ພິທີຕ້ອນຮັບຢ່າງເປັນທາງການ ໄດ້ຈັດຂຶ້ນຢ່າງສົມກຽດໃນຕອນ ບ່າຍຂອງວັນທີ 05 ກັນຍາ 2019 ທີ່ທໍານຽບປະທານປະເທດ ນະ ຄອນຫຼວງວຽງຈັນ, ໂດຍມີພະ ນະທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ພ້ອມພັນລະຍາ ແລະ ຄະນະຜູ້ ແທນທາງການຝ່າຍລາວໃຫ້ການ ຕ້ອນຮັບ.
ພາຍຫຼັງສຳເລັດພິທີຕ້ອນຮັບຢ່າງເປັນທາງການ, ພະນະທ່ານ ປະທານປະເທດ ບຸນຍັງ ວໍລະຈິດ ພ້ອມດ້ວຍການນໍາຂັ້ນສູງຄະນະ ຜູ້ແທນທາງການຂອງຝ່າຍລາວ ໄດ້ດໍາເນີນການພົບປະສອງຝ່າຍ ກັບ ພະນະທ່ານ ປະທານາທິບໍດີ ມູນ ແຈ ອິນ ແລະ ຄະນະຜູ້ແທນ ຂັ້ນສູງຂອງຝ່າຍ ສ ເກົາຫຼີ.
ສອງຝ່າຍໄດ້ ພ້ອມກັນຕີລາຄາສູງ ແລະ ທົບ ທວນຄືນສາຍພົວພັນມິດຕະພາບ ແລະ ການຮ່ວມມືທີ່ດີ ພາຍຫຼັງ ສອງປະເທດໄດ້ສ້າງຕັ້ງສາຍພົວ ພັນການທູດນຳກັນ ນັບແຕ່ປີ 1995 ເປັນຕົ້ນມາ ເຫັນວ່າການ ພົວພັນຮ່ວມມືສອງຝ່າຍນັບມື້ ໄດ້ຮັບການເສີມຂະຫຍາຍຢ່າງ ກວ້າງຂວາງ, ໄດ້ມີການແລກ ປ່ຽນການຢ້ຽມຢາມລະຫວ່າງ ການນຳຂັ້ນສູງຂອງສອງປະ ເທດຢ່າງເປັນປົກກະຕິ, ໃນປີ 2020 ທີ່ຈະມາເຖິງນີ້ ເຊິ່ງເປັນ ປີທີ່ມີຄວາມໝາຍສໍາຄັນ ໂດຍ ສອງຝ່າຍຈະໄດ້ພ້ອມກັນສະເຫຼີມ ສະຫຼອງວັນສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ສ ເກົາຫຼີ ຄົບຮອບ 25 ປີ.
 |
ທ່ານ ບຸນຍັງ ວໍລະຈິດ ແລະ ທ່ານ Moon Jae-in ປະທານາທິບໍດີ ແຫ່ງ ສາທາລະນະລັດ ເກົາຫຼີ ໃນພິທີຕ້ອນຮັບ. (ພາບ: vientianemai)
ສອງຝ່າຍໄດ້ສະແດງຄວາມ ຢືນຢັນທີ່ຈະສືບຕໍ່ເພີ່ມທະວີຮັດ ແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສອງປະເທດ ສປປ ລາວ- ສ ເກົາຫຼີ ເພື່ອໃຫ້ມີບາດກ້າວອັນ ໃໝ່ໃນອະນາຄົດ, ສືບຕໍ່ຊຸກຍູ້ເສີມ ຂະຫຍາຍການຮ່ວມມືໃນຂະ ແໜງ ການຕ່າງໆ ເປັນຕົ້ນແມ່ນ ການແລກປ່ຽນການຢ້ຽມຢາມ ສອງຝ່າຍ, ການຮ່ວມມືດ້ານການ ເມືອງ, ການທູດ, ການຄ້າ-ການ ລົງທຶນ, ດ້ານກະສິກຳ, ດ້ານພະ ລັງງານ, ການພັດທະນາພື້ນຖານ ໂຄງລ່າງ, ດ້ານນະວັດຕະກຳ, ດ້ານການທ່ອງທ່ຽວ, ດ້ານສາທາ ລະນະສຸກ, ດ້ານແຮງງານ, ການ ພັດທະນາຊົນນະບົດ ກໍຄືການ ຮ່ວມມືເພື່ອການພັດທະນາ ແລະ ອື່ນໆ. ປັດຈຸບັນ ການລົງທຶນຂອງ ສ ເກົາຫຼີ ໄດ້ຈັດຢູ່ໃນອັນດັບທີ 5 ຂອງການລົງທຶນຕ່າງປະເທດຢູ່ ສປປ ລາວ, ລວມມີມູນຄ່າການ ລົງທຶນ 750 ກວ່າລ້ານໂດລາ ສະຫະລັດ, ໃນນັ້ນ ບັນດາໂຄງ ການໃຫຍ່ທີ່ພົ້ນເດັ່ນເຊັ່ນ: ໂຄງ ການເຂື່ອນໄຟຟ້າເຊປຽນ-ເຊນໍ້າ ນ້ອຍ, ໂຄງການປູກໄມ້ວິກ ແລະ ສ້າງຕັ້ງໂຮງງານປຸງແຕ່ງໄມ້ ແລະ ອື່ນໆ.
ພ້ອມດຽວກັນນີ້, ສອງ ຝ່າຍໄດ້ແຈ້ງກ່ຽວກັບສະພາບ ການພັດທະນາເສດຖະກິດ-ສັງ ຄົມຂອງແຕ່ລະປະເທດໃຫ້ກັນ ຊາບ, ເຊິ່ງ ສ ເກົາຫຼີ ໄດ້ໃຊ້ເວລາ 5-6 ທົດສະວັດຜ່ານມາ ເພື່ອການ ພັດທະນາໃຫ້ກາຍເປັນປະເທດທີ່ມີລາຍຮັບສູງ, ທັນສະໄໝ ແລະ ຈະເລີນຮຸ່ງເຮືອງ; ໃນຂະນະທີ່ ສປປ ລາວ ກຳລັງສູ້ຊົນເພື່ອລົບ ລ້າງຄວາມທຸກຍາກ ແລະ ບັນລຸ ເປົ້າໝາຍໃຫ້ຫຼຸດພົ້ນອອກຈາກ ສະຖານະພາບດ້ອຍພັດທະນາໃນ ອະນາຄົດ.
ສອງ ຝ່າຍເຫັນດີສືບຕໍ່ເພີ່ມທະວີແລກ ປ່ຽນ ການຢ້ຽມຢາມຂອງການ ນໍາຂັ້ນສູງຂອງສອງປະເທດ, ຊຸກ ຍູ້ ແລະ ອໍານວຍຄວາມສະດວກ ໃຫ້ແກ່ການໄປມາຫາສູ່ກັນລະ ຫວ່າງປະຊາຊົນສອງຊາດ ລາວ- ສ ເກົາຫຼີ ໃຫ້ຫຼາຍຂຶ້ນ. ນອກຈາກ ນີ້, ສອງຝ່າຍຍັງໄດ້ແລກປ່ຽນຄຳ ຄິດຄຳເຫັນຕໍ່ບັນຫາໃນພາກພື້ນ ແລະ ສາກົນ ທີ່ສອງຝ່າຍມີຄວາມ ສົນໃຈຮ່ວມກັນ. ນອກຈາກການເຄື່ອນໄຫວພົບ ປະກັບການນໍາຂັ້ນສູງຂອງ ສປປ ລາວ ແລ້ວ, ພະນະທ່ານປະທາ ນາທິບໍດີ ມູນ ແຈອິນ ພ້ອມຄະນະ ຍັງໄດ້ເຂົ້າວາງພວງມາລາທີ່ອະ ນຸສາວະລີນັກຮົບນິລະນາມ ແລະ ປູກຕົ້ນໄມ້ຮ່ວມກັບ ພະນະທ່ານ ປະທານປະເທດ ບຸນຍັງ ວໍລະຈິດ ທີ່ໂຄງການປ້ອງກັນຕະຝັ່ງເຈື່ອນ ແລະ ພັດທະນາແຄມຂອງເພື່ອ ເປັນທີ່ລະນຶກແກ່ຄົນຮຸ່ນຫຼັງໄດ້ ຈາລຶກ, ເຊິ່ງທັງໝົດນັ້ນໄດ້ສະ ແດງໃຫ້ເຫັນເຖິງສາຍພົວພັນ ແຫ່ງໄມຕີຈິດມິດຕະພາບອັນສະ ໜິດສະໜົມຂອງການນຳສອງປະ ເທດ ກໍຄືປະຊາຊົນສອງຊາດ ລາວ ແລະ ສ ເກົາຫຼີ. ການເດີນທາງມາຢ້ຽມຢາມ ທາງລັດຖະກິດຂອງ ພະນະທ່ານ ມູນ ແຈອິນ, ປະທານາທິບໍດີ ແຫ່ງ ສ ເກົາຫຼີ ພ້ອມພັນລະຍາ ແລະ ຄະນະ ໃນຄັ້ງນີີ້ ໄດ້ຖືກຮັບຕ້ອນ ຢ່າງສົມກຽດ, ມີກ້ອນມວນຊົນ ທັງຊາວລາວ ແລະ ເກົາຫຼີ ທີ່ດໍາ ລົງຊີວິດຢູ່ນະຄອນຫຼວງວຽງ ຈັນ ໄດ້ເຂົ້າມາໃຫ້ການຕ້ອນຮັບ ເປັນຈຳນວນຫຼວງຫຼາຍ. ການ ຢ້ຽມຢາມໄດ້ດຳເນີນໄປດ້ວຍບັນ ຍາກາດອັນອົບອຸ່ນ, ເຕັມໄປດ້ວຍ ໄມຕີຈິດ-ມິດຕະພາບ, ໂດຍສອງ ຝ່າຍໄດ້ຮ່ວມກັນປຶກສາຫາລື ແລກປ່ຽນຄຳຄິດຄຳເຫັນຢ່າງ ຈິງໃຈ ແລະ ກົງໄປກົງມາໃນບັນ ຫາທີ່ປິ່ນອ້ອມການພົວພັນຮ່ວມມື ລະຫວ່າງສອງປະເທດດ້ວຍຜົນ ສໍາເລັດຢ່າງຈົບງາມ. ໃນຕອນເຊົ້າຂອງວັນທີ 06 ກັນ ຍາ 2019, ພະນະທ່ານ ມູນ ແຈ ອິນ ປະທານາທິບໍດີ ແຫ່ງ ສ ເກົາ ຫຼີ ພ້ອມພັນລະຍາ ແລະ ຄະນະ ໄດ້ເດີນທາງກັບຄືນປະເທດດ້ວຍ ຄວາມສະຫວັດດີພາບ.
（ຄຳຮຸ່ງ）
