ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກເຖິງຈິດໃຈເດັດຂາດ, ບໍ່ຄວນປະໝາດຕໍ່ໂລກລະບາດ
	ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເປັນປະທານ ກອງປະຊຸມສະໄໝສາມັນປະຈຳເດືອນ ກໍລະກົດ

ທ່ານ ຫງວຽນຊວນຟຸກ ນາຍົກລັດຖະມົນຕີ ຢ້ຽມຢາມຖາມຂ່າວ ແລະມອບຂອງຂວັນໃຫ້ທ່ານ ເຈິ່ນວັນໂດ ຢູ່ໜ່ວຍຊຸມຊົນ 2, ເທດສະບານເມືອງລາຮ່າ, ເມືອງຕືເຫງັຍ ເຊິ່ງແມ່ນຜູ້ທີ່ຖືກພາຍຸພັດເຮືອນພັງໝົດ. ພາບ: ສໍານັກຂ່າວສານຫວຽດນາມ.

ທ່ານນາຍົກລັດຖະມົນຕີ ໄດ້ສະເໜີໃຫ້ບັນດາກຳລັງກອງທັບ, ຕຳຫຼວດ ຈົ່ງຮີບເຮັ່ງໜູນຊ່ວຍປະຊາຊົນກັບຄືນສູ່ຊີວິດເປັນປົກກະຕິໂດຍໄວ; ພິເສດແມ່ນຍູ້ໄວການຟື້ນຟູພື້ນຖານໂຄງລ່າງຢູ່ບັນດາໂຮງໝໍ, ໂຮງຮຽນ. ທ່ານນາຍົກລັດຖະມົນຕີກໍ່ສະເໜີໃຫ້ແຂວງ ກວາງນາມ ແລະ ເມືອງ ນຸຍແທັ່ງ ສະຫງວນແຫຼ່ງເງິນໜູນຊ່ວຍຈາກສູນກາງ, ບັນດາແຫຼ່ງເງິນກູ້ຊ່ວຍ ເພື່ອໜູນຊ່ວຍໃຫ້ແກ່ປະຊາຊົນ, ບໍ່ປະໃຫ້ປະຊາຊົນຖືກອຶດຫິວ, ບໍ່ມີບ່ອນຢູ່ອາໄສ. ນອກນັ້ນ, ທ່ານນາຍົກລັດຖະມົນຕີ ກໍ່ໄດ້ໄປຢື້ຢາມຖາມຂ່າວບັນດາຜູ້ຮັບບາດເຈັບທີ່ພວມປິ່ນປົວຢູ່ໂຮງໝໍຫຼາຍຂະແໜງແຂວງກວາງນາມ.

ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ປາດຖະໜາວ່າ, ອຳນາດການປົກຄອງ ແລະ ປະຊາຊົນຢູ່ບັນດາແຂວງທີ່ຖືກຜົນເສຍຫາຍຍ້ອນພາຍຸ, ນ້ຳຖ້ວມ ຕ້ອງເປັນເຈົ້າການແກ້ໄຂຜົນຮ້າຍຈາກພາຍຸນ້ຳຖ້ວມ, ພ້ອມທັງປະຕິບັດບັນດາມາດຕະການປ້ອງກັນ, ຕ້ານພາຍຸ Goni - ພາຍຸຫົວທີ 10 ແລະ ກໍ່ແມ່ນພາຍຸຫົວໃຫຍ່ທີ່ສຸດນັບແຕ່ຕົ້ນປີ 2020 ມາຮອດປະຈຸບັນໃຫ້ເປັນຢ່າງດີ.

ທ່ານ ຫງວຽນຊວນຟຸກ ນາຍົກລັດຖະມົນຕີ ຢ້ຽມຢາມທ່ານ ກາວວັນຟຸ້ງ, ຢູ່ບ້ານອານຮ່າ 1, ຕາແສງເຫງັຍຈູງ, ເມືອງຕືເຫງັຍ. ພາບ: ສໍານັກຂ່າວສານຫວຽດນາມ.

ກ່ຽວກັບການຮັບມືກັບພາຍຸ Goni, ທ່ານຮອງນາຍົກລັດຖະມົນຕີຫວຽດນາມ ຈິ້ງດິ່ງຢຸງ, ຫົວໜ້າຄະນະຊີ້ນຳສູນກາງກ່ຽວກັບການປ້ອງກັນ, ຕ້ານໄພທຳມະຊາດ, ປະທານຄະນະກຳມະການແຫ່ງຊາດຮັບມືກັບການເກີດເຫດຈາກໄພທຳມະຊາດ ແລະ ຊອກຫາກູ້ໄພກູ້ຊີບ, ໄດ້ຮຽກຮ້ອງໃຫ້ບັນດາແຂວງ, ນະຄອນ, ນອກຈາກເລື່ອງເປັນເຈົ້າການຮັບມືກັບພາຍຸ Goni ແລ້ວ, ຄວນສືບຕໍ່ແກ້ໄຂຜົນຮ້າຍຢ້ອນຫຼັງຈາກນ້ຳຖ້ວມ ແລະ ພາຍຸຫົວທີ 9 (Molave) ທີ່ຜ່ານມາ. ທ່ານຮອງນາຍົກລັດຖະມົນຕີກໍ່ສະເໜີໃຫ້ກອງບັນຊາການທະຫານຊາຍແດນ ສົມທົບກັບກົມໃຫຍ່ສິນໃນນ້ຳ ແລະ ບັນດາແຂວງ, ນະຄອນ ຮຽກຮ້ອງໃຫ້ກ່ຳປັ່ນໄປຫາຈອດຢູ່ບັນດາເຂດປອດໄພ, ບໍ່ເດີນເຂົ້າເຂດອັນຕະລາຍ, ຍົກຍ້າຍປະຊາຊົນໃຫ້ອອກຈາກເຂດລ້ຽງປາກະຊັງ ກ່ອນທີ່ພາຍຸ Goni ພັດເຂົ້າເຂດດິນຕໍ່ແຜ່ນ.

ໃນໄລຍະຜ່ານມາ, ພາຍຸ, ຝົນຕົກໜັກເກີດຂຶ້ນຢ່າງລ້ຽນຕິດ ໄດ້ກໍ່ຄວາມເສຍຫາຍຢ່າງໜັກໜ່ວງ ໃຫ້ແກ່ບັນດາແຂວງທາງພາກກາງ, ໄຕງວຽນ, ພິເສດແມ່ນບັນດາເຂດຢູ່ແຄມທະເລ. ເພື່ອເປັນເຈົ້າການຮັບມືກັບພາຍຸ, ວັນທີ 01 ພະຈິກ, ຫ້ອງການປະຈຳການຄະນະຊີ້ນຳກ່ຽວກັບການປ້ອງກັນ, ຕ້ານໄພທຳມະຊາດສູນກາງ ໄດ້ສະເໝີໃຫ້ບັນດາກະຊວງ, ຂະແໜງການ, ທ້ອງຖິ່ນ ຈົ່ງອີງຕາມພາລະບົດບາດໜ້າທີ່ໜູນຊ່ວຍດ້ານທັນຍາຫານ ສະບຽງອາຫານ ໃຫ້ບັນດາຄອບຄົວຖືກເສຍສາຍຢ່າງທັນການ, ພິເສດແມ່ນຄອບຄົວມີເຮືອນຖືກພັງທະລາຍ, ເຮືອນຖືກຈົມນ້ຳເລິກ.

ນາຍົກລັດຖະມົນຕີ ຫງວຽນຊວນຟຸກ ຢ້ຽມຊົມງານວາງສະແດງ “ແທງຮ໊ວາ ເມື່ອກ່ອນນີ້ ແລະ ປັດຈຸບັນ” ເນື່ອງໃນໂອກາດເຂົ້າຮ່ວມພິທີສະເຫຼີມສະຫຼອງ 990 ປີແຫ່ງວັນຄົບຮອບຂອງ ແທງຮ໊ວາ (1029 - 2019), ຕອນເຊົ້າວັນທີ 08 ພຶດສະພາ, ທີ່ນະຄອນ ແທງຮ໊ວາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ມາຢ້ຽມຊົມງານວາງສະແດງ “ແທງຮ໊ວາ ເມື່ອກ່ອນນີ້ ແລະ ປັດຈຸບັນ”, ຊຶ່ງໄດ້ຈັດຕັ້ງແຕ່ວັນທີ 05 – 09 ພຶດສະພາ ...

ທ່ານ ນາຍົກລັດຖະມົນຕີ ຫງວຽນຊວນຟຸກ ສິ້ນສຸດການເຂົ້າຮ່ວມເວທີປາໄສຂັ້ນສູງການຮ່ວມມືສາກົນ “ໜຶ່ງແລວທາງ ແລະ ໜຶ່ງເສັ້ນທາງ” ຄັ້ງທີ 2 ຢ່າງຈົບງາມ ຍສໝ - ການເຂົ້າຮ່ວມເວທີປາໄສຂັ້ນສູງການຮ່ວມມື “ໜຶ່ງແລວທາງ ແລະ ໜຶ່ງເສັ້ນທາງ” ຂອງທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເປີດໜ້າປະຫວັດສາດໃໝ່ໃນການຊຸກຍູ້ການພົວພັນຮ່ວມມືພັດທະນາລະຫວ່າງ ຫວຽດນາມ ແລະ ຈີນ.

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ເຂົ້າຢ້ຽມຂໍ່ານັບທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ຍສໝ - ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຕີລາຄາສູງການພັດທະນາຢ່າງຕັ້ງໜ້າຂອງການພົວພັນລະຫວ່່າງສອງພັກ, ສອງລັດ ໃນໄລຍະຜ່ານມາ.