ຫວຽດນາມ ເຂົ້າຮ່ວມກອງປະຊຸມທາງອອນລາຍກ່ຽວກັບການຢຸດຕິ ໃຊ້ຄວາມຮຸນແຮງຕໍ່ແມ່ຍິງ ແລະ ເດັກ​ຍິງ

	ຫວຽດ​ນາມ ແລະ ກຳ​ປູ​ເຈຍ​ ມອບ​ຮັບ​ແຜນ​ທີ່​ພູ​ມີ​ປະ​ເທດ​ເຂດ​ຊາຍ​ແດນ
	ຈຸດພົ້ນເດັ່ນໃນການປະຕິບັດຄວາມສະເຫມີພາບລະຫວ່າງ ຍິງ -ຊາຍ ຢູ່ຫວຽດນາມ

ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ຫງວຽນ​ທິ​ກິມ​ເງິນ ເຂົ້າ​ຮ່ວມກອງ​ປະ​ຊຸມ (ພາບ​: nhandan.com.vn)

ໃນ​ຂອບ​ເຂດກອງ​ປະ​ຊຸມ​ສຸດຍອດ​ບັນ​ດາ​ປະ​ທານສະ​ພາ​ແຫ່ງ​ຊາດ​ເພດ​ຍິງ​ໂລກ​ຄັ້ງ​ທີ 13 ທີ່​​ຈັດ​ຂຶ້ນ​ຢູ່​ຮ່າ​ໂນ້ຍ ໃນ​ຕອນ​ຄ່ຳ​ວັນ​ທີ 18 ສິ​ງ​ຫາ, ໄດ້​ດຳ​ເນີນກອງ​ປະ​ຊຸມ​ທາງ​ອອນ​ລາຍ​ກ່ຽວ​ກັບ​ການ​ຢຸດ​ຕິ​ການ​ຈຳ​ແນກລະ​ຫວ່າງ​ຍິງ - ຊາຍ,ລວນລາມ ແລະ ໃຊ້​ຄວາມ​ຮຸນ​ແຮງ​ຕໍ່​ແມ່​ຍິງ​ໃນ​ລັດ​ຖະ​ສະ​ພາ ແລະ ​ໃນ​ສັງ​ຄົມ​ທຸກ​ຊັ້ນວັນ​ນະ​.

ທີ່ກອງ​ປະ​ຊຸມ​ປຶກ​ສາ​ຫາ​ລື​ດ້ວຍ​ຫົວ​ຂໍ່​ທີ່​ວ່າ “ຍົກ​ສູງ​ກຳ​ລັງ​ຄວາມ​ສາ​ມາດ​ໃນ​ການ​ບໍ​ລິ​ຫານ​ວິ​ກິດ​ການ​ຂຶ້ນ​ຢູ່​ລະ​ດັບ​ສູງ​ໃໝ່”, ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ຫງວຽນ​ທິ​ກິມ​ເງິນ ໄດ້​ມີ​ບົດ​ປະ​ກອບ​ຄຳ​ເຫັນ, ໂດຍ​ຢັ້ງ​ຢືນ​ການ​ຊຸກ​ຍູ້​ຄວາມ​ສະ​ເໝີ​ພ​າບລະ​ຫ​ວ່າງ​ຍິງ - ຊາຍ ແລະ ມອບ​ສິດ​ໃຫ້​ແກ່​ແມ່​ຍິງ​ຍາມ​ໃດ​ກໍ່​ແມ່ນ​ນະ​ໂຍ​ບາຍ​ສະ​ເໝີ​ຕົ້ນສະ​ເໝີ​ປາຍ ແລະ ລຸ​ລ່ວງຂອງ​ລັດ​ຫວຽດ​ນາມ.

ບັນ​ດາ​ຜູ້​ແທນ​ເຂົ້າ​ຮ່ວມກອງ​ປະ​ຊຸມ​ໄດ້​ເນັ້ນ​ໜັກ​ວ່າ ສະ​ພາ​ແຫ່ງ​ຊາດ​ບັນ​ດາ​ປະ​ເທດ​ຕ້ອງ​ແກ້​ໄຂ​ບັນ​ຫາ​ໃຊ້​ຄວາມ​ຮຸນ​ແຮງຕໍ່​ແມ່​ຍິງ ແລະ ເດັກ​ນ້ອຍ​​ຍິງ ​ຢ່າງ​ສົມ​ເຫດ​ສົມ​ຜົນ. ເພື່ອ​ປັບ​ປຸງ​ສະ​ພາບ​ການນີ້​ຢ່າງ​ມີ​ປະ​ສິດ​ທິ​ຜົນ, ບັນ​ດາ​ຜູ້​ແທນ​ໄດ້​ຖື​ວ່າ​ຕ້ອງ​ມີກອ​ບ​ກົດ​ໝາຍແຂງ​ແຮງ ແລະ ບັນ​ດາ​ອົງ​ການ​ທີ່​ມີ​ສິດ​ອຳ​ນາດ​ຂອງ​ແຕ່​ລະ​ປະ​ເທດ​ຕ້ອງ​ມີ​ກຳ​ລັງຄວາມ​ສາ​ມາດ​, ມີ​ແຫຼ່ງ​ກຳ​ລັງຢ່າງ​ພຽງ​ພໍ ແລະ ມີ​ລັກ​ສະ​ນະ​ທີ່​ຖືກ​ຕ້ອງ​ຕາມ​ກົດ​ໝາຍ​ເພື່ອ​ປະ​ຕ​ິ​ບັດ.

ສິ່ງ​ນີ້​ຮຽກ​ຮ້ອງ​ໃຫ້​ສະ​ພາ​ແຫ່ງ​ຊາດ ສະ​ມາ​ຊິກສະ​ພາ​ແຫ່ງ​ຊາດບັນ​ດາ​ປະ​ເທດ ຕ້ອງ​ເພີ່ມ​ທະ​ວີ​ສິດ​ຕິດ​ຕາມກວດ​ກາ​ຂອງ​ຕົນ​ເພື່ອ​ຮັບ​ປະ​ກັນ​ວ່າ ບັນ​ດາ​ກົດ​ໝາຍ ແລະ ນະ​ໂຍ​ບາ​ຍ​ເພື່ອ​ແນ​ໃສ່​ລົບ​ລ້າງ​ການ​ໃຊ້​ຄວາມ​ຮຸນ​ແຮງ​​ຕໍ່ແມ່​ຍິງ ແລະ ເດັກຍິງ​ໄດ້ຮັບ​ການ​ປະ​ຕິ​ບັດ​ຢ່າງ​ມີ​ປະ​ສິດ​ທິ​ຜົນ. ຄຽງ​ຄູ່​ກັນ​ນັ້ນ, ສະ​ມາ​ຊິກ​ສະ​ພາ​ແຫ່ງ​ຊາດ​ເພດ​ຍິງ​ກໍ່​ຕ້ອງ​ຜັນ​ຂະ​ຫຍາຍ​ບົດ​ບາດ​ເປັນ​ຕົ​ວ​ແທນ​ຂອງ​ຕົນໃຫ້​ເປັນ​ຢ່າງ​ດີເພື່ອ​ມີ​ບັນ​ດາ​ຂໍ້​ສະ​ເໜີ ແລະ ​ເປັນ​ເຈົ້າ​ການປະ​ກອບ​ສ່ວນ, ຊຸກ​ຍູ້​ບັນ​ດາ​ມາດ​ຕະ​ການ​ຕ້ານ​ການ​ໃຊ້​ຄວາມ​ຮຸນ​ແຮງ​ຕໍ່​ແມ່​ຍິງ ແລະ ເດັກຍິງ.​

ຫວຽດ​ນາມ ແລະ ກຳ​ປູ​ເຈຍ​ ມອບ​ຮັບ​ແຜນ​ທີ່​ພູ​ມີ​ປະ​ເທດ​ເຂດ​ຊາຍ​ແດນ ຍ​ສ​ໝ - ເລື່ອງ​ສອງ​ປະ​ເທດ​ປະ​ຕິ​ບັດ​ສຳ​ເລັດ​ວຽກ​ງານມອບ​ຮັບ​ແຜນ​ທີ່​ພູ​ມີ​ປະ​ເທດ​ເຂດ​ຊາຍ​ແດນ​ລະ​ຫວ່າງ ຫວຽດ​ນາມ ກຳ​ປູ​ເຈຍ​ແມ່ນ​ພື້ນ​ຖານ​ສຳ​ຄັນ​ເພື່ອ​ຊຸກ​ຍູ້​ການ​ຈັດ​ຕັ້ງ​ເພື່ອ​ຊຸກ​ຍູ້​ການ​ຈັດ​ຕັ້ງ​ພິ​ທີ່​ແລກ​ປ່ຽນ​ເອ​ກະ​ສາ​ຮັບ​ຮອງ​ເອົາ​ສັນ​ຍາ​​ວ່າ​ດ້ວຍ​ປັບ​ປຸງ​ສັນ​ຍາ​ວາງ​ແຜນ​ກຳ​ນົດ​ເຂດ​ຊາຍ​ແດນ​ແຫ່ງ​ຊາດ​ປີ 1985 ແລະ ສັນ​ຍາວ່າ​ດ້ວຍ​ການ​ປັບ​ປຸງ​ປີ 2005

AIPA 2020: ຍູ້​ແຮງ​ກາ​ນ​ຮ່ວມ​ມື​ລັດ​ຖະ​ສະ​ພາ​ໃນ​ຂົງ​ເຂດ​ການ​ສຶກ​ສາ, ວັດ​ທະ​ນະ​ທຳ​ເພື່ອ​ການ​ພັດ​ທະ​ນາ​ແບບ​ຍືນ​ຍົງ ຍ​ສ​ໝ - ທ່ານ ​ຟຸ່ງ​ກ໊ວກ​ຫ໋ຽນ ຮອງ​ປະ​ທານ​ສະ​ພາ​ແຫ່ງ​ຊາດ​ຊີ້​ແຈ້ງວ່າ: ດ້ວຍ​ບົດ​ບາດ​ແມ່ນ​ບັນ​ດາ​ຜູ້​ສ້າງ​ຕັ້ງ, ກອງ​ປະ​ຊຸມ​ຄວນ​ມີ​ການ​ກະ​ທຳ​ເພື່ອ​ປະ​ຕິ​ບັດ​ບົດ​ບາດ​ໜ້າ​ທີ່ ແລະ ຄຳ​ໝັ້ນ​ສັນ​ຍາ​ຕໍ່​ການ​ປະ​ຕິ​ບັດ​ບັນ​ດາ​ເປົ້າ​ໝາຍ​ພັດ​ທະ​ນາ​ແບບ​ຍືນ​ຍົງ​ຄື​ໄດ້​ຢັ້ງ​ຢືນ​ໃນ​ຖະ​ແຫຼງ​ການ​ຮ່າ​ໂນ້ຍ ​ຢູ່ ​ຊະ​ມັດ​ຊາ​ໃຫຍ່ IPU – 132 ດ້ວຍ​ຫົວ​ຂໍ້ “ບັນ​ດາ​ເປົ້າ​ໝາຍ​ພັດ​ທະ​ນາ​ແບບ​ຍືນ​ຍົງ: ຫັນ​ຄຳ​ເວົ້າ​ກາຍ​ເປັນ​ການ​ກະ​ທຳ” ໃນ​ເດືອ​ນ ​ເມ​ສາ​ ປີ 2015.

ຈຸດພົ້ນເດັ່ນໃນການປະຕິບັດຄວາມສະເຫມີພາບລະຫວ່າງ ຍິງ -ຊາຍ ຢູ່ຫວຽດນາມ ຍສໝ - ຈຸດພົ້ນເດັ່ນໃນການປະຕິບັດ ຄວາມສະເຫມີພາບລະຫວ່າງ ຍິງ -ຊາຍຢູ່ຫວຽດນາມ ແມ່ນການສ້າງກອບກົດໝາຍ, ນະໂຍບາຍວ່າດ້ວຍ ຄວາມສະເຫມີພາບລະຫວ່າງ ຍິງ -ຊາຍໃຫ້ສົມບູນແບບ.