ນຳສົ່ງພົນລະເມືອງຫວຽດນາມຫຼາຍກວ່າ 270 ຄົນ ຈາກຣັດເຊຍກັບຄືນປະເທດຢ່າງປອດໄພ
	ພົນລະເມືອງສອງປະເທດ ລາວ - ມາເລເຊຍ ມີຄວາມສາມາດເດີນທາງຊຶ່ງກັນແລະກັນ ຜ່ານຍົນເຊົ່າເໝົາລຳ

ວັນທີ 30 ກັນຍາ, ອົງການຜູ້ຕາງໜ້າຊາວຫວຽດນາມ, ສະຖານທູດຫວຽດນາມ ປະຈຳຍີ່ປຸ່ນ ແລະ ສາຍການບິນແຫ່ງຊາດຫວຽດນາມ ໄດ້ຮ່ວມມືກັບ ບັນດາອົງການທີ່ມີໜ້າທີ່ຍີ່ປຸ່ນ ເພື່ອນຳສົ່ງ ພົນລະເມືອງຫວຽດນາມ ຈຳນວນຫຼາຍກວ່າ 350 ຄົນມາຈາກຍີ່ປຸ່ນ ໄດ້ກັບຄືນປະເທດຢ່າງປອດໄພ.

ຜູ້ໂດຍສານໃນຖ້ຽວບິນດັ່ງກ່າວ ແມ່ນບັນດາກໍລະນີທີ່ຖືກຕິດຄ້າງຍ້ອນການລະບາດຂອງພະຍາດ COVID-19 ແລະ ກໍລະນີທີ່ປະສົບຄວາມຫຍຸ້ງຍາກໂດຍສະເພາະ, ເຊັ່ນ: ແມ່ຍິງຖືພາ, ເດັກນ້ອຍອາຍຸຕໍ່າກວ່າ 18 ປີ, ຄົນເຈັບປ່ວຍໜັກ, ແລະ ຜູ້ອອກແຮງງານໝົດກຳນົດວີຊາ ຫຼື ສັນຍາແຮງງານ, ນັກຮຽນທີ່ບໍ່ມີບ່ອນຢູ່ອາໄສ ຍ້ອນຫໍພັກອັດປະຕູ.

ການນຳພົນລະເມືອງຫວຽດນາມ 350 ຄົນຈາກຍີ່ປຸ່ນ ກັບຄືນປະເທດຢ່າງປອດໄພ

ໃນຂະນະທີ່ການລະບາດຂອງພະຍາດ COVID-19 ຍັງມີຄວາມສັບສົນໃນຫຼາຍປະເທດໃນພາກພື້ນ, ເຮັດໃຫ້ການເດີນທາງປະສົບກັບຄວາມຫຍຸ້ງຍາກ, ບັນດາອົງການຕົວແທນຫວຽດນາມ ໄດ້ປະສານສົມທົບ ແລະ ແນະນຳພົນລະເມືອງ ປະຕິບັດລະບຽບການຢ່າງຮຽບຮ້ອຍ, ຮຽກຮ້ອງໃຫ້ອົງການທີ່ມີໜ້າທີ່ທ້ອງຖິ່ນ ສ້າງອຳນວຍຄວາມສະດວກ ສຳລັບພົນລະເມືອງຫວຽດນາມ ທີ່ເດີນທາງໄປຮອດສະໜາມບິນຢູ່ຍີ່ປຸ່ນ. ສະຖານທູດຫວຽດນາມ ປະຈຳຍີ່ປຸ່ນ ໄດ້ສົ່ງພະນັກງານໂດຍກົງປະຕິບັດປະສານງານ ກັບສາຍການບິນແຫ່ງຊາດຫວຽດນາມ Vietnam Airlines ຢູ່ສະໜາມບິນ ເພື່ອແນະນຳພົນລະເມືອງໃນຂັ້ນຕອນລະບຽບການຂຶ້ນບິນ.

ດ້ວຍເປົ້າໝາຍຮັບປະກັນດ້ານສຸຂະພາບຂອງພົນລະເມືອງ, ປ້ອງກັນການແຜ່ລະບາດຂອງພະຍາດ COVID-19, ສາຍການບິນແຫ່ງຊາດຫວຽດນາມ Vietnam Airlines ໄດ້ປະຕິບັດມາດຕະການຕ່າງໆກ່ຽວກັບຄວາມປອດໄພ, ຄວາມໝັ້ນຄົງ, ປ້ອງກັນ ແລະ ຕ້ານພະຍາດລະບາດ ໃນຕະຫຼອດການບິນ. ທັນທີຫຼັງຈາກລົງຈອດຢູ່ສະໜາມບິນສາກົນ ດານັງ, ຜູ້ໂດຍສານທຸກຄົນ ໄດ້ກວດສອບທາງການແພດ ແລະ ປະຕິບັດການແຍກຫ່າງ ຕາມລະບຽບການທີ່ໄດ້ກຳນົດໄວ້.

ຫວຽດນາມ ຈະສືບຕໍ່ປະຕິບັດບັນດາຖ້ຽວບິນ ເພື່ອນຳສົ່ງພົນລະເມືອງກັບຄືນປະເທດ, ໂດຍອີງໃສ່ການຜັນແປຂອງພະຍາດໃນປະເທດ ແລະ ທົ່ວໂລກ, ຄວາມປາຖະໜາຂອງພົນລະເມືອງ ແລະ ຄວາມສາມາດໃນການແຍກຫ່າງຂອງທ້ອງຖິ່ນ.

ມະຫາວິທະຍາໄລຍີ່ປຸ່ນ ສ້າງຄວາມສະດວກຫຼາຍຢ່າງໃຫ້ແກ່ນັກສຶກສາ ຫວຽດນາມ ຍສໝ - ອໍານາດການປົກຄອງແຂວງ Nagasaki ແລະ ຫລາຍອົງການຈັດຕັ້ງອື່ນໆໃນແຂວງກໍ່ມານະພະຍາຍາມຊ່ວຍເຫຼືອໂຮງຮຽນດຶງດູດນັກຮຽນຫວຽດນາມເຂົ້າມາຮຽນຕື່ມອີກ. ສະເພາະໃນເດືອນເມສາ 2020, ອໍານາດການປົກຄອງແຂວງ Nagasaki ໄດ້ຮ່ວມມືກັບອໍານາດການປົກຄອງ ນະຄອນ Goto ແລະມະຫາວິທະຍາໄລ Nagasaki ເພື່ອສ້າງຕັ້ງໂຮງຮຽນສອນພາສາຍີ່ປຸ່ນ Goto ສຳລັບນັກສຶກສາຫວຽດນາມກ່ອນເຂົ້າມະຫາວິທະຍາໄລ Nagasaki.

ນະຄອນໂຮ່ຈີມິນ ສສ.ຫວຽດນາມ ຍູ້ແຮງການຮ່ວມມືກັບ ນະຄອນ Daegu ສ.ເກົາຫຼີ ຍສໝ - ນະຄອນໂຮ່ຈີມິນ ກໍ່ພ້ອມແລ້ວທີ່ຈະຮ່ວມມືກັບນະຄອນ Daegu ໃນບັນດາຂົງເຂດທີ່ Daegu ມີທ່າແຮງ ແລະນະຄອນມີຄວາມເອົາໃຈໃສ່ລົງທຶນພັດທະນາ ເປັນຕົ້ນຄື: ການກໍາຈັດນໍ້າ, ການທ່ອງທ່ຽວ...

ເລຂາທິການໃຫຍ່ຂອງ AJC: ການພົວພັນຍີ່ປຸ່ນ - ຫວຽດນາມ ຢ່າງໃດກໍ່ຂະຫຍາຍຕົວຢ່າງບໍ່ຢຸດຢັ້ງ ຍສໝ - ທ່ານ Masataka Fujita - ເລຂາທິການໃຫຍ່ສູນອາຊຽນ - ຍີ່ປຸ່ນ (AJC) ໄດ້ກ່າວວ່າ ການພົວພັນລະຫວ່າງຍີ່ປຸ່ນ - ຫວຽດນາມ ຈະບໍ່ປ່ຽນແປງເຖິງແມ່ນວ່າຜູ້ໃດຈະກາຍເປັນນາຍົກລັດຖະມົນຕີຄົນໃໝ່ຂອງຍີ່ປຸ່ນ ກໍ່ຕາມ.