 |
ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ.
ເຂົ້າຮ່ວມພິທີສຳຄັນຄັ້ງນີ້ ມີບັນດາລັດຖະມົນຕີ ທັງ ສາມເສົາຄ້ຳປະຊາຄົມອາຊຽນ, ຮອງລັດຖະມົນຕີ, ເອກອັກຄະລັດຖະທູດຂອງປະເທດ ສະມາ ຊິກອາຊຽນ ແລະ ປະເທດຄູ່ເຈລະຈາ ຂອງອາຊຽນ ປະຈຳ ສປປ ລາວ, ຕາງໜ້າອົງການຈັດຕັ້ງສາກົນ ແລະ ພະນັກງານກະຊວງການຕ່າງປະເທດ ຈຳນວນໜຶ່ງ.
ໂອກາດນີ້, ທ່ານ ສະເຫລີມໄຊ ກົມມະສິດ ໄດ້ຍົກໃຫ້ເຫັນເຖິງຜົນສຳເລັດ ຂອງອາຊຽນ ໃນໄລຍະກວ່າເຄິ່ງສະຕະວັດທີ່ຜ່ານມາ, ເຖິງວ່າຈະມີຂໍ້ຈຳກັດ ແລະ ສິ່ງທ້າທາຍຕ່າງໆ, ແຕ່ພາກພື້ນ ແລະ ປະຊາຄົມອາຊຽນ ກໍໄດ້ຢູ່ຮ່ວມກັນຢ່າງມີສັນຕິພາບ ແລະ ສະຖຽນລະພາບ ກໍຄືໝາກຜົນຂອງ ການຮ່ວມມື ທີ່ຮັດແໜ້ນ ລະຫວ່າງ ບັນດາປະເທດສະມາຊິກອາຊຽນ ແລະ ລະຫວ່າງອາຊຽນ ກັບ ບັນດາປະເທດເພື່ອນມິດທົ່ວໂລກ ໂດຍສະເພາະ ແມ່ນປະເທດຄູ່ເຈລະຈາ. ທ່ານ ສະເຫລີມໄຊ ກົມມະສິດ ໄດ້ກ່າວຕື່ມວ່າ: ອາ ຊຽນໃນປັດຈຸບັນ ເປັນໜຶ່ງໃນອົງການຈັດຕັ້ງພາກພື້ນ ທີ່ປະສົບຜົນ ສຳເລັດສູງສຸດໃນໂລກ ແລະ ມີການເປີດກວ້າງສູ່ພາຍນອກ, ທັງມີບົດບາດ ສຳຄັນໃນໂຄງສ້າງພາກພື້ນ ທີ່ເປີດກວ້າງ ແລະ ກວມລວມ ໂດຍມີ ອາຊຽນເປັນໃຈກາງ. ສປປ ລາວ ມີຄວາມພາກພູມ ໃຈ ທີ່ໄດ້ເປັນສ່ວນໜຶ່ງ ໃນຄອບຄົວອາຊຽນ ແລະ ຂອບໃຈຕໍ່ການຊ່ວຍເຫລືອ, ສະໜັບສະໜູນ ແລະ ຮ່ວມມືຂອງບັນດາ ປະເທດສະມາຊິກອາຊຽນ ແລະ ທຸກຄູ່ຮ່ວມມື ຂອງອາຊຽນ ທີ່ເຮັດໃຫ້ ສປປ ລາວ ສາມາດປະຕິບັດຄວາມໝາຍໝັ້ນຂອງຕົນ ໃນຖານະປະເທດສະມາຊິກ ຕະຫລອດໃນ 2 ທົດສະວັດທີ່ຜ່ານມາ.
 |
ພິທີ ຊັກທຸງຊາດລາວ ແລະ ທຸງອາຊຽນຂຶ້ນເສົາ ເພື່ອສະເຫລີມສະຫລອງໂອກາດຄົບຮອບ 51 ປີ ແຫ່ງການ ສ້າງຕັ້ງອາຊຽນ (8/8/1967-8/8/2018) .
ທ່ານ ລັດຖະມົນຕີກະຊວງການຕ່າງປະເທດ ຍັງໄດ້ສະແດງຄວາມຂອບໃຈ ຕໍ່ການສະໜັບສະ ໜູນຢ່າງລົ້ນເຫລືອ, ການຊ່ວຍເຫລືອຢ່າງກະທັນຫັນ ແລະ ຄວາມພະຍາຍາມໃນການຊ່ວຍບັນເທົາ ທຸກ ໃຫ້ແກ່ ສປປ ລາວ ໂດຍບັນດາປະເທດສະມາຊິກອາຊຽນ ກໍຄືສູນປະສານງານອາຊຽນ ເພື່ອການ ຊ່ວຍເຫລືອທາງດ້ານມະນຸດສະທຳ ໃນການຄຸ້ມຄອງໄພພິບັດ, ນັບທັງຄູ່ຮ່ວມເຈລະຈາອາຊຽນ, ບັນດາປະເທດເພື່ອນມິດ ແລະ ອົງການຈັດ ຕັ້ງສາກົນຕ່າງໆ ຕໍ່ເຫດການໄພນ້ຳຖ້ວມ ທີ່ເກີດຈາກຄູ ກັນ ນ້ຳເຂື່ອນເຊປຽນ-ເຊນ້ຳນ້ອຍ ຢູ່ແຂວງອັດຕະປື. ສິ່ງດັ່ງກ່າວ ແມ່ນສະທ້ອນໃຫ້ເຫັນ ເຖິງຄວາມ ສາມັກຄີ, ຄວາມເອົາໃຈໃສ່ ແລະ ຄວາມໂອບເອື້ອ ອາລີກັນພາຍ ໃນຄອບຄົວອາຊຽນ ກໍຄື ອາຊຽນ ບວກກັບຄູ່ຮ່ວມມືຈາກພາຍນອກ.
（ແຫຼ່ງຂໍ້ມູນ： ຂປລ）
