ກອງປະຊຸມໃຫຍ່ຄັ້ງທີ V ເປັນຂີດໝາຍຂອງການຫັນປ່ຽນໃນຂະບວນການພັດທະນາຂອງ VNAS ພາຍຫຼັງດຳເນີນກິດຈະກຳມາເປັນເວລາກວ່າ 12 ປີ, ໂດຍໄດ້ຄ່ອຍໆສ້າງເຄືອຂ່າຍເຊື່ອມໂຍງຊາວຫວຽດນາມຢູ່ສິງກະໂປກັບບ້ານເກີດເມືອງນອນ, ສັງຄົມຂອງປະເທດທີ່ຕົນອາໄສຢູ່ ແລະ ຄົນຮຸ່ນຕໍ່ໄປ.
ບົນພື້ນຖານບັນດາຜົນສຳເລັດທີ່ຍາດມາໄດ້ໃນສົກທີ IV, VNAS ໄດ້ກຳນົດເປົ້າໝາຍຂອງສົກປີ 2026-2028 ແມ່ນຫັນປ່ຽນຈາກບົດບາດເປັນຈຸດປະສານງານ ແລະ ເຊື່ອມໂຍງ ໄປສູ່ການພັດທະນາລະບົບນິເວດປະຊາຄົມທີ່ມີຄວາມຜູກພັນແໜ້ນແຟ້ນ, ມີຄວາມເປັນມືອາຊີບ ແລະ ຍືນຍົງ.
 |
| ບັນດາຜູ້ແທນຖ່າຍຮູບຮ່ວມກັນເປັນທີ່ລະນຶກ ໃນກອງປະຊຸມໃຫຍ່ຄັ້ງທີ V ຂອງຄະນະປະສານງານປະຊາຄົມຊາວຫວຽດນາມຢູ່ສິງກະໂປ. |
ຕາມທິດທາງດັ່ງກ່າວ, ບັນດາກິດຈະກຳຂອງ VNAS ຈະບໍ່ຈຳກັດຢູ່ພຽງແຕ່ການແລກປ່ຽນ, ພົບປະ ແລະ ຊ່ວຍເຫຼືອເຊິ່ງກັນ ແລະ ກັນເທົ່ານັ້ນ, ແຕ່ຍັງມຸ່ງໄປສູ່ການສົ່ງເສີມທ່າແຮງຂອງແຫຼ່ງຊັບພະຍາກອນທາງປັນຍາ, ຊຸກຍູ້ການຮ່ວມມື ແລະ ສ້າງຄຸນຄ່າໃນໄລຍະຍາວໃຫ້ແກ່ປະຊາຄົມ.
ເພື່ອຜັນຂະຫຍາຍເປົ້າໝາຍດັ່ງກ່າວ, ກອງປະຊຸມໃຫຍ່ໄດ້ເຫັນດີເປັນເອກະພາບຕໍ່ທິດທາງການເຄື່ອນໄຫວໃນສົກໃໝ່ ໂດຍມີ 5 ຂົງເຂດຈຸດສຸມ, ຜູກພັນກັບບັນດາຄະນະວິຊາການ ແລະ ຄະນະຮັບຜິດຊອບສະເພາະ ປະກອບມີ: ວຽກງານພົວພັນຕ່າງປະເທດ - ນະໂຍບາຍ; ວິທະຍາສາດ ແລະ ເຕັກໂນໂລຊີ, ການປ່ຽນແປງໃໝ່ຢ່າງສ້າງສັນ; ການສຶກສາ - ການແນະນຳອາຊີບ; ວັດທະນະທຳ - ປະຊາຄົມ - ການສື່ສານ; ວຽກງານພາຍໃນ - ພະລາທິການ - ການເງິນ.
ນີ້ແມ່ນບັນດາຂົງເຂດທີ່ VNAS ໄດ້ຄັດເລືອກ ເພື່ອເປີດກວ້າງກິດຈະກຳການເຊື່ອມໂຍງ, ເພີ່ມທະວີການແບ່ງປັນຄວາມຮູ້, ຊ່ວຍເຫຼືອປະຊາຄົມ ແລະ ສົ່ງເສີມຄວາມສາມາດຂອງຊາວຫວຽດນາມຢູ່ສິງກະໂປ.
ໃນກອງປະຊຸມໃຫຍ່ຄັ້ງນີ້, ຄະນະບໍລິຫານງານ VNAS ຊຸດທີ V ປະກອບມີ 11 ທ່ານ ໄດ້ເປີດຕົວຢ່າງເປັນທາງການ. ທ່ານນາງ ຕ້າ ຖຸ່ຍ ລຽນ ໄດ້ຮັບການເລືອກຕັ້ງໃຫ້ດຳລົງຕຳແໜ່ງປະທານຄະນະປະສານງານປະຊາຄົມຊາວຫວຽດນາມຢູ່ສິງກະໂປ ສົກປີ 2026-2028.
ໃນໂອກາດນີ້, ຄະນະກຳມະການແຫ່ງລັດວ່າດ້ວຍຊາວຫວຽດນາມຢູ່ຕ່າງປະເທດ (ກະຊວງການຕ່າງປະເທດ) ໄດ້ສົ່ງສານຊົມເຊີຍເຖິງກອງປະຊຸມໃຫຍ່, ພ້ອມທັງສະແດງຄວາມເຊື່ອໝັ້ນວ່າ ຄະນະບໍລິຫານງານຊຸດໃໝ່ຈະສືບຕໍ່ເຕົ້າໂຮມ ແລະ ສົ່ງເສີມທ່າແຮງຈາກຖັນແຖວປັນຍາຊົນ, ຜູ້ຊ່ຽວຊານ, ນັກທຸລະກິດ ແລະ ຄົນຮຸ່ນໜຸ່ມຊາວຫວຽດນາມ.
ຜ່ານບັນດາກິດຈະກຳໃນສົກໃໝ່, VNAS ມຸ່ງສູ່ການເສີມສ້າງຄວາມຜູກພັນແໜ້ນແຟ້ນພາຍໃນປະຊາຄົມຊາວຫວຽດນາມຢູ່ສິງກະໂປ, ພ້ອມທັງສືບຕໍ່ສົ່ງເສີມບົດບາດເປັນຂົວຕໍ່, ປະກອບສ່ວນເພີ່ມທະວີສາຍພົວພັນມິດຕະພາບລະຫວ່າງຫວຽດນາມ ແລະ ສິງກະໂປ.
 ນັກສຶກສາຫວຽດນາມຢູ່ໂອຕຣິດ ສົ່ງເສີມບົດບາດເຊື່ອມໂຍງຊຸມຊົນ ຍສໝ - ທີ່ກອງປະຊຸມໃຫຍ່ຜູ້ແທນ ຄັ້ງທີ IV, ອາຍຸການ 2026–2028 ຂອງສະມາຄົມນັກສຶກສາຫວຽດນາມຢູ່ໂອຕຣິດ, ທ່ານ ຫວູເລໄທຮວ່າງ, ເອກອັກຄະລັດຖະທູດຫວຽດນາມປະຈຳສາທາລະນະລັດໂອຕຣິດ ເນັ້ນໜັກເຖິງບົດບາດຂອງນັກສຶກສາ, ປັນຍາຊົນໜຸ່ມ ໃນການຮັກສາເອກະລັກ, ເຊື່ອມໂຍງຊຸມຊົນ ແລະ ປະກອບສ່ວນໃຫ້ແກ່ປະເທດຊາດ. |
 ຊາວຫວຽດນາມເກືອບ 28.000 ຄົນຢູ່ຍີ່ປຸ່ນ ເຂົ້າຮ່ວມການແຂ່ງຂັນຄວາມຮູ້ດ້ານກົດໝາຍ ຍສໝ - ວັນທີ 12/10, ຢູ່ສະຖານທູດຫວຽດນາມປະຈຳຍີ່ປຸ່ນ ໄດ້ຈັດພິທີມອບລາງວັນການແຂ່ງຂັນຄວາມຮູ້ກ່ຽວກັບກົດໝາຍຍີ່ປຸ່ນ ຄັ້ງທີ 3 ປະຈຳປີ 2026, ໂດຍມີຊາວຫວຽດນາມເຂົ້າຮ່ວມ 27.900 ຄົນ, ປະກອບສ່ວນຍົກສູງຄວາມຮັບຮູ້ ແລະ ຈິດສຳນຶກໃນການປະຕິບັດຕາມກົດໝາຍຂອງປະເທດທີ່ຕົນພຳນັກອາໄສ. |
ມິງດຶກ
