄູ່ກັບຄວາມຫຍຸ້ງຍາກທົ່ວໄປຂອງປະເທດຍ້ອນຜົນກະທົບຈາກໂລກລະບາດ Covid-19, ຂະແໜງ ແຮງງານ,ທະຫານເສຍອົງຄະ ແລະ ສັງຄົມ ກໍ່ປະສົບກັບຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງ. |
 | ເມັກຊິໂກ ປາດຖະໜາຢາກໃຫ້ ຫວຽດນາມ ແບ່ງປັນປະສົບການໃນການຮັບມືກັບ Covid-19 ຍສໝ - ຕອນເຊົ້າວັນທີ 17 ກໍລະກົດ, ທ່ານຮອງລັດຖະມົນຕີປະຈໍາກະຊວງການຕ່າງປະເທດ ຫວຽດນາມ ບຸ່ຍແທງເຊີນ ໄດ້ມີການໂອ້ລົມທາງອອນລາຍ ກັບ ທ່ານຮອງລັດຖະມົນຕີການຕ່າງປະເທດ ເມັກຊິໂກ Julio Ventura ເພື່ອປຶກສາຫາລືກ່ຽວກັບມາດຕະການຕ່າງໆເພື່ອຊຸກຍູ້ການພົວພັນຮ່ວມມືຫຼາຍດ້ານລະຫວ່າງສອງປະເທດໃນສະພາບການສະເຫຼີມສະຫຼອງຄົບຮອບ 45 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ເມັກຊິໂກ (1975 -2020). |
ຄຳຮຸ່ງ
