| ກອງປະຊຸມໃຫຍ່ຄົບຄະນະ ສະມາຄົມລ້ຽງສິນທະເລ ຫວຽດນາມຄັ້ງທີ II | |
| 3 ປະເທດມະຫາອຳນາດໃນ G7 ສົ່ງຈົດໝາຍທາງການລວມປະຕິເສດການືທວງສິດຂອງຈີນຢູ່ທະເລຕາເວັນອອກ |
 |
| ທ່ານພັນເອກ ເຈິ່ນຊວັນວັນ - ຮອງຜູ້ຮັບຜິດຊອບດ້ານການເມືອງທະຫານເຮືອເຂດ 1 (ພາບ: TTXVN) |
ກ່າວຄຳເຫັນທີ່ກອງປະຊຸມ, ທ່ານພັນເອກ ເຈິ່ນຊວັນວັນ - ຮອງຜູ້ຮັບຜິດຊອບດ້ານການເມືອງທະຫານເຮືອເຂດ 1 ໃຫ້ຮູ້ວ່າ ປີ 2021, ສະພາບການໂລກ, ພາກພື້ນໄດ້ຮັບການຄາດຄະເນວ່າຈະສືບຕໍ່ມີບັນດາການຜັນແປຢ່າງສັບສົນ, ຍາກທີ່ຈະຄາດຄະເນລ່ວງໜ້າໄດ້. ທະເລຕາເວັນອອກຍັງຊ້ອມແຝງ ຄວາມສ່ຽງເກີດການປະທະກັນ, ການຂັດແຍ້ງກັນ, ສະພາບການໄພທຳມະຊາດ, ພາຍຸ ແລະ ໂລກລະບາດໂຄວິດ - 19 ຍັງມີການຜັນແປຢ່າງສັບສົນ, ບັນດາອິດທິກຳລັງປໍລະປັກໄດ້ເພີ່ມຂຶ້ນການເຄື່ອນໄຫວມ້າງທຳລາຍ, ຊຸກຍູ້ການ “ຜັນແປເອງ”, “ຜັນແປພາຍໃນກຸ່ມ”…
ຕາມທ່ານພັນເອກ ເຈິ່ນຊວັນວັນແລ້ວ, ເພື່ອສືບຕໍ່ຍູ້ແຮງການປະຕິບັດວຽກງານໂຄສະນາກ່ຽວກັບທະເລໝູ່ເກາະ ບັນລຸປະສິດທິຜົນ, ແທດຈິງ, ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ໃນສະພາບການໃໝ່, ຕ້ອງສືບຕໍ່ປ່ຽນແປງໃໝ່ເນື້ອໃນ, ຮູບແບບ, ວິທີການໂຄສະນາ ກັບທິດນຳທີ່ວ່າ “ໄຫວພິບ, ປະສິດທິຜົນ, ຕິດພັນກັບສະພາບການຕົວຈິງ, ຕິດຕາມກັບເປົ້າໝາຍ”, ປັບປຸງ, ເພີ່ມທະວີຄວາມໄວ້ເນື້ອເຊື່ອໃຈ, ຄວາມເຫັນດີເຫັນພ້ອມ, ຢັ້ງຢືນອະທິປະໄຕ, ລະດົມແຫຼ່ງກຳລັງ, ກຳລັງແຮງສັງລວມເພື່ອປົກປັກຮັກສາອະທິປະໄຕ, ທະເລໝູ່ເກາະ. ບັນດາທ້ອງຖິ່ນ, ຫົວໜ່ວຍໄດ້ຍົກສູງຄຸນນະພາບເນື້ອໃນການໂຄສະນາກ່ຽວກັບທະເລໝູ່ເກາະ, ສຸມໃສ່ເຂົ້າເປົ້າໝາຍນັກລາຍງານ, ພະນັກງານ, ສະມາຊິກພັກ, ລັດຖະກອນ, ນັກຮຽນ, ນັກສຶກສາ… ຕິດພັນກັບການໂຄສະນາໃຫ້ປະຊາຊົນໃນບັນດາແຂວງແຄມທະເລໃຫ້ປະຕິບັດກົດໝາຍສາກົນ ແລະ ກົດໝາຍຫວຽດນາມ ຢ່າງເຂັ້ມງວດເມື່ອ ເຄື່ອນໄຫວໃນທະເລ.
ບັນດາທ້ອງຖິ່ນ, ຫົວໜ່ວຍສຸມໃສ່ເຂົ້າການຊີ້ນຳຍົກສູງຄຸນນະພາບການຖະແຫຼງຂ່າວ, ໂຄສະນາ, ຮັບປະກັນກາສ່ອງແສງສະພາບການປະຕິບັດໜ້າທີ່ຢ່າງໄວວາ ແລະ ທັນການ, ເປັນຕົ້ນແມ່ນສະພາບການໃນທະເລ, ການກຳນົດທິດສະພາບການແນວຄິດ ແລະ ຫາງສຽງໃນປະຊາຊົນ. ແຕ່ວ່າ ຕ້ອງເອົາໃຈໃສ່, ດູແລ, ບຳລຸງສ້າງການຍົກສູງຄວາມຮູ້ກ່ຽວກັບທະເລໝູ່ເກາະໃຫ້ແກ່ຖັນແຖວນັກລາຍງານ, ເພີ່ມທະວີການກວດກາ, ສະຫຼຸບ, ຖອດຖອນບົດຮຽນ, ຍົກສູງຄຸນນະພາບປະສິດທິຜົນໃນວຽກງານໂຄສະນາໃຫ້ຫຼາຍກ່ວາອີກ, ຍູ້ແຮງບັນດາຂະບວນການ “ເພື່ອທະເລໝູ່ເກາະແຫ່ງບ້ານເກີດເມືອງນອນ”, “ທົ່ວປະເທດເພື່ອເຈື່ອງຊາ, ເຈື່ອງຊາເພື່ອປະເທດ”. ນອກຈາກນັ້ນ, ຕ້ອງເພີ່ມທະວີການຈັດຕັ້ງບັນດາຄະນະຜູ້ແທນລົງຢ້ຽມຢາມ, ຊອກຫາສະພາບການຕົວຈິງ, ປຸກລະດົມທະຫານ ແລະ ປະຊາຊົນໃນເຂດທະເລໝູ່ເກາະຂອງປະເທດຊາດ, ເປັນຕົ້ນແມ່ນ ທະຫານປະຊາຊົນໃນບັນດາໝູ່ເກາະທາງຕາເວັນອອກສ່ຽງເໜືອ.
ຕາມທ່ານ ຮ່ວາງເງະຫ໊ຽວ ຮອງປະທານຄະນະກຳມະການປະຊາຊົນແຂວງເງະອານແລ້ວ, ເຂດທະເລ ແລະ ແຄມທະເລຂອງແຂວງເງະອານໄດ້ຮັບຖືວ່າ ແມ່ນປະຕູເຂົ້າອອກສຳຄັນຕໍ່ທ້ອງຖິ່ນ ແລະ ພາກການກາງຕອນເໜືອ, ແມ່ນຂົວເຊື່ອມຕໍ່ໃນປັດຈຸບັນຂອງບັນດາການເຄື່ອນໄຫວພົບພັນແລກປ່ຽນ ແລະ ເຊື່ອມໂຍງເຂົ້າສາກົນ. ໃນທົ່ວແຂວງ ມີຫາດຊາຍຍາວກ່ວາ 82 ກິໂລແມັດ, ຕິດພັນກັບ 5 ເມືອງ, ເທດສະບານ ແລະ ມີໝູ່ເກາະ 2 ແຫ່ງນັ້ນ ແມ່ນ ໝູ່ເກາະງື ແລະ ໝູ່ເກາະມັດ, ທ່າກ່ຳປັ່ນ 7 ແຫ່ງ…
ເມື່ອເຫັນໄດ້ຄວາມສຳຄັນຂອງທະເລໝູ່ເກາະໃນກິດຈະກຳພັດທະນາເສດຖະກິດ - ສັງຄົມ, ທາງແຂວງໄດ້ຊີ້ນຳການສ້າງຕັ້ງຄະນະຊີ້ນຳທະເລຕາເວັນອອກ, ທະເລໝູ່ເກາະ (ປັດຈຸບັນ ແມ່ນຄະນະຊີ້ນຳວຽກງານຊາຍແດນແຂວງ). ເພື່ອສ້າງເງື່ອນໄຂໃຫ້ແກ່ຊາວປະມົງໄປຫາປາຢູ່ທະເລ, ທາງແຂວງເງະອານໄດ້ສຸມໃສ່ຊີ້ນຳບັນດາຂະແໜງການທີ່ມີບົດບາດຄວາມຮັບຜິດຊອບ, ບັນດາທ້ອງຖິ່ນເພີ່ມທະວີການສົມທົບກັນ, ຮັບປະກັນຄວາມປອດໄພໃຫ້ແກ່ພໍ່ແມ່ປະຊາຊົນ, ສ້າງບັນດາປັດໄຈທີ່ເປັນແບບຢ່າງ, ຊຸກຍູ້ຂະບວນການອອກແຮງງານຜະລິດຕິດພັນກັບການປົກປັກຮັກສາແຫຼ່ງຜົນປະໂຫຍດທະເລ, ປົກປັກຮັກສາອະທິປະໄຕທະເລໝູ່ເກາະ.
ບັນດາເມືອງ, ເທດສະບານຢູ່ແຄມທະເລຂອງແຂວງ ໄດ້ຈັດຕັ້ງກຸ່ມປ້ອງກັນຕົນເອງ 58 ກຸ່ມ, ດ້ວຍພາຫະນະ 455 ຄັນ ແລະ ສະມາຊິກ ເຮືອປອດໄພ 4291 ຄົນ. ມີການເຄື່ອນໄຫວຂະບວນການໜູນຊ່ວຍຊາວປະມົງຄື: ສ້າງຕັ້ງບັນດາສະໂມສົນກົດໝາຍ, ບັນດາກຸ່ມຄຸ້ມຄອງຕົນເອງ, ມອບເຮືອນແຫ່ງຄວາມຮັກແພງໃຫ້ແກ່ຄອບຄົວທຸກຍາກຢູ່ເຂດທະເລ, ມອບທຸງຊາດ ແລະ ເຄື່ອງມືຫາປາໃຫ້ແກ່ຊາວປະມົງ…
 | ເພີ່ມທະວີການຮ່ວມມືລະຫວ່າງ ວິສາຫະກິດ ຫວຽດນາມ ແລະ ມາເລເຊຍ ຍສໝ - ການຮ່ວມມືວິສາຫະກິດ ແລະ ນັກທຸລະກິດ, VMBIZ ແລະ BOCGB ຍັງມີຄວາມຫວັງຢາກກາຍເປັນຂົວຕໍ່ເພື່ອຊຸກຍູ້ການຮ່ວມມືລະຫວ່າງບັນດາອົງການທີ່ບໍ່ຂຶ້ນກັບລັດຖະບານຂອງສອງປະເທດ, ເພີ່ມທະວີການຮ່ວມມື ແລະ ການເຊື່ອມໂຍງ, ປະກອບສ່ວນນຳການພົວພັນອັນດີງາມລະຫວ່າງຫວຽດນາມ ແລະ ມາເລເຊຍ ນັບມື້ນັບມີຄວາມແທດຈິງ ແລະ ເລິກເຊິ່ງກ່ວາອີກ. |
 | ການແກ້ໄຂການຂັດແຍ້ງກັນຢູ່ທະເລຕາເວັນອອກຕ້ອງອີງໃສ່ກົດໝາຍວ່າດ້ວຍທະເລ ຍສໝ - ທ່ານ Viktor Konstantinov ຮອງສາດສະດາຈານ, ສະຖາບັນການພົວພັນສາກົນ ຂຶ້ນກັບມະຫາວິທະຍາໄລສັງລວມແຫ່ງຊາດ Kiev ຖືວ່າ ບັນດາປະເທດຄວນເຄົາລົບ ແລະ ປະຕິບັດຕາມກົດໝາຍສາກົນ. ຕາມທ່ານ ແລ້ວ, ເຖິງວ່າສານສາກົນ ໄດ້ວາງອອກບັນດາຄຳຕັດສິນຂອງສານໃນປີ 2016 ໃນເຫດການຂອງ ຟີລິບປິນແລ້ວກໍ່ຕາມ, ແຕ່ສະພາບການ ແລະ ຫຼັກໝັ້ນຂອງບັນດາຝ່າຍຢູ່ທະເລຕາເວັນອອກບໍ່ມີການປ່ຽນແປງຫຼາຍປານໃດ. |
 | ກອງປະຊຸມໃຫຍ່ຄົບຄະນະ ສະມາຄົມລ້ຽງສິນທະເລ ຫວຽດນາມຄັ້ງທີ II ຍສໝ - ກອງປະຊຸມໃຫຍ່ໄດ້ປຶກສາຫາລືກຳນົດບັນດາໜ້າທີ່ຕ້ອງສຸມໃສ່ໃນອາຍຸການ 2020 – 2025. ນັ້ນແມ່ນສ້າງສາ ອົງການ, ພັດທະນາກຳລັງຄວາມສາມາດຂອງສະມາຄົມ, ພັດທະນາສະມາຊິກ, ສ້າງປະຊາຄົມລ້ຽງສິນທະເລ ຫວຽດນາມ, ເຂົ້າຮ່ວມການປະກອບສ່ວນເຂົ້າໃນການສ້າງນະໂຍບາຍ ແລະ ປະຕິເສດສັງຄົມ, ຍູ້ແຮງການຮ່ວມມືສາກົນ ແລະ ພັດທະນາຕະຫຼາດ. |
ບຸນຄົງ
