 |
ທີມຊາດຍິງລາວ ອາຍຸ 17 ປີ ເຂົ້າຮ່ວມແຂ່ງຂັນລາຍການພິເສດຢູ່ຮົງກົງ
ຄະນະນຳ ຄະນະຄູເຝິກ ແລະ ນັກກີລາ ທີມຊາດຍິງລາວ ຮຸ່ນອາຍຸບໍ່ເກີນ 17 ປີ ນຳໂດຍ ທ່ານນາງ ຍອດແກ້ວ ພາວະດີ ຜູ້ຈັດການທີມ ໄດ້ອອກເດີນທາງ ໃນວັນທີ 26 ມີນາ 2019 ທີ່ສະໜາມບິນສາກົນວັດໄຕ ເພື່ອເຂົ້າຮ່ວມການແຂ່ງຂັນລາຍການພິເສດ Jockey Club Girls' International Youth Invitational Football Tournament 2019 ຢູ່ເຂດເສດຖະກິດພິເສດ ຮົງກົງ ເຊິ່ງຈັດຂຶ້ນໃນລະຫວ່າງວັນທີ 28–31 ມີນາ 2019 ມີ 4 ທີມເຂົ້າຮ່ວມ ປະກອບມີ: ຮົງກົງ (ເຈົ້າພາບ) ສປປ ລາວ ເກາະກວມ ແລະ ນອສເທີນ ມາເຣຍນາ ໂດຍຮູບແບບການແຂ່ງຂັນແມ່ນແຂ່ງຂັນແບບພົບກັນໝົດ.
ສຳລັບຕາຕະລາງແຂ່ງຂັນຂອງທີມຊາດຍິງລາວ ນັດທຳອິດ ວັນທີ 28 ມີນາ 2019 ເວລາ 16:00 ໂມງ ພົບ ເກາະກວມ ນັດທີສອງ ວັນທີ 29 ມີນາ 2019 ເວລາ 16:00 ໂມງ ພົບ ຮົງກົງ ແລະ ນັດສຸດທ້າຍ ວັນທີ 31 ມີນາ 2019 ເວລາ 16:00 ໂມງ ພົບ ນອສເທີນ ມາເຣຍນາ ທຸກໆນັດແມ່ນແຂ່ງຂັນຢູ່ສະໜາມກີລາ PO KONG VILLAGE ROAD PARK FOOTBALL PITCH.
（ແຫຼ່ງຂໍ້ມູນ： vientianemai.net）
