 |
ບັນຍາກາດການຕ້ອນຮັບ ຜູ້ນຳຂອງປະເທດ ກູບາ ຢ່າງເປັນທາງການ.
ການພົບປະຄັ້ງນີ້, ຝ່າຍລາວໄດ້ຢືນຢັນຄືນເຖິງແນວທາງ ສະເໝີຕົ້ນສະເໝີປາຍຂອງພັກ ລັດຖະບານລາວ ໃນການສືບຕໍ່ການພົວພັນ, ຮ່ວມມື ລະຫວ່າງ ສອງປະເທດໃນອານາຄົດ ເພື່ອເຮັດໃຫ້ສາຍພົວພັນ ມິດຕະ ພາບ ທີ່ເປັນມູນເຊື້ອອັນດີງາມແລ້ວນັ້ນ ລະຫວ່າງ ສອງປະເທດໄດ້ສືບຕໍ່ຮັບການເສີມຂະຫຍາຍ ແລະ ຈະເລີນງອກງາມຂຶ້ນເລື້ອຍໆ. ໃນຂະນະດຽວກັນ ຝ່າຍ ກູບາ ກໍໄດ້ຢືນຢັນຄືນແນວທາງນະໂຍບາຍຂອງພັກ ແລະ ລັດ ກູບາ ທີ່ຈະສືບຕໍ່ ຮັດແໜ້ນ ແລະ ເສີມຂະຫຍາຍການພົວພັນ ແລະ ຮ່ວມມືອັນເປັນມູນເຊື້ອ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ກູບາ-ລາວ ໃນສະເພາະໜ້າ ແລະ ຍາວນານ ກໍຄືຄວາມມຸ່ງໝັ້ນທີ່ຈະສືບ ຕໍ່ໃຫ້ການ ຮ່ວມມື ແລະ ຊ່ວຍເຫລືອ ສປປ ລາວ ໃນດ້ານການກໍ່ສ້າງຊັບພະຍາກອນມະນຸດ, ກິລາ ແລະ ສາທາລະນະສຸກ.
 |
ຜູ້ນຳທັງສອງປະເທດຮ່ວມເປັນສັກຂີພະຍານ ໃນການເຊັນສັນຍາຮ່ວມມື ລະຫວ່າງ ສອງປະເທດ ລາວ-ກູບາ.
ໃນໂອກາດດຽວກັນນີ້, ສະຫາຍ ປະທານສະພາແຫ່ງລັດ ແລະ ປະທານສະພາລັດຖະມົນຕີ ກໍໄດ້ເຊື້ອເຊີນ ສະຫາຍ ບຸນຍັງ ວໍລະຈິດ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄປຢ້ຽມຢາມ ສາທາລະນະລັດ ກູບາ ຢ່າງເປັນທາງການ ໃນເວລາອັນສະດວກໃນຕໍ່ໜ້າ.
（ແຫຼ່ງຂໍ້ມູນ： ຂປລ）
