 |
ພາບປະກອບເຂື່ອນເຊນ້ຳນ້ອຍ.
ເຊິ່ງຈາກສະຖານະການທີ່ມີການລາຍງານຜ່ານສື່ສັງຄົມອອນລາຍວ່າເຂື່ອນແຕກນັ້ນ, ແມ່ນສັນອ່າງເກັບນ້ຳຂອງເຂື່ອນເຊນ້ຳນ້ອຍ ທີ່ມີເນື້ອທີ່ອ້າງກວ້າງທີ່ສຸດໃນບັນດາເຂື່ອນທີ່ຢູ່ລວມກັນ ນັ້ນກໍ່ຄື: 522 ຕາລາງກິໂລແມັດ ແລະ ທາງເຈົ້າຂອງໂຄງການໄດ້ຄາດປະລິມານນ້ຳໄວ້ທີ 5,000 ລ້ານໂຕນ ເຊິ່ງມວນນ້ຳດັ່ງກ່າວຈະໄຫຼລົງສູ່ນ້ຳເຊປຽນ ໂດຍບ້ານທີ່ຢູ່ໃກ້ແຄມນ້ຳເຊປຽນ ແລະ ໃກ້ເຂື່ອນທີ່ສຸດແມ່ນບ້ານໃໝ່, ບ້ານຫິນລາດ, ບ້ານສະໜອງໃຕ້, ບ້ານທ່າແສງຈັນ, ບ້ານຕະໝໍຍອດ, ບ້ານທ່າຫິນໃຕ້, ບ້ານທ່າບົກ ແລະ ບ້ານມ່ວງ ເມືອງສະໜາມໄຊ ແຂວງອັດຕະປື.
 |
ປະຊາຊົນໄດ້ຮັບການອົບພະຍົບຈາກເຂດນ້ຳຖ້ວມ.
ປະຈຸບັນເຈົ້າໜ້າທີ່ກ່ຽວຂ້ອງກຳລັງຂຸ້ນຂ້ຽວຊວ່ຍປະຊາຊົນທີ່ຕິດຄ້າງຕາມຕົ້ນໄມ້, ຕາມຫຼັງຄາເຮືອນ, ມີເຮືອນຊານບ້ານຊອ່ງໄຫຼໄປນຳນ້ຳເປັນຈຳນວນຫຼາຍ ທາງພາກສ່ວນກ່ຽວຂ້ອງຄາດຄະເນວ່າມີຫຼາຍຮອ້ຍຄົນສູນຫາຍ (ໄຫຼໄປຕາມນ້ຳ) ສະເພາະບ້ານໃໝ່ ມີເກືອບ 50 ຄົນສູນຫາຍ (ເມືອງສະໜາມໄຊ ແຂວງອັດຕະປື).
ນອກຈາກນີ້ທາງການ ແຂວງອັດຕະປື ໄດ້ລາຍງານວ່າລະດັບ ນ້ຳເຊປຽນ ທີ່ວັດແທກຢູ່ບ້ານເວີນແຄນ ສູງເຖິງ 15 ແມັດ ແລະ ໄດ້ໄຫຼເຂົ້າຖ້ວມບັນດາບ້ານດັ່ງກ່າວສູງເຖິງລະດັບຫຼັງຄາເຮືອນແລ້ວ ໃນວັນທີ 24/7/2018 ນີ້
ກ່ອນໜ້ານີ້ ໃນວັນທີ 23/7/2018 ທີ່ຜ່ານມາ ຕອນທີ່ນ້ຳໄຫຼລົ້ນເຂື່ອນອອກມາ ປະມານ 22:30 ນາທີ ເປັນຕອນກາງຄືນ ຊາວບ້ານບາງຄົນກໍ່ຫນີນ້ຳບໍ່ທັນ ແລ້ວຖືກນ້ຳພັດໄປ ຈາກຝົນທີ່ຕົກຫນັກ ມາໄລຍະ 4 ຫາ 5ວັນ ເຮັດໃຫ້ນ້ຳລົ້ນເຂື່ອນ, ເຂື່ອນລະບາຍນ້ຳອອກບໍ່ທັນ ເຮັດໃຫ້ສັນເຂື່ອນ ບາງຈຸດແຕກ ແຕ່ນ້ຳທີ່ໄຫລອອກມາມີຈຳນວນຫລາຍ ເຮັດໃຫ້ການອົບພະຍົບບໍ່ທັນ ຈາກການສັນນິຖານ ອາດມີຜູ້ສູນຫາຍຫລາຍຮ້ອຍຄົນ ເຄື່ອງປູກຂອງຝັງ ໄຮ່ນາ ໄດ້ຮັບຄວາມເສຍຫາຍຫນັກ ສັດລ້ຽງກະສິກຳຖືກນ້ຳພັດໄປ ເຮືອນຊານບ້ານຊ່ອງປະຊາຊົນ ຖືກນ້ຳຖ້ວມ ໄດ້ຮັບຄວາມເສຍຫາຍ ປະເມີນຄວາມເສຍຫາຍແລ້ວແມ່ນຫນັກພໍສົມຄວນ.
ປະຈຸບັນທາງເຈົ້າໜ້າທີ່ ອຳນາດການປົກຄອງ, ທະຫານ, ຕຳຫຼວດ ແລະ ຂະແໜງການທີ່ກ່ຽວຂ້ອງ ທຸກຂັ້ນໄດ້ລະດົມຢ່າງສຸດກຳລັງເພື່ອຊ່ວຍ ພໍ່ແມ່ປະຊາຊົນ ທີ່ກຳລັງປະສົບໄພ ແລະ ກຳລັງລໍຖ້າການຊ່ວຍເຫຼືອ.
ປະມວນພາບຂອງອຸທົກກະໄພ ແລະ ການຊ່ວຍເຫຼືອຂອງເຈົ້າໜ້າທີ່ທຸກຂັ້ນທີ່ກ່ຽວຂ້ອງ.
 |
 |
 |
 |
 |
 |
 |
 |
 |
 |
ສຳລັບຜູ້ທີ່ປະສົງຢາກປະກອບສ່ວນໃນການແກ້ໄຂບັນເທົາທຸກໃນຄັ້ງນີ້ສາມາດປະກອບສ່ວນດ້ວຍຕົນເອງ ຫຼື ປະສານໄປຍັງຫ້ອງວ່າການແຂວງ ໃນນາມກອງເລຂາຄະນະຮັບຜິດຊອບແກ້ໄຂສະພາບສຸກເສີນ (ສຳນັກງານຫ້ອງວ່າການແຂວງ ຕຶກ 5 ຊັ້ນ) ນັບແຕ່ເວລານີ້ເປັນຕົ້ນໄປ ໂທ: 020 5554-3255, 020 5553-6888 ແລະ 020 9109-8888.
（ຫັດທະບູນ）
