ສະກັດກັ້ນຄົນເຂົ້າ - ອອກເມືອງຜິດກົດໝາຍ

ຍສໝ - ດ້ວຍຈິດໃຈ “ຕ້ານການແຜ່ລະບາດຄືກັບການຕໍ່ສູ້ກັບສັດຕູ”, ໃນໄລຍະມໍ່ໆມານີ້, ພາຍໃຕ້ການຊີ້ນຳ ຢ່າງຂ້ຽວຂາດຂອງຄະນະພັກ, ກອງບັນຊາການທະຫານຊາຍແດນ, ບັນດາອົງການ, ຫົວໜ່ວຍ ໃນທົ່ວກອງທັບ ໄດ້ມີການຈັດຕັ້ງບັນດາກຸ່ມຢ່າງທັນເວລາ; ປະສານສົມທົບກັບກຳລັງລາດຕະເວນ ແລະ ກຳລັງຄວບຄຸມຢູ່ດ່ານຊາຍແດນເພື່ອສະກັດກັ້ນການເຂົ້າອອກເມືອງຜິດກົດໝາຍຢ່າງເດັດຂາດ, ຫຼຸດຜ່ອນການລະບາດຂອງພະຍາດທີ່ແຜ່ລາມຂ້າມຊາຍແດນ ແລະ ເຂົ້າໄປໃນໜ່ວຍງານ.

	ວຽກງານການຕ່າງປະເທດປະກອບສ່ວນຊຸກຍູ້ການທ່ອງທ່ຽວແຂວງບັກຢາງ ສສ.ຫວຽດນາມ
	ສ.ເກົາຫຼີ ໄດ້ສະໜັບສະໜູນເງິນເກືອບ 20 ຕື້ດົງເພື່ອປະຕິບັດໂຄງການ “ໂຮງຮຽນຄວາມຫວັງ Samsung” ຢູ່ ລ້າງເຊີນ

ສະກັດກັ້ນຄົນເຂົ້າ - ອອກເມືອງຜິດກົດໝາຍ.(ພາບ:ດຶກຢວນ)

ໂດຍສະເພາະ, ພາຍຫຼັງເກີດມີກໍລະນີຕິດພະຍາດ Covid-19 ໃໝ່ໃນຊຸມຊົນຢູ່ນະຄອນດານັງໃນວັນທີ 25 ກໍລະກົດປີ 2020, ຄະນະພັກ ແລະກອງບັນຊາການທະຫານຊາຍແດນ ໄດ້ຈັດຕັ້ງປະຕິບັດຫຼາຍມາດຕະການໃນການຄຸ້ມຄອງ ແລະ ຄວບຄຸມ ດ່ານຊາຍແດນຢ່າງເຂັ້ມງວດ, ຈັບກຸມ ແລະ ແກ້ໄຂການເຂົ້າ - ອອກເມືອງຢ່າງຜິດກົດໝາຍ, ການເຄື່ອນໄຫວລັກລອບຂົນສົ່ງ ແລະ ຂົນສົ່ງສິນຄ້າຜິດກົດໝາຍ, ເພື່ອປ້ອງກັນບໍ່ໃຫ້ແຫຼ່ງພະຍາດລະບາດແຜ່ລາມຂ້າມຜ່ານຊາຍແດນ.

ນັບແຕ່ຕົ້ນເດືອນກຸມພາປີ 2020, ປະຕິບັດຕາມຄຳສັ່ງຂອງລັດຖະບານ, ຄະນະພັກການທະຫານສູນກາງ, ກະຊວງປ້ອງກັນປະເທດ, ຄະນະພັກ, ກອງບັນຊາການທະຫານຊາຍແດນ ໄດ້ກຳແໜ້ນ ແລະ ປະຕິບັດມາດຕະການປ້ອງກັນຢ່າງທັນການ, ເພື່ອຕ້ານການລະບາດຂອງພະຍາດ, ລະດົມ ແລະ ສ້າງຕັ້ງທີມງານເກືອບ 1.600 ທີມງານ, ມີນາຍທະຫານ 9.900 ກວ່າຄົນ, ທະຫານປ້ອງກັນຊາຍແດນ ແລະ ບັນດາກອງກຳລັງອື່ນໆເພື່ອກວດກາ ແລະ ຄວບຄຸມດ່ານຊາຍແດນ, ສະກັດກັ້ນການເຂົ້າ - ອອກເມືອງຜິດກົດໝາຍ.

ແຕ່ຕົ້ນເດືອນກຸມພາ ຫາ ວັນທີ 25 ກໍລະກົດປີ 2020, ກອງບັນຊາການທະຫານຊາຍແດນໄດ້ເຮັດວຽກທີ່ດີໃນການຄຸ້ມຄອງຄົນເຂົ້າເມືອງ, ການປະສານງານກັບບັນດາກຳ ລັງອົງການທີ່ມີໜ້າທີ່ຂອງທ້ອງຖິ່ນ, ຈັດຕັ້ງປະຕິບັດການການມອບຮັບພົນລະເມືອງຫວຽດນາມທີ່ປະຕູຊາຍແດນ, ໃຫ້ຄຳແນະນຳກ່ຽວກັບການປະກາດທາງການແພດ, ການກວດອຸນຫະພູມຮ່າງກາຍ, ສະຖິຕິ, ການຈັດປະເພດ ແລະການມອບຮັບ 75.522 ຄົນ ໃຫ້ແກ່ກຳລັງທີ່ກ່ຽວຂ້ອງເພື່ອນຳໄປສະຖານທີ່ແຍກປ່ຽວຕາມລະບຽບການ. ພ້ອມດຽວກັນນີ້, ກໍ່ໄດ້ກວດພົບ ແລະ ແກ້ໄຂ 19.877 ຄົນ ທີ່ເຂົ້າເມືອງຜິດກົດໝາຍ, ໄດ້ມອບໃຫ້ອົງການທີ່ມີໜ້າທີ່ເພື່ອຈັດການຕາມທີ່ໄດ້ກຳນົດໄວ້. ພິເສດສຳລັບຊາຍແດນ ຫວຽດນາມ - ຈີນ, ເຈົ້າໜ້າທີ່ທະຫານປ້ອງກັນຊາຍແດນໄດ້ກວດພົບ ແລະ ສະກັດກັ້ນຄົນຕ່າງປະເທດ 213 ຄົນ ທີ່ເຂົ້າມາຫວຽດນາມແບບຜິດກົດໝາຍຢູ່ຊາຍແດນ. ຄຽງຄູ່ກັບການປ້ອງກັນການລະບາດ, ພະນັກງານທະຫານປ້ອງກັນຊາຍແດນ ຍັງໄດ້ປະຕິບັດວຽກງານຕໍ່ສູ້ຕ້ານອາດຊະຍາກຳ, ປະສານສົມທົບ ແລະ ຈັບຕົວ, ສືບສວນ ແລະ ແກ້ໄຂຕາມລະບຽບກົດໝາຍ 4.745 ຄະດີ/11.628 ເປົ້າໝາຍ.

ວັນທີ 31 ກໍລະກົດ, ທີ່ຮ່າໂນ້ຍ, ຄະນະຊີ້ນໍາການປ້ອງກັນ, ສະກັດກັ້ນພະຍາດໂຄວິດ-19 ຂອງກະຊວງປ້ອງກັນປະເທດ ໄດ້ຈັດກອງປະຊຸມຂຶ້ນ ພາຍໃຕ້ການເປັນປະທານຂອງທ່ານພົນໂທ ເຈິ່ນເດີນ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະຊີ້ນໍາການປ້ອງກັນ, ສະກັດກັ້ນພະຍາດໂຄວິດ -19 ຂອງກະຊວງປ້ອງກັນປະເທດ.

ທີ່ກອງປະຊຸມ, ກົມເສນາຮັກ (ກົມໃຫຍ່ພະລາທິການ) - ອົງການປະຈໍາການຂອງຄະນະຊີ້ນໍາການປ້ອງກັນ, ສະກັດກັ້ນພະຍາດໂຄວິດ-19 ຂອງກະຊວງປ້ອງກັນປະເທດ ໄດ້ລາຍງານສະພາບພະຍາດໂຄວິດ-19 ໃນໂລກ ແລະພາຍໃນປະເທດ; ການເຄື່ອນໄຫວປ້ອງກັນ, ສະກັດກັ້ນພະຍາດໂຄວິດ-19 ຢູ່ຫວຽດນາມ ແລະຂອງກອງທັບ; ບັນດາມາດຕະການຈັດຕັ້ງປະຕິບັດ ແລະຂໍ້ສະເໜີກ່ຽວກັບການປ້ອງກັນ, ສະກັດກັ້ນພະຍາດໂຄວິດ-19 ໃນຕໍ່ໜ້າ ກໍຄືໃນໄລຍະຈະມາເຖິງຂອງກະຊວງປ້ອງກັນປະເທດ ແລະບັນດາອົງການ, ກົມກອງ. ບັນດາສະມາຊິກຄະນະຊີ້ນໍາການປ້ອງກັນ, ສະກັດກັ້ນພະຍາດໂຄວິດ-19 ຂອງກະຊວງປ້ອງກັນປະເທດ ໄດ້ປຶກສາຫາລື, ເປັນເສນາທິການ, ສະເໜີບັນດາມາດຕະການປ້ອງກັນ, ສະກັດກັ້ນພະຍາດໂຄວິດ-19, ຮັບປະກັນຄວາມປອດໄພທາງດ້ານສຸຂະພາບໃຫ້ແກ່ທະຫານ ແລະປະຊາຊົນ.

ສະເພາະບັນດາກົມກອງທີ່ຕັ້ງທັບຢູ່ດ່ານັ້ງ ຕ້ອງປະຕິບັດການຮັກສາໄລຍະຫ່າງທາງສັງຄົມຕາມຄໍາສັ່ງເລກທີ 16 ຂອງນາຍົກລັດຖະມົນຕີ. ບັນດາກົມກອງຕັ້ງທັບໃນບໍລິເວນທີ່ມີເຊື້ອພະຍາດໂຄວິດ-19 ແຜ່ລະບາດ ຕ້ອງປະຕິບັດຕາມຄໍາສັ່ງເລກທີ 19 ຂອງນາຍົກລັດຖະມົນຕີ ແລະບັນດາຄໍາຊີ້ນໍາຂອງຄະນະຊີ້ນໍາການປ້ອງກັນ, ສະກັດກັ້ນພະຍາດໂຄວິດ-19 ຂອງກະຊວງປ້ອງກັນປະເທດ. ສົມທົບກັນຢ່າງແໜ້ນແຟ້ນລະຫວ່າງບັນດາອົງການ, ກົມກອງພາຍໃນ ແລະນອກກອງທັບ ເພື່ອເພີ່ມທະວີການໂຄສະນາຍົກສູງຄວາມຮັບຮູ້ກ່ຽວກັບພະຍາດໂຄວິດ-19, ຮັບປະກັນໃຫ້ທະຫານ ແລະປະຊາຊົນ ບໍ່ໄດ້ເຜີຕົວ ແລະປະໝາດຢ່າງເດັດຂາດ, ແຕ່ກໍບໍ່ຄວນວິຕົກກັງວົນຫຼາຍເກີນໄປຕໍ່ການຜັນແປໃໝ່ຂອງພະຍາດໂຄວິດ-19, ມີສະຕິຕື່ນຕົວ, ເປັນແບບຢ່າງໃນການປະຕິບັດບັນດາຂໍ້ກໍານົດ ແລະບັນດາມາດຕະການປ້ອງກັນ, ສະກັດກັ້ນພະຍາດໂຄວິດ-19 ໃຫ້ເປັນຢ່າງດີ.

ສັນຍາການຄ້າເສລີລະຫວ່າງສະຫະພາບເອີລົບ (EU) - ຫວຽດນາມ (EVFTA), ເປັນສັນຍາການຄ້າຮອບດ້ານທີ່ສຸດ

ຍສໝ - ບັນດາສັນຍາການຄ້າສະບັບຕ່າງໆຄື ສັນຍາ EVFTA ມີຜົນສັກສິດກັບຫວຽດນາມ ນັບແຕ່ວັນທີ 1 ສິງຫາ 2020 ເປັນຕົ້ນໄປຈະນຳມາໃຫ້ບັນດາບໍລິສັດຂອງເອີລົບບັນດາໂອກາດສໍາຜັດກັບຕະຫຼາດຫາກໍ່ເກີດຂຶ້ນໃໝ່ ແລະສ້າງວຽກເຮັດງານທໍາໃຫ້ແກ່ຊາວເອີລົບ.