 |
ລາວ ເປັນເຈົ້າພາບຈັດກອງປະຊຸມສະຫະພັນນັກຂ່າວອາຊຽນ
ໄດ້ຈັດຂຶ້ນໃນວັນທີ 28 ມີນານີ້ ທີ່ຫ້ອງປະຊຸມຂອງສຳນັກງານໜັງສືພິມວຽງຈັນທາຍ, ນະຄອນຫຼວງວຽງຈັນ. ທ່ານ ສະຫວັນຄອນ ຣາຊ ມູນຕຣີ ໄດ້ກ່າວວ່າ: ສະມາຄົມ ນັກຂ່າວລາວຮູ້ສຶກເປັນກຽດ ເປັນຢ່າງຍິ່ງທີ່ໄດ້ເປັນເຈົ້າພາບ ຈັດກອງປະຊຸມຄັ້ງນີ້ເປັນຄັ້ງ ທຳອິດ, ຊຶ່ງເປັນໄລຍະເວລາ ທີ່ເໝາະ ສົມ ສຳລັບ ບັນດາ ປະເທດສະມາຊິກໃນການຈັບ ມືປະສານແຮງຮ່ວມກັນຢ່າງ ໃກ້ຊິດເພື່ອຈັດຕັ້ງປະຕິບັດ ແຜນປະຕິບັດງານສຳລັບປີ 2018-2020, ກໍຄື ແຜນວິໃສ ທັດອາຊຽນແຕ່ນີ້ຮອດປີ 2025 ໃຫ້ສຳເລັດຜົນ. ທ່ານກ່າວຕື່ມວ່າ ກອງ ປະຊຸມຄັ້ງນີ້ ແມ່ນມີຄວາມ ສຳຄັນ ແລະ ຍັງຖືວ່າ ເປັນ ກາລະ ໂອກາດສຳລັບພວກ ເຮົາ ໝົດ ທຸກ ຄົນ ໃນ ການ ແລກປ່ຽນຄວາມຄິດຄວາມ ເຫັນ ເຮັດແນວໃດພວກເຮົາ ຈິ່ງຈະສາມາດຈັດຕັ້ງປະຕິບັດໃຫ້ສຳເລັດແຜນປະຕິບັດງານ ສຳລັບໄລຍະປີ 2018-2020 ຊຶ່ງໄດ້ຖືກຮັບ ຮອງໃນລະຫວ່າງ ກອງປະຊຸມໃຫຍ່ຄັ້ງທີ 19 ຂອງສະຫະພັນນັກຂ່າວອາຊຽນ, ທີ່ ຈັດຂຶ້ນເມື່ອຕົ້ນປີທີ່ຜ່ານມາ, ທີ່ນະຄອນຫຼວງ ບາງກອກ, ປະເທດໄທ. ໃນ ກອງ ປະຊຸມ ຄັ້ງ ນີ້, ບັນດາ ປະເທດ ສະມາຊິກ ໄດ້ຍົກ ຫຼາຍ ບັນຫາ ຂຶ້ນ ມາ ສົນທະນາແລກປ່ຽນບົດຮຽນ ປະສົບ ການ ລະຫວ່າງ ກັນ ເພື່ອເຮັດແນວໃດໃຫ້ສາມາດ ບັນລຸເປົ້າໝາຍທີ່ໄດ້ວາງໄວ້, ຮັດແໜ້ນຄວາມສາມັກຄີ ແລະ ການ ເຊື່ອມ ຈອດ ລະຫວ່າງ ບັນດາສະມາຄົມນັກຂ່າວ ແລະ ອົງການສື່ຕ່າງໆພາຍໃນປະຊາ ຄົມອາຊຽນ, ຊຸກຍູ້ສົ່ງເສີມວຽກ ງານການຝຶກອົບຮົມ ແລະ ການ ແລກປ່ຽນຖອດຖອນບົດຮຽນປະສົບການລະຫວ່າງນັກຂ່າວ ດ້ວຍກັນ ແລະ ຍົກສູງຖານະ ບົດບາດຂອງສະມາພັນນັກ ຂ່າວອາຊຽນໃນພາກພື້ນ ແລະ ໃນໂລກ.
ໃນກອງປະຊຸມຍັງມີການ ສົນທະນາແລກປ່ຽນຄວາມຄິດ ເຫັນກ່ຽວກັບການສົ່ງເສີມການ ພັດທະນາສື່ຕ່າງໆຂອງພາກ ພື້ນ, ລວມທັງ ບົດບາດ ແລະ ໜ້າທີ່ຄວາມຮັບຜິດຊອບຂອງ ສື່ພາຍໃນປະຊາຄົມ. ທ່ານປະທານສະມາຄົມ ນັກຂ່າວລາວ ໄດ້ກ່າວໃນຕອນ ທ້າຍວ່າ: ພວກເຮົາໃນຖານະ ນັກຄຸ້ມຄອງບໍລິຫານສື່ ຄວນ ຊຸກຍູ້ສົ່ງເສີມບຸກຄະລາກອນສື່ ຂອງຕົນ ໃຫ້ລາຍງານອອກຂ່າວ ກ່ຽວກັບບັນດາແຜນບຸລິມາສິດ ແລະ ແຜນການເຄື່ອນໄຫວ ຕ່າງໆຂອງສະຫະພັນນັກຂ່າວ ອາຊຽນ, ກໍຄື ຂອງສະມາຄົມ ນັກຂ່າວຂອງແຕ່ລະປະເທດ ສະມາຊິກ ຢ່າງເປັນປົກກະຕິ ແລະ ຫຼາຍກວ່າ ເກົ່າ, ທັງນີ້ ເພື່ອເຜີຍແຜ່ໂຄສະນາໃຫ້ແກ່ ແຜນວິໃສທັດອາຊຽນແຕ່ນີ້ ຮອດປີ 2025, ລວມທັງ ເພື່ອ ຍົກລະດັບຄວາມຮັບຮູ້-ຄວາມ ເຂົ້າໃຈ ແລະ ເສີມຂະຫຍາຍ ຄວາມເຂົ້າອົກເຂົ້າໃຈລະຫວ່າງ ປະຊາຊົນອາຊຽນດ້ວຍກັນ, ກໍຄື ລະຫວ່າງ ປະຊາຊົນອາຊຽນ ແລະ ປະຊາຊົນຈາກທົ່ວໂລກ, ດ້ວຍການຜະລິດເນື້ອຫາສາລະ ທີ່ໜ້າສົນໃຈ ແລະ ສ້າງສັນ ໂດຍຜ່ານຊ່ອງທາງຕ່າງໆ, ບໍ່ ວ່າຈະເປັນ ສື່ສິ່ງພິມ, ວິທະຍຸ ກະຈາຍສຽງ, ໂທລະພາບ ແລະ ສື່ໃໝ່, ຕ້ານກັບການແຜ່ລາມ ຂອງຂ່າວປອມຂ່າວລວງຢ່າງ ໜ້າເປັນຫ່ວງໃນທຸກມື້ນີ້. ທ່ານ ເທບໄຊ ຢ໋ອງ ປະ ທານສະຫະພັນນັກຂ່າວອາ ຊຽນໄດ້ມີຄຳເຫັນຕໍ່ກອງປະຊຸມ ວ່າ: ບົດບາດຂອງສື່ແມ່ນນັບ ມື້ນັບມີຄວາມສຳຄັນຫຼາຍຂຶ້ນ ໃນຍຸກແຫ່ງໂລກາພິວັດຍຸກ ແຫ່ງໂລກທີ່ມີການປ່ຽນແປງ ໄວຍຸກນີ້ ຊຶ່ງກຳລັງປະເຊີນກັບ ຄວາມທ້າທາຍຕ່າງໆແບບບໍ່ ເຄີຍມີມາກ່ອນ.
 |
ບັນດາສື່ພາຍ ໃນພາກພື້ນ ຈະຕ້ອງມີການ ພົວພັນຮ່ວມມືທີ່ໃກ້ຊິດຫຼາຍ ຂຶ້ນລະຫວ່າງກັນ ແລະ ມີການ ແລກປ່ຽນຖອດຖອນບົດຮຽນ ປະສົບການ ແລະ ທັດສະນະ ຄວາມຄິດຄວາມເຫັນຢ່າງເປັນ ປົກກະຕິລະຫວ່າງກັນ, ທັງນີ້ກໍ ເພື່ອໃຫ້ສາມາດຮ່ວມກັນຮັບ ມື ແລະ ປະເຊີນໜ້າກັບຄວາມ ທ້າທາຍຕ່າງໆເຫຼົ່ານີ້ໄດ້ເປັນ ຢ່າງດີ. ເຂົ້າຮ່ວມກອງປະຊຸມ ຄະນະບໍລິຫານງານສະຫະພັນ ນັກຂ່າວອາຊຽນທີ່ນະຄອນຫຼວງ ວຽງຈັນໃນຄັ້ງນີ້, ປະກອບມີ ປະທານ ແລະ ຜູ້ຕາງໜ້າຂອງ ບັນດາປະເທດສະມາຊິກຂອງ ສະຫະພັນນັກຂ່າວອາຊຽນ ຄື: ສະມາຄົມນັກຂ່າວລາວ, ສະຫະພັນນັກຂ່າວແຫ່ງຊາດ ມາເລເຊຍ, ສະມາຄົມນັກຂ່າວ ແຫ່ງຊາດຟິລິບປິນ, ສະມາຄົມ ນັກຂ່າວຫວຽດນາມ, ສະຫະພັນ ນັກຂ່າວໄທ, ສະມາຄົມນັກຂ່າວ ກຳປູເຈຍ ແລະ ສະມາຄົມນັກ ຂ່າວອິນໂດເນເຊຍ, ໃນຂະນະ ທີ່ສະມາຄົມນັກຂ່າວມຽນມາ ຖືກເຊີນເຂົ້າຮ່ວມໃນຖານະຜູ້ ສັງເກດການ. ນອກຈາກເຂົ້າຮ່ວມກອງ ປະຊຸມດັ່ງກ່າວນີ້ແລ້ວ, ບັນດາ ຜູ້ແທນສະມາພັນນັກຂ່າວອາ ຊຽນຍັງຈະໄດ້ເຂົ້າຢ້ຽມຊົມ ສະຖານທີ່ທ່ອງທ່ຽວທາງດ້ານ ປະຫວັດສາດ, ວັດທະນະທຳ ແລະ ທຳມະຊາດຈຳນວນໜຶ່ງ ທີ່ນະຄອນຫຼວງວຽງຈັນ ແລະ ແຂວງວຽງຈັນ.
（ແຫຼ່ງຂໍ້ມູນ： pasaxon.org.la）
