ລາວກຳລັງພິຈາລະນາຢ່າງເອົາຈິງເອົາຈັງເພື່ອສະເໜີການອອກວີຊ້າໃຫ້ນັກທ່ອງທ່ຽວຕ່າງປະເທດອອນລາຍ ໃນທ້າຍປີນີ້ ຫຼື ຕົ້ນ ປີ 2019. (ພາບ: Asean Travel)
ມີພຽງແຕ່ນັກທ່ອງທ່ຽວຄົນຕ່າງປະເທດເທົ່ານັ້ນທີ່ສາມາດ ລົງບຽນຂໍວີຊ່າອອນລາຍໄດ້. ສຳລັພະນັກງານ ແລະ ນັກທຸລະກິດແມ່ນຍັງຄົງຕ້ອງໄດ້ສືບຕໍ່ ຂໍວີຊ່າຈາກສະຖານທູດ ແລະ ສະຖານກົງສຸນ ລາວ ຕາມປົກກະຕິ. "ໃນເບື້ອງຕົ້ນ, ພວກເຮົາຈະສະຫນອງການບໍລິການ E-visa ສໍາລັບນັກທ່ອງທ່ຽວ ແລະ ຈາກນັ້ນມີບົດຮຽນຈາກການຈັດຕັ້ງປະຕິບັດໂຄງການ ຂໍວີຊ້າອອນລາຍ"
ວີຊ້ເອເລັກໂຕຼນິກ ຍັງຈະຊ່ວຍແກ້ໄຂບັນຫາ ຄືໃນບາງປະເທດອາດຈະຍັງບໍ່ທັນມີ ສະຖານທູດ ຫຼື ສະຖານກົງສຸນ. ເຈົ້າຫນ້າທີ່ທີ່ກ່ຽວຂ້ອງໄດ້ກ່າວວ່າ "ສະຖານທູດ ຫລື ສະຖານກົງສຸນຂອງລາວ ແມ່ນບໍ່ທັນມີຢູ່ໃນຫຼາຍໆປະເທດ, ເຮັດໃຫ້ເປັນສິ່ງທີ່ບໍ່ສະດວກສໍາລັບນັກທ່ອງທ່ຽວ ຈາກບັນດາປະເທດ ທີ່ຈະໄປ ທ່ອງທ່ຽວ ຫຼື ຢ້ຽມຢາມລາວ. ລາວມີ ຫ້ອງການຕ່າງໜ້າ ກະຊວງການຕ່າງປະເທດ 39 ແຫ່ງ, ປະກອບມີ: ສະຖານທູດ 26 ແຫ່ງ, ສໍານັກງານຖາວອນ 3 ແຫ່ງ, ສະຖານກົງສຸນ 9 ແຫ່ງ ກໍ່ຄື ສະຖານກົງສຸນ ກິຕິມະສັກຢູ່ຕ່າງປະເທດອີກ 17 ແຫ່ງ.
ຫົວໜ້າກົມ ໂຄສະນາ-ທ່ຽວທ່ຽວ, ກະຊວງ ວັດທະນະທໍາ, ຂ່າວສານ ແລະ ທ່ອງທ່ຽວ, ທ່ານ ສູນ ມະນີວົງ, ຊົມເຊີຍແຜນການ ການເຮັດວີຊ່າ ເປັນອີ-ວີຊ້າ, ໂດຍກ່າວວ່າ: ວີຊ້ານີ້ຈະສ້າງຄວາມສະດວກໃຫ້ນັກທ່ອງທ່ຽວຕ່າງປະເທດ ເຂົ້າມາໃນລາວ, ຊ່ວຍພວກເຂົາປະຢັດເວລາ ແລະ ເປັນເຈົ້າການໃນການວາງແຜນທ່ອງທ່ຽວຫຼາຍຂຶ້ນ.
ໃນປີ 2017 ລາວໄດ້ຮັບນັກທ່ອງທ່ຽວຕ່າງປະເທດ 3.8 ລ້ານເທື່ອຄົນ. ລັດຖະບານລາວ ກໍາລັງວາງເປົ້າຫມາຍ 5 ລ້ານຄົນ ໃນປີນີ້, ໂດຍມີໂຄງການ ສະຫນັບສະຫນູນຈໍານວນຫນຶ່ງ, ເຊິ່ງຫນຶ່ງໃນນັ້ນແມ່ນ ການເປີດປີທ່ອງທ່ຽວລາວ ປີ 2018.ພົນລະເມືອງຫວຽດນາມທີ່ເດີນທາງໄປປະເທດລາວບໍ່ຈໍາເປັນຕ້ອງມີວີຊ່າ ເພາະອາຍຸໃນການພັກອາໄສຊົ່ວຄາວໄດ້ເຖິງ 30 ວັນ. ນອກເຫນືອຈາກປະເທດຫວຽດນາມ, ປະຊາຊົນຂອງ 14 ປະເທດບູໄນ, ກໍາປູເຈຍ, ອິນໂດເນເຊຍ, ຍີ່ປຸ່ນ, ລັກເຊມເບີກ, ມາເລເຊຍ, ມົງໂກລີ, ມຽນມາ, ຟີລິບປິນ, ຣັດເຊຍ, ສິງກະໂປ, ເກົາຫລີ, ສະວິດເຊີແລນແລະໄທບໍ່ຈໍາເປັນຕ້ອງມີວີຊ່າທ່ອງທ່ຽວລາວ. (ດ້ວຍອາຍຸໃນການພັກອາໄສຊົ່ວຄາວທີ່ແຕກຕ່າງກັນ). |
(ຫັດທະບູນ)