 |
ທ່ານນາງ ປານີ ຢາທໍ່ຕູ້ ປະທານສະພາແຫ່ງ ສປປ ລາວ ຕ້ອນຮັບຂອງ ທ່ານ ອອກຕາວຽນ ບີໂວນ ຜູ້ຕາງໜ້າ ອົງການຢູນີເຊັບ.
ໃນວັນທີ 26 ກໍລະກົດ 2018, ທີ່ສະພາແຫ່ງຊາດ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ອອກຕາວຽນ ບີໂວນ ຜູ້ຕາງໜ້າ ອົງການຢູນີເຊັບ ປະຈຳ ສປປ ລາວ ເພື່ອປຶກສາຫາລືກ່ຽວກັບແຜນພັດທະນາ ລະຫວ່າງ ລັດຖະ ບານ ສປປ ລາວ ແລະ ອົງການຢູນີເຊັບ ປະຈຳສົກ ປີ 2017-2018.
ໃນໂອກາດດັ່ງກ່າວ, ທ່ານ ນາງ ປານີ ຢາທໍ່ຕູ້ ກໍໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງ ຕໍ່ທ່ານ ອອກຕາວຽນ ບີໂວນ, ພ້ອມທັງສະແດງຄວາມຂອບໃຈ ຕໍ່ອົງການຢູນີເຊັບ ທີ່ໄດ້ໃຫ້ການສະໜັບສະໜູນ ຊ່ວຍເຫລືອ ສປປ ລາວ ໃນດ້ານຕ່າງໆ.
ພ້ອມນີ້, ທ່ານ ອອກຕາວຽນ ບີໂວນ ກໍໄດ້ສະແດງຄວາມຂອບໃຈມາຍັງທ່ານ ປະທານສະພາແຫ່ງຊາດ ທີ່ໄດ້ໃຫ້ກຽດຕ້ອນຮັບອັນອົບອຸ່ນ ແລະ ສະຫລະເວລາໃນການຕ້ອນຮັບໃນຄັ້ງນີ້.
（ແຫຼ່ງຂໍ້ມູນ： ຂປລ）
