 |
| ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ມອບຂໍ້ຕົກລົງແຕ່ງຕັ້ງເອກອັກຄະລັດຖະທູດຫວຽດນາມ ໃຫ້ 9 ທ່ານໄປປະຈໍາຢູ່ຕ່າງປະເທດ ໃນອາຍຸການ 2020-2023. ພາບ: TTXVN |
ຕອນເຊົ້າວັນທີ 21 ຕຸລາ 2020, ຢູ່ທຳນຽບປະທານປະເທດ, ທ່ານ ຫງວຽນຝຸຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ມອບຂໍ້ຕົກລົງແຕ່ງຕັ້ງເອກອັກຄະລັດຖະທູດ ຫວຽດນາມ 9 ທ່ານ ໄປປະຕິບັດໜ້າທີ່ຢູ່ຕ່າງປະເທດ ອາຍຸການ 2020 – 2023 ແລະຕ້ອນຮັບບັນດາເອກອັກຄະລັດຖະທູດ, ຫົວໜ້າອົງການຜູ້ຕາງໜ້າຫວຽດນາມ ປະຈໍາຢູ່ຕ່າງປະເທດ ກະກຽມເດີນທາງໄປຮັບໜ້າທີ່ໃໝ່.
ເອກອັກຄະລັດທູດຫວຽດນາມ 9 ທ່ານທີ່ໄດ້ຮັບການແຕ່ງຕັ້ງໄປປະຈໍາຢູ່ຕ່າງປະເທດ ໃນອາຍຸການ 2020-2023 ໃນຄັ້ງນີ້ລວມມີບັນດາສະຫາຍ: ດັ້ງມິງຄອຍ, ເອກອັກຄະລັດທູດຫວຽດນາມ ປະຈໍາ ສະຫະພັນລັດເຊຍ; ຫງວຽນວັນຖາວ, ເອກອັກຄະລັດຖະທູດຫວຽດນາມ ປະຈໍາ ລາຊະອານາຈັກແບນຊິກ ແລະສະຫະພາບເອີລົບ; ມາຍເຝືອກຢຸ້ງ, ເອກອັກຄະລັດຖະທູດຫວຽດນາມ ປະຈໍາ ສາທາລະນະລັດ ສິງກະໂປ; ດິງຕວ່ານຖັ໊ງ, ເອກອັກຄະລັດຖະທູດຫວຽດນາມ ປະຈໍາ ສາທາລະນະລັດຝຣັ່ງ; ຫງວຽນຈຸງກຽນ, ເອກອັກຄະລັດຖະທູດຫວຽດນາມ ປະຈໍາ ໂອຕຣິດ; ທ່ານນາງ ຫງວຽນທິບິກຖາວ, ເອກອັກຄະລັດຖະທູດຫວຽດນາມ ປະຈໍາ ຮຸງກາຣີ; ຟ້າມເຈື່ອງຢາງ, ເອກອັກຄະລັດຖະທູດຫວຽດນາມ ປະຈໍາ ສາທາລະນະລັດຈີເລ; ທ່ານນາງ ໂຮ່ທິແທງຈຸກ, ເອກອັກຄະລັດຖະທູດຫວຽດນາມ ປະຈໍາ ສາທາລະນະລັດ ສັງຄົມນິຍົມ ປະຊາທິປະໄຕ ສີລັງກາ; ເລຮົ່ງເຈື່ອງ, ເອກອັກຄະລັດຖະທູດຫວຽດນາມ ປະຈໍາ ສາທາລະນະລັດເກຼັກ.
ທີ່ພິທີ, ທ່ານ ຫງວຽນຝຸຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ເນັ້ນໜັກວ່າ ບັນດາເອກອັກຄະລັດຖະທູດ ຫົວໜ້າບັນດາອົງການຜູ້ຕາງໜ້າຫວຽດນາມ ປະຈຳ ຕ່າງປະເທດ ຕ້ອງເພີ່ມທະວີການສົມທົບ, ຄວາມສາມັກຄີເປັນເອກະພາບ, ເສີມຂະຫຍາຍກຳລັງແຮງສັງລວມຂອງການພົວພັນຕ່າງປະເທດຂອງ ພັກ, ການພົວພັນຕ່າງປະເທດຂອງລັດ, ການທູດປະຊາຊົນ, ໃນທຸກຂົງເຂດ ການເມືອງ, ເສດຖະກິດ, ວັດທະນະທຳ ແລະ ອື່ນໆ ໃນການພົວພັນສອງຝ່າຍ ແລະ ຫຼາຍຝ່າຍ, ປະຕິບັດໜ້າທີ່ການພົວພັນຕ່າງປະເທດໃຫ້ເປັນຢ່າງດີ, ຖືຜົນປະໂຫຍດຂອງປະເທດຊາດ, ຂອງປະຊາຊົນ ແມ່ນເໜືອກວ່າສິ່ງໃດໝົດ.
ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ຊີ້ແຈ້ງວ່າ ຍັງບໍ່ທັນມີຍາມໃດທີ່ປະເທດເຮົາ ມີພາລະກິດອັນໃຫຍ່ຫຼວງ, ກໍາລັງບົ່ມຊ້ອນ, ອິດທິພົນຊື່ສຽງ ແລະຖານະທີ່ຕັ້ງຄືໃນປັດຈຸບັນ, ນີ້ແມ່ນກໍາລັງໜູນ, ເປັນບ່ອນອີງອັນໜັກແໜ້ນໃຫ້ແກ່ການຜັນຂະຫຍາຍວຽກງານການທູດເວົ້າລວມ, ໃນນັ້ນມີວຽກງານຂອງບັນດາອົງການຜູ້ຕາງໜ້າຫວຽດນາມ ປະຈໍາຢູ່ຕ່າງປະເທດ.
 | ສະມາຄົມມິດຕະພາບຫວຽດນາມ - ກູບາ: ສຸມໃສ່ 9 ກິດຈະກຳໃຫຍ່ໃນ 6 ເດືອນ ທ້າຍປີ 2020 ຍສໝ - ໃນອະນາຄົດອັນໃກ້ນີ້, ສະມາຄົມມິດຕະພາບຫວຽດນາມ - ກູບາ ຈະຈັດຕັ້ງການເຄື່ອນໄຫວທີ່ມີຄວາມໝາຍ, ແທດຈິງ ແລະ ມີປະສິດທິຜົນຫຼາຍຢ່າງເພື່ອສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ - ກູບາ. |
 | ທ່ານ ຫງວຽນຊວນຟຸກ ນາຍົກລັດຖະມົນຕີ ສສ.ຫວຽດນາມ ໄດ້ມີການພົບປະເຈລະຈາ ກັບ ທ່ານ ທອງລຸນ ສີສຸລິດ ນາຍົກລັດຖະມົນຕີ ສປປ.ລາວ ຍສໝ - ໂດຍຕອບສະໜອງຕາມຄຳເຊີນຂອງ ທ່ານນາຍົກລັດຖະມົນຕີ ສສ.ຫວຽດນາມ ຫງວຽນຊວນຟຸກ, ວັນທີ 5 ກໍລະກົດ, ທ່ານ ທອງລຸນ ສີສຸລິດ ນາຍົກລັດຖະມົນຕີ ສປປ.ລາວ ແລະ ຄະນະຜູ້ແທນຂັ້ນສູງຂອງລັດຖະບານລາວ ໄດ້ເດີນທາງຢ້ຽມຢາມເຮັດວຽກທີ່ຫວຽດນາມ ໃນລະຫວ່າງແຕ່ວັນທີ 5 - 6 ມິຖຸນານີ້. |
 | ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຟູຈ້ອງ ຕ້ອນຮັບບັນດາ ເອກອັກຄະລັດຖະທູດຍື່ນສານຕາຕັ້ງ ຍສໝ - ເມື່ອເນັ້ນໜັກເຖິງບົດບາດແມ່ນຂົວຕໍ່ທີ່ສຳຄັນຂອງບັນດາເອກອັກຄະລັດຖະທູດໃນການພົວພັນຂອງ ຫວຽດນາມ ກັບແຕ່ລະປະເທດ, ທ່ານເລຂາທິການໃຫຍ່, ປະທານປະເທດ ຫວຽດນາມ ຢັ້ງຢືນວ່າ ລັດຖະບານ ຫວຽດນາມ ຍາມໃດກໍ່ພ້ອມແລ້ວທີ່ຈະສ້າງ ເງື່ອນໄຂເພືຶ່ອໃຫ້ບັນດາເອກອັກຄະລັດຖະທູດປະຕິບັດໜ້າທີ່ຂອງຕົນໃຫ້ສຳເລັດເປັນຢ່າງດີ. |
ໄຊພອນ
