ທີ່ນີ້, ໃນເດືອນ ມິຖຸນາ ປີ 1929, ທ່ານປະທານ ໂຮ່ຈີ໋ມິງ ໄດ້ເຄື່ອນໄຫວຢູ່ບັນດາແຂວງພາກເຫນືອ ຂອງປະເທດໄທ, ມີຊື່ເອີ່ນວ່າ: ເຖົ້າຈິນ, ເພິ່ນໄດ້ເດີນທາງຈາກ ແຂວງ ມຸກດາຫານ, ລາດສະອານາຈັກ ໄທ, ຂ້າມມາ ແຂວງ ສະຫວັນນະເຂດ ເພື່ອສໍາຫຼວດສະພາບການ ແລະ ເຄື່ອນໄຫວຂະບວນການ-ການປະຕິວັດ.
ເຂົ້າຮ່ວມໃນງານພິທີດັ່ງກ່າວ: ມີຕ່າງໜ້າການນຳພັກ - ລັດ, ອຳນາດການປົກຄອງ ຂັ້ນແຂວງ ໂດຍ ສະຫາຍ ສັນຕິພາບ ພົມວິຫານ, ກຳມະການກົມການເມືອງສູນກາງພັກປະຊາຊົນປະຕິວັດລາວ, ເລຂາພັກແຂວງ, ເຈົ້າແຂວງໆສະຫວັນນະເຂດ ເປັນຜູ່ນຳພາ, ທ່ານກົງສຸນໃຫຍ່ແຫ່ງ ສສ ຫວຽດນາມ ປະຈຳ ແຂວງ ສະຫວັນນະເຂດ ພ້ອມຄະນະ ນຳໂດຍທ່ານ ທ່ານ ເຈີ່ນກົງທິ້ງ ພ້ອມພັນລະຍາ.
 |
ທ່ານເອກອັກຄະລັດຖະທູດ ຫງວ໋ຽນບ໋າຮຸ່ງ ປາໄສໃນພິທີລະນຶກວັນຄາຍວັນເກີດຂອງປະທານໂຮ່ຈີ໋ມິງ ຄົບຮອບ 128 ປີ.
ໃນວັນທີ 19 ພຶດສະພາ, ທີ່ສະໂມສອນ ຫົງບ່າງ , ສະມະຄົມ ຄົນຫວຽດນາມ ທີ່ ແຂວງ ສະຫວັນນະເຂດ ໄດ້ຈັດພິທີລະນຶກວັນຄາຍວັນເກີດຂອງປະທານໂຮ່ຈີ໋ມິງ ຄົບຮອບ 128 ປີ.
ກ່ອນນັ້ນ, ຄະນະພັກ, ອໍານາດການປົກຄອງ ແລະ ປະຊາຊົນແຂວງຄໍາມ່ວນ, ພາກກາງຂອງ ສປປ ລາວ ກໍ່ໄດ້ຈັດພິທີວາງພວງມາລາ ແລະ ຈູດທູບທຽນໄຫວ້ສັກກະລະອາໄລຫາ ຂື້ນຢ່າງເປັນທາງການ ທີ່ ໂບດ ລຸງໂຮ່ ຢູ່ບ້ານ ຊຽງວາງ, ເມືອງ ຫນອງບົກ, ເປັນສະຖານທີ່ ທີ່ທ່ານປະທານໂຮ່ຈີ໋ມິງ ໄດ້ມີການເຄື່ອນໄຫວໃນໄລຍະສົງຄາມຕໍ່ຕ້ານການຮຸກຮານຂອງຈັກກະພັດ ໂດຍການເຂົ້າຮ່ວມຂອງການນໍາຂັ້ນແຂວງ, ຜູ້ຕາງຫນ້າແນວລາວສ້າງຊາດ, ສະມາຄົມມິດຕະພາບລາວ - ຫວຽດນາມ ແຂວງຄຳມ່ວນ ຮ່ວມກັບ ສະມາຄົມຄົນໄທ ສັນຊາດຫວຽດ ຢຸ່ແຂວງ ອຸດອນທານີ ໄດ້ຈັດຂື້ນ.
ໃນອາທິດດຽວກັນນັ້ນ, 19 ພຶດສະພາ, ຢູ່ອະນຸສອນ ປະທານ ໂຮ່ຈີ໋ມິງ ທີ່ແຂວງອຸດອນທານີ (ປະເທດໄທ),ຫ່າງຈາກນະຄອງຫຼວງ ບາງກອກ ປະມານ 600 ກິໂລແມັດ ທາງຕາເວັນອອກສຽງເຫນືອ, ໄດ້ຈັດພິທີງານພວງມາລາ ຈູດທູບທຽນ ລະລືກວັນຄ້າຍວັນເກີດ ຄົບຮອບ 128 ປີ ຂອງປະທານໂຮ່ຈີ໋ມິງ. ວາລະການຈັດຕັ້ງພິທີ ດັ່ງກ່າວ ແມ່ນ ສະຖານທູດຫວຽດນາມ ປະຈຳ ສປປ ລາວ ປະສານສົມທົບ ກັບ ສະມາຄົມໄທ - ເຊື້ອສາຍຫວຽດນາມຂອງແຂວງ ອຸດອນທານີ ຈັດຂຶ້ນ.
 |
ຄະນະພະນັກງານສະຖານທູດ ຫວຽດນາມ ປະຈຳ ສປປ ລາວ ເຂົ້າວາງພວງມາລາ ແລະ ຈູດທູບທຽນ ລະລຶກເຖິງ ທ່ານປະທານ ໂຮ່ຈີ໋ມິງ.
ໃນພິທີດັ່ງກ່າວ, ທ່ານເອກອັກຄະລັດຖະທູດ ຫງວ໋ຽນບ໋າຮຸ່ງ ແລະ ທ່ານ ວາທະນາ ພູດທິຊັດ, ເຈົ້າແຂວງ-ແຂວງ ອຸບົນລາສະທານີ ພ້ອມດ້ວຍຄະນະຜູ້ແທນໄດ້ວາງພວງມາລາ ແລະ ຈູດທູບທຽນ ລະນຶກເຖິງ ທ່ານປະທານ ໂຮ່ຈີ໋ມິງ.
ຕໍ່ໜ້າດວງວິນຍານ ຂອງປະທານ ໂຮ່ຈີ໋ມິງ, ທ່ານເອກອັກຄະລັດຖະທູດ ຫງຽນ ບາ ຮຸງ , ພະນັກງານສະຖານທູດ ແລະ ບັນດາຫ້ອງການອ້ອມຂ້າງສະຖານທູດ ຈະພະຍາຍາມຢ່າງບໍ່ຢຸດຢັ້ງຍົກສູງບົດບາດການເມືອງ, ສາມັກຄິເປັນຈິດນື່ງໃຈດຽວກັນເພື່ອຈຸດປະສົງໃນການກໍ່ສ້າງ ແລະ ປົກປັກຮັກສາປະເທດຫວຽດນາມ ໃຫ້ໝັ້ນຄົງ, ປະຊາຊົນຮັ່ງມີ, ປະເທດເຂັ້ມແຂງ, ປະຊາທິປະໄຕ, ມີຄວາມສີວິໄລ ສູ້ຊົນເພື່ອເຮັດສໍາເລັດໜ້າວຽກງານທາງດ້ານການເມືອງທີ່ດີເລີດ, ເສດຖະກິດ, ວັດທະນະທໍາ, ການສຶກສາໃນປີ 2018, ການກໍ່ສ້າງຊຸມຊົນຫວຽດນາມໃນລາວ ແລະ ປະເທດໄທໃຫ້ມີຄວາມສາມັກຄີ, ເຂັ້ມແຂງ, ປະກອບສ່ວນຢ່າງຕັ້ງຫນ້າເຂົ້າໃນການ ປັບປຸງ, ເສີມຂະຫຍາຍການຮ່ວມມື ແລະ ພັດທະນາສາຍພົວພັນມິດຕະພາບແບບພິເສດ ລະຫວ່າງ ຫວຽດນາມ - ລາວ, ສົ່ງເສີມການພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ ແລະ ໄທ.
（ຫັດທະບູນ）
