ພັດທະນາກະສິກຳ, ເສດຖະກິດຊົນນະບົດ ແລະ ກໍ່ສ້າງຊົນນະບົດໃໝ່*
ແຕ່ມະຕິສະບັບເລກທີ 10-NQ/TW, ລົງວັນທີ 5 ເມສາ 1998, ຂອງກົມການເມືອງສູນກາງພັກ ວ່າດ້ວຍການປ່ຽນແປງໃໝ່ເສດຖະກິດໃນການກະສິກຳ; ມະຕິກອງປະຊຸມສູນກາງພັກ ຄັ້ງທີ 5 ສະໄໝທີ IX ວ່າດ້ວຍຍູ້ແຮງການຫັນເປັນອຸດສາຫະກຳ ທັນສະໄໝດ້ານກະສິກຳ, ຊົນນະບົດ ໄລຍະ 2001 – 2010,... ເຖິງ ມະຕິກອງປະຊຸມສູນກາງພັກ ຄັ້ງທີ 7 ສະໄໝທີ X “ກ່ຽວກັບກະສິກຳ, ຊາວກະສິກອນ, ຊົນນະບົດ”, ທີ່ໄດ້ບັນດາຂະແໜງການ ຂັ້ນຕ່າງໆ ແຕ່ສູນກາງຈົນຮອດທ້ອງຖິ່ນ, ວົງການວິສາຫະກິດ ແລະ ພີ່ນ້ອງຊາວກະສິກອນ ປະຕິບັດຢ່າງມີປະສິດທິຜົນໃນພາກຕົວຈິງ, ເຊິ່ງໄດ້ຍາດເອົາຜົນງານອັນໃຫຍ່ຫຼວງມາໃຫ້ກະສິກຳ, ຊົນນະບົດຂອງປະເທດເຮົາ, ໄດ້ປະກອບສ່ວນອັນສຳຄັນ ເຂົ້າໃນການເຕີບໂຕລວມຂອງທົ່ວປະເທດ, ຫຼຸດຜ່ອນຄວາມອຶດຫິວ ແລະ ຄວາມທຸກຍາກ, ຮັບປະກັນສະຫວັດດີການ ແລະ ຮັກສາສະຖຽມລະພາບ ຄວາມສະຫງົບດ້ານການເມືອງ - ສັງຄົມ ຢ່າງໝັ້ນຄົງ, ໂດຍສະເພາະແມ່ນໃນບັນດາໄລຍະທີ່ປະເທດຕ້ອງຜ່ານຜ່າວິກິດການເສດຖະກິດ ຄວາມຫຍຸ້ງຍາກ ແລະ ຄວາມທົດສອບຫຼາຍປະການ.