ພະຍາດ COVID-19: ພົນລະເມືອງຫວຽດນາມຈຳນວນເກືອບ 350 ຄົນຈາກເອີຣົບ ແລະ ອາຟຣິກກາໄດ້ກັບຄືນປະເທດຢ່າງປອດໄພ
	ອິນເດຍ ໄດ້ຕີລາຄາສູງບັນດາມາດຕະການຮັບມືກັບພະຍາດ COVID-19 ຂອງຫວຽດນາມ

ໃນສະພາບການລະບາດຂອງພະຍາດ COVID-19 ທີ່ເຮັດໃຫ້ການເດີນທາງໄປມາປະສົບກັບຄວາມຫຍຸ້ງຍາກ, ສະຖານທູດຫວຽດນາມ ປະຈຳອາຟຣິກາໃຕ້ ແລະ ສະຖານທູດຫວຽດນາມ ປະຈຳ Qatar ໄດ້ສົ່ງພະນັກງານໄປສະໜາມບິນຢູ່ Pretoria, ອາຟຣິກາໃຕ້ ແລະ ສະໜາມບິນ Doha, Qatar ເພື່ອແນະນຳພົນລະເມືອງ ໃຫ້ສຳເລັດຂັ້ນຕອນລະບຽບການຂຶ້ນບິນ.

ພົນລະເມືອງຫວຽດນາມ ຈຳນວນ 140 ຄົນຈາກພາກພື້ນຕາເວັນອອກກາງ ແລະ ອາຟຣິກາ ໄດ້ນຳສົ່ງກັບຄືນປະເທດ. (ພາບ: baoquocte)

ຜູ້ໂດຍສານໃນຖ້ຽວບິນທີ່ເດີນທາງມາຈາກ ພາກພື້ນອາຟຣິກາໃຕ້, Mozambique, Tanzania, Kenya ແລະ Qatar, ແມ່ນບັນດາຜູ້ທີ່ຖືກຕິດຄ້າງຍ້ອນການລະບາດຂອງພະຍາດ COVID-19 ແລະ ກໍລະນີທີ່ປະສົບຄວາມຫຍຸ້ງຍາກໂດຍສະເພາະ, ເຊັ່ນ: ແມ່ຍິງຖືພາ, ເດັກນ້ອຍອາຍຸຕໍ່າກວ່າ 18 ປີ, ຄົນເຈັບປ່ວຍໜັກ, ແລະ ຜູ້ອອກແຮງງານໝົດກຳນົດວີຊາ ຫຼື ສັນຍາແຮງງານ, ນັກຮຽນທີ່ບໍ່ມີບ່ອນຢູ່ອາໄສ ຍ້ອນຫໍພັກອັດປະຕູ.

ດ້ວຍເປົ້າໝາຍຮັບປະກັນດ້ານສຸຂະພາບຂອງພົນລະເມືອງ, ປ້ອງກັນການແຜ່ລະບາດຂອງພະຍາດ COVID-19, ພົນລະເມືອງຫວຽດນາມທຸກຄົນ ໄດ້ກວດອຸນຫະພູມຂອງພວກເຂົາ ກ່ອນເດີນທາງໄປສະໜາມບິນ ແລະ ຂຶ້ນເຮືອບິນ, ແລະ ໄດ້ຮັບຖົງມື, ຜ້າບັງປາກໂດຍສະຖານທູດ ແລະ ແນະນຳປະຕິບັດມາດຕະການທາງການແພດ ເພື່ອຮັບປະກັນຄວາມປອດໄພ. ທັນທີຫຼັງຈາກລົງຈອດຢູ່ສະໜາມບິນສາກົນ ເຕີນເຊີນຍຶດ, ຜູ້ໂດຍສານທຸກຄົນ ໄດ້ກວດສອບທາງການແພດ ແລະ ປະຕິບັດການແຍກຫ່າງ ຕາມລະບຽບການທີ່ໄດ້ກຳນົດໄວ້.

ຫວຽດນາມຈະສືບຕໍ່ປະຕິບັດບັນດາຖ້ຽວບິນ ເພື່ອນຳສົ່ງພົນລະເມືອງກັບຄືນປະເທດ, ໂດຍອີງໃສ່ການຜັນແປຂອງພະຍາດໃນປະເທດ ແລະ ທົ່ວໂລກ, ຄວາມປາຖະໜາຂອງພົນລະເມືອງ ແລະ ຄວາມສາມາດໃນການແຍກຫ່າງຂອງທ້ອງຖິ່ນ.

ຫວຽດນາມ ຕີລາຄາສູງຕໍ່ບັນດາການປະກອບສ່ວນສຳຄັນຂອງທ່ານນາຍົກລັດຖະມົນຕີ Abe Shinzo ຕໍ່ການພັດທະນາການພົວພັນລະຫວ່າງຫວຽດນາມ-ຍີ່ປຸ່ນ ຍສໝ - ວັນທີ 28 ສິງຫາ, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ ໄດ້ເນັ້ນໜັກວ່າ: ທ່ານ Abe Shinzo ແມ່ນການນຳມີການປະກອບສ່ວນຫຼາຍຢ່າງຕໍ່ການພັດທະນາຂອງປະເທດຍີ່ປຸ່ນ ແລະຊຸກຍູ້ການຮ່ວມມືໃນບັນດາຂົງເຂດຢູ່ພາກພື້ນ ແລະໃນໂລກ.

ນຳສົ່ງພົນລະເມືອງຫວຽດນາມ ຈຳນວນກວ່າ 240 ຄົນຈາກສິງກະໂປ ກັບຄືນປະເທດ ຍສໝ - ຜູ້ໂດຍສານໄດ້ສົ່ງກັບຄືນປະເທດໃນຄັ້ງນີ້ ແມ່ນບັນດາຜູ້ທີ່ຖືກຕິດຄ້າງຍ້ອນການລະບາດຂອງພະຍາດ COVID-19 ແລະ ກໍລະນີທີ່ປະສົບຄວາມຫຍຸ້ງຍາກໂດຍສະເພາະ, ເຊັ່ນ: ແມ່ຍິງຖືພາ, ເດັກນ້ອຍອາຍຸຕໍ່າກວ່າ 18 ປີ, ຄົນເຈັບປ່ວຍໜັກ, ແລະ ຜູ້ອອກແຮງງານໝົດກຳນົດວີຊາ ຫຼື ສັນຍາແຮງງານ, ນັກຮຽນທີ່ບໍ່ມີບ່ອນຢູ່ອາໄສ ຍ້ອນຫໍພັກອັດປະຕູ.

ພົນລະເມືອງຫວຽດນາມຫຼາຍກ່ວາ 340 ຄົນຈາກອົດສະຕາລີ ໄດ້ກັບຄືນບ້ານຢ່າງປອດໄພ ຍສໝ - ວັນທີ 21 ສິງຫາ, ບັນດາອົງການທີ່ມີໜ້າທີ່ຫວຽດນາມ, ສຳນັກຕາງໜ້າຊາວຫວຽດນາມຢູ່ອົດສະຕາລີ ແລະ ສາຍການບິນແຫ່ງຊາດຫວຽດນາມ Vietnam Airlines ໄດ້ຮ່ວມມືກັບບັນດາອົງການທີ່ມີໜ້າທີ່ອົດສະຕາລີ ເພື່ອນຳສົ່ງພົນລະເມືອງຫວຽດນາມຈຳນວນຫຼາຍກວ່າ 340 ຄົນກັບຄືນບ້ານຢ່າງປອດໄພ.