ຈໍານວນຜູ້ຕິດເຊື້ອໂຄວິດ - 19 ທັງໝົດໃນທົ່ວໂລກແມ່ນ 18.690.450 ຄົນ, ໃນນັ້ນ ມີຜູ້ເສຍຊີວິດ 703.333 ຄົນ
	ສະຫະພັນບັນດາອົງການມິດຕະພາບຫວຽດນາມ ໄດ້ມອບຊຸດທົດລອງ COVID-19 ຈຳນວນ 500 ຊຸດ ໃຫ້ CDC ດ່ານັງ

ຜູ້ໂດຍສານໄດ້ນຳສົ່ງກັບຄືນປະເທດໃນຄັ້ງນີ້ ແມ່ນບັນດາຜູ້ທີ່ຖືກຕິດຄ້າງຍ້ອນການລະບາດຂອງພະຍາດ COVID-19 ແລະ ກໍລະນີທີ່ປະສົບຄວາມຫຍຸ້ງຍາກໂດຍສະເພາະ ເຊັ່ນ: ແມ່ຍິງຖືພາ, ເດັກນ້ອຍອາຍຸຕໍ່າກວ່າ 18 ປີ, ຄົນເຈັບປ່ວຍໜັກ, ແລະ ຜູ້ອອກແຮງງານໝົດກຳນົດວີຊາ ຫຼື ສັນຍາແຮງງານ, ນັກຮຽນທີ່ບໍ່ມີບ່ອນຢູ່ອາໄສ ຍ້ອນຫໍພັກອັດປະຕູ.

ເພື່ອຈັດຕັ້ງການບິນໄດ້ປະສົບຜົນສຳເລັດ, ບັນດາສຳນັກຕົວແທນຂອງຫວຽດນາມຢູ່ຍີ່ປຸ່ນ ໄດ້ແນະນຳໃຫ້ແກ່ພົນລະເມືອງ ກ່ຽວກັບຂັ້ນຕອນລະບຽບການທີ່ຈຳເປັນ, ສົມທົບກັບບັນດາອົງການທີ່ມີໜ້າທີ່ທ້ອງຖິ່ນ ເພື່ອສ້າງເງື່ອນໄຂສະດວກໃຫ້ແກ່ພົນລະເມືອງ ໃນລະຫວ່າງການເຄື່ອນຍ້າຍໄປສະຫນາມບິນ.

ຫວຽດນາມ ໄດ້ສືບຕໍ່ນຳສົ່ງພົນລະເມືອງຈຳນວນ 220 ຄົນຈາກຍີ່ປຸ່ນ ກັບຄືນປະເທດຢ່າງປອດໄພ. (ພາບປະກອບ: baotintuc.vn)

ສະຖານທູດຫວຽດນາມ ປະຈຳຍີ່ປຸ່ນ ຍັງໄດ້ສົ່ງພະນັກງານໄປສະໜາມບິນເພື່ອຊ່ວຍເຫຼືອພົນລະເມືອງໂດຍກົງ ແລະ ປະຕິບັດຂັ້ນຕອນລະບຽບການ ກ່ອນຂຶ້ນເຮືອບິນກັບຄືນບ້ານ. ດ້ວຍເປົ້າໝາຍຮັບປະກັນດ້ານສຸຂະພາບຂອງພົນລະເມືອງ, ປ້ອງກັນການແຜ່ລະບາດຂອງພະຍາດ COVID-19, ບໍລິສັດການບິນ VietJet ໄດ້ປະຕິບັດມາດຕະການຕ່າງໆກ່ຽວກັບຄວາມປອດໄພ, ຄວາມໝັ້ນຄົງ, ປ້ອງກັນ ແລະ ຕ້ານພະຍາດລະບາດໃນຕະຫຼອດການບິນ. ທັນທີຫຼັງຈາກລົງຈອດຢູ່ສະໜາມບິນ ກາມແຮັງ, ຜູ້ໂດຍສານທຸກຄົນ ໄດ້ກວດສອບທາງການແພດ ແລະ ປະຕິບັດການແຍກຫ່າງ ຕາມລະບຽບການທີ່ໄດ້ກຳນົດໄວ້.

ຫວຽດນາມ ຈະສືບຕໍ່ປະຕິບັດບັນດາຖ້ຽວບິນ ເພື່ອນຳສົ່ງພົນລະເມືອງກັບຄືນປະເທດ, ໂດຍອີງໃສ່ການຜັນແປຂອງພະຍາດໃນປະເທດ ແລະ ທົ່ວໂລກ, ຄວາມປາຖະໜາຂອງພົນລະເມືອງ ແລະ ຄວາມສາມາດໃນການແຍກຫ່າງຂອງທ້ອງຖິ່ນ.

ອາເມລິກາ ສະໜັບສະໜູນອາຊຽນ ເສີມຂະຫຍາຍບົດບາດເປັນໃຈກາງໃນພາກພື້ນ ຍສໝ - ທ່ານ ຫງວຽນກວກຢຸ້ງ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ກ່າວຢໍ້າຄືນຫຼັກໝັ້ນຂອງອາຊຽນໃນການຮັບປະກັນສັນຕິພາບ, ຄວາມໝັ້ນຄົງ, ສະຖຽນລະພາບ, ຄວາມປອດໄພ ແລະ ສິດເສລີພາບໃນການເດີນເຮືອ ແລະການໄປມາຫາສູ່ກັນຢູ່ທະເລຕາເວັນອອກ.

ທ່ານນາຍົກລັດຖະມົນຕີຫວຽດນາມ ເປັນປະທານກອງປະຊຸມທົ່ວປະເທດ ກ່ຽວກັບການຜັນຂະຫຍາຍສັນຍາ EVFTA ຍສໝ - ໃນຕອນເຊົ້າວັນທີ 06 ສິງຫາ, ຢູ່ສຳນັກງານລັດຖະບານ, ທ່ານ ຫງວຽນຊວັນຟຸກ - ນາຍົກລັດຖະມົນຕີ ຫວຽດນາມ ໄດ້ເປັນປະທານກອງປະຊຸມທົ່ວປະເທດ ທາງອອນລາຍ ດ້ວຍຫົວຂໍ້ວ່າ “ຈັດຕັ້ງປະຕິບັດແຜນການຈັດຕັ້ງປະຕິບັດ EVFTA”.

ຫວຽດນາມ ແລະ ຍີ່ປຸ່ນ ເປັນປະທານຮ່ວມກອງປະຊຸມອອນລາຍ AFCDM + 3 ຍສໝ - ບັນດາທ່ານລັດຖະມົນຕີກະຊວງການເງິນ ແລະ ຮອງຜູ້ວ່າການທະນາຄານກາງຫວຽດນາມ ໄດ້ທົບທວນຄວາມຄືບໜ້າຂອງບັນດາຂໍ້ລິເລີ່ມພາຍໃຕ້ແນວທາງຍຸດທະສາດ ຂອງຂະບວນການຮ່ວມມືດ້ານການເງິນອາຊຽນ +3.