 |
| ການຖະແຫຼງຂ່າວກ່ຽວກັບກອງປະຊຸມສຸດຍອດອາຊຽນຄັ້ງທີ 37 |
ຕອນບ່າຍວັນທີ 09 ພະຈິກ, ຢູ່ຮ່າໂນ້ຍ, ໄດ້ຈັດກອງປະຊຸມຖະແຫຼງຂ່າວສາກົນກ່ຽວກັບກອງປະຊຸມສຸດຍອດອາຊຽນ ຄັ້ງທີ 37 ແລະ ບັນດາກອງປະຊຸມທີ່ກ່ຽວຂ້ອງ. ເຂົ້າຮ່ວມກອງປະຊຸມຍັງມີຜູູ້ຕາງໜ້າບັນດາທູຕານຸທູດ, ບັນດານັກຂ່າວຂອງ ຫວຽດນາມ ແລະ ສຳນັກຂ່າວສານສາກົນ.
ກ່າວຄຳເຫັນທີ່ກອງປະຊຸມຖະແຫຼງຂ່າວ, ທ່ານຮອງລັດຖະມົນຕີການຕ່າງປະເທດຫວຽດນາມ ຫງວຽນກ໊ວກຢຸງ, ຫົວໜ້າ SOM ອາຊຽນ ຫວຽດນາມ, ໃຫ້ຮູ້ວ່າ, ກອງປະຊຸມສຸດຍອດອາຊຽນ ຄັ້ງທີ 37 ແລະ ບັນດາກອງປະຊຸມທີ່ກ່ຽວຂ້ອງຈະດຳເນີນໃນລະຫວ່າງວັນທີ 12 – 15 ພະຈິກ, ຕາມຮູບການອອນລາຍ. ນີ້ແມ່ນການເຄື່ອນໄຫວສຳຄັນທີ່ສຸດ ຂອງ ອາຊຽນ ໃນປີ 2020, ໂດຍດຶງດູດໄດ້ຄວາມສົນໃຈຢ່າງກ້ວາງຂວາງຈາກຫາງສຽງສາກົນ ທັງຢູ່ພາຍໃນ ແລະ ນອກພາກພື້ນ. ທ່ານກ່າວວ່າ:
“ກອງປະຊຸມແມ່ນໂອກາດເພື່ອໃຫ້ອາຊຽນ ຕີລາຄາໂດຍສັງເຂບບັນດາໝາກຜົນຂອງການຮ່ວມມືໃນທັງປີ ສຳລັບບັນດາການເຄື່ອນໄຫວພາຍໃນກຸ່ມ ກໍ່ຄືການຮ່ວມມືກັບບັນດາຄູ່ຮ່ວມມື ແລະ ວາງອອກບັນດາການກຳນົດທິດບຸລິມະສິດໃຫ້ແກ່ໄລຍະຕໍ່ໆໄປ. ນີ້ກໍ່ແມ່ນໂອກາດໜຶ່ງດຽວໃນປີເຊິ່ງການນຳອາຊຽນ ຈັດກອງປະຊຸມກັບການນຳບັນດາຄູ່ຮ່ວມມືສຳຄັນຂອງອາຊຽນ ເກືອບທັງໝົດ.”
ຄາດວ່າ, ຈະມີການເຄື່ອນໄຫວຂັ້ນສຸດຍອດ 20 ຄັ້ງໃນຄັ້ງນີ້ຄື: ກອງປະຊຸມສຸດຍອດອາຊຽນ ຄັ້ງທີ 37, ກອງປະຊຸມສຸດຍອດອາຊຽນ +1 ກັບຈີນ, ຍີ່ປຸ່ນ, ສ.ເກົາຫຼີ, ອາເມລິກາ, ອິນເດຍ…ນອກຈາກນັ້ນ, ເປັນຄັ້ງທຳອິດຈະດຳເນີນກອງປະຊຸມສຸດນອດການນຳຍິງ ອາຊຽນດ້ວຍຫົວຂໍ້ບົດບາດຂອງແມ່ຍິງໃນການສ້າງປະຊາຄົມອາຊຽນສະໜິດຕິດພັນ, ຂະຫຍັນຂັນເຂື່ອນ, ຍືນຍົງ ແລະ ກວມລວມໃນໄລຍະຫຼັງໂລກລະບາດໂຄວິດ - 19.
ກ່ຽວກັບເອກະສານ, ຄາດວ່າບັນດາການນຳຈະຮັບຮອງເອົາ, ຮັບຮູ້ ແລະ ປະກາດເອກະສານກວ່າ 80 ສະບັບ. ນີ້ແມ່ນສຳນວນເອກະສານຫຼາຍທີ່ສຸດແຕ່ກອນມາຮອດປັດຈຸບັນ, ໃນນັ້ນສິ່ງທີ່ເປັນໜ້າສົນໃຈແມ່ນຖະແຫຼງການຮ່າໂນ້ຍກ່ຽວກັບວິໄສທັດ ປະຊາຄົມອາຊຽນພາຍຫຼັງ ປີ 2025, ຖະແຫຼງການຮ່າໂນ້ຍກ່ຽວກັບການເພີ່ມວຽກງານທາງສັງຄົມ ມຸ່ງໄປສູ່ປະຊາຄົມ ອາຊຽນສະໜິດຕິດພັນ ແລະ ເປັນເຈົ້າການຮັບມື...
ເມື່ອເຕື້ອງເຖິງຄວາມເປັນໄປໄດ້ຂອງບັນດາປະເທດລົງນາມໃນສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ໃນຂອບເຂດກອງປະຊຸມຄັ້ງນີ້. ທ່ານຮອງລັດຖະມົນຕີ ຫງວຽນກ໊ວກຢຸງ ໃຫ້ຮູ້ວ່າ, ປະຈຸບັນການເຈລະຈາໄດ້ສຳເລັດແລ້ວ. ບັນດາປະເທດພວມສົ່ງເສີມບັນດາລະບຽບການຢູ່ພາຍໃນເພື່ອສາມາດລົງນາມໃນວັນທີ 15 ພະຈິກຈະມາເຖິງ. ກ່ຽວກັບການພົວພັນລະຫວ່າງອາຊຽນ ແລະ ອາເມລິກາ ໃນສະພາບການທີ່ປະເທດອາເມລິກາ ຫາກໍ່ສິ້ນສຸດການເລືອກຕັ້ງປະທານາທິບໍດີ, ທ່ານຮອງລັດຖະມົນຕີ ຫງວຽນກ໊ວກຢຸງ ໃຫ້ຮູ້ວ່າ, ອາຊຽນ ຍາມໃດກໍ່ຊົມເຊີຍເລື່ອງ ອາເມລິກາ ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ ແລະ ການພັດທະນາຢູ່ພາກພື້ນ.
 | ຫວຽດນາມ ຈະຊຸກຍູ້ການຮ່ວມມືລະຫວ່າງລັດເຊຍ-ອາຊຽນ ຍສໝ - ໃນບົດຂຽນ “ບົດບາດ ແລະ ທີ່ຕັ້ງຂອງຫວຽດນາມ ໃນການຮ່ວມມືລະຫວ່າງລັດເຊຍ - ອາຊຽນ”, ທ່ານປະລິນຍາເອກ Ekaterina Koldunova ຖືວ່າ, ເມື່ອຫວຽດນາມ ຮັບດຳລົງຕຳແໜ່ງປະທານອາຊຽນ ໃນປີ 2020 ອາດຈະປະກົດມີບັນດາຂົງເຂດຮ່ວມມືລະຫວ່າງລັດເຊຍ ແລະ ອາຊຽນ. |
 | ກອງປະຊຸມ ສຸດຍອດ ອາຊຽນ ຄັ້ງທີ 37 ເປັນໂອກາດ ເພື່ອໃຫ້ອາຊຽນ ຕີລາຄາ ໂດຍສັງເຂບ ບັນດາໝາກຜົນ ຂອງບັນ ດາຄູ່ຮ່ວມມື ແລະ ວາງອອກ ບັນດາການກຳນົດທິດ ບຸລິມະສິດ ໃຫ້ແກ່ໄ ຍສໝ - ໃນວັນທີ 9 ພະຈິກ, ຢູ່ຮ່າໂນ້ຍ, ໄດ້ເກີດຂຶ້ນກອງປະຊຸມຈັດກຽມ ເຈົ້າໜ້າທີ່ອາວຸໂສອາຊຽນ; ກອງປະຊຸມຄັ້ງທີ 5 ຂອງກຸ່ມປະຕິບັດງານລະຫວ່າງຂະແໜງການ ຂອງສະພາປະສານງານອາຊຽນ ກ່ຽວກັບການຮັບມືສຳຫຼັບສະພາວະການສຸກເສີນດ້ານສາທາລະນະສຸກ… |
 | ຊຸກຍູ້ການຫັນປ່ຽນພະລັງງານຢູ່ບັນດາປະເທດ ອາຊຽນ ຍສໝ - ກອງປະຊຸມສຳມະນາແນໃສ່ແບ່ງປັນບົດຮຽນ ແລະ ບົດບາດຂອງບັນດາອົງການຈັດຕັ້ງພົນລະເຮືອນ ໃນການຊຸກຍູ້ການຫັນປ່ຽນພະລັງງານຢູ່ບັນດາປະເທດ ອາຊຽນ; ອັບເດດທ່າອ່ຽງຫັນປ່ຽນພະລັງງານໃນພາກພື້ນ ແລະ ທົ່ວໂລກ. |
ບຸນຄົງ
