ກ່າວຄຳເຫັນທີ່ພິທີ, ທ່ານ ຄຳສານ ສູວົງ, ກຳມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ລາວ, ໄດ້ຕີລາຄາສູງການຊ່ວຍເຫຼືອຢ່າງທັນການ ແລະ ມີປະສິດທິຜົນໃນທຸກດ້ານຂອງອົງການໄອຍະການປະຊາຊົນສູງສຸດ ຫວຽດນາມ ໃນໄລຍະ 30 ປີແຫ່ງການສ້າງຕັ້ງ ແລະ ພັດທະນາ.
ອົງການໄອຍະການປະຊາຊົນສູງສຸດລາວ ໂດຍສະເພາະໄດ້ຮັບຮູ້ ແລະ ຮູ້ບຸນຄຸນການສະໜັບສະໜູນ ຢ່າງຕັ້ງໜ້າ ແລະ ມີປະສິດທິຜົນຂອງອົງການໄອຍະການປະຊາຊົນສູງສຸດ ຫວຽດນາມ ທຸກຂັ້ນໃນການກໍ່ສ້າງ ແລະ ສ້າງກົດບັນຢັດໃຫ້ສົມບູນແບບ; ການສ້າງຫຼັກສູດການຝຶກອົບຮົມບັນດາໄອຍະກອນ; ຈັດຕັ້ງການຝຶກອົບຮົມວິຊາສະເພາະຢູ່ປະເທດຫວຽດນາມ ເພື່ອຍົກລະດັບຄວາມອາດສາມາດຂອງ ບັນດາໄອຍະກອນ ລາວ.
 |
ອົງການໄອຍະການປະຊາຊົນສູງສຸດ ຫວຽດນາມໄດ້ຮັບຫຼຽນໄຊອິດສະຫຼະຊັ້ນ1 ຈາກ ສປປ ລາວ. (ພາບ: baovephapluat.vn)
ເພື່ອຊົມເຊີຍຜົນສຳເລັດ ແລະ ສະແດງຄວາມຮູ້ບຸນຄຸນຂອງອົງການໄອຍະການປະຊາຊົນສູງສຸດລາວ ຕໍ່ອົງການໄອຍະການປະຊາຊົນສູງສຸດ ຫວຽດນາມ ເວົ້າລວມ, ແລະ ບຸກຄົນຂອງບັນດາຜູ້ນຳຂອງອົງການໄອຍະການປະຊາຊົນສູງສຸດ ຫວຽດນາມເວົ້າສະເພາະ, ເນື່ອງໃນໂອກາດວັນຄົບຮອບ 30 ປີແຫ່ງການສ້າງຕັ້ງຂະແໜງການອົງການໄອຍະການ ປະເທດລາວ, ພັກ ແລະ ລັດຖະບານ ລາວ ໄດ້ຕັດສິນໃຈມອບລາງວັນອັນສູງສົ່ງ ໃຫ້ແກ່ໝູ່ຄະນະ ແລະ ບາງບຸກຄົນທີ່ນຳໜ້າ ອົງການໄອຍະການປະຊາຊົນສູງສຸດ ຫວຽດນາມ ສຳລັບການປະກອບສ່ວນຂອງເຂົາເຈົ້າ ເຂົ້າໃນການພັດທະນາການຮ່ວມມື ລະຫວ່າງອົງການໄອຍະການປະຊາຊົນສູງສຸດ ສອງປະເທດເວົ້າສະເພາະ ແລະ ສອງປະເທດ ຫວຽດນາມ - ລາວເວົ້າລວມ.
ທ່ານ ພັນຄຳ ວິພາວັນ, ກຳມະການກົມການເມືອງ, ຜູ້ປະຈຳການຄະນະເລຂາທິການສູນກາງພັກປະຊາຊົນປະຕິວັດລາວ, ຮອງປະທານປະເທດແຫ່ງສາທາລະນະລັດປະຊາທິປະໄຕປະຊາຊົນລາວ ໄດ້ຕາງໜ້າ ລັດຖະບານປະເທດລາວ ໄດ້ມອບຫຼຽນໄຊອິດສະຫຼະຊັ້ນ1 ສຳລັບອົງການໄອຍະການປະຊາຊົນສູງສຸດ ຫວຽດນາມ; ຫຼຽນໄຊອິດສະຫຼະຊັ້ນ 2 ສຳລັບ ສະຫາຍ ເລມິນຈີ໋, ກຳມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ຫວຽດນາມ ແລະ ຫຼຽນໄຊອິດສະຫຼະຊັ້ນ 3 ສຳລັບ ສະຫາຍ ເຈີນກົງຟ່ານ, ຮອງຫົວໜ້າອົງການໄອຍະການປະຊາຊົນສູງສຸດ.
ການມອບຫຼຽນໄຊຄັ້ງນີ້ ບໍ່ພຽງແຕ່ເປັນການຮັບຮູ້ຂອງພັກ ແລະ ປະຊາຊົນສອງປະເທດ ສຳລັບການປະກອບສ່ວນຂອງບັນດາໝູ່ຄະນະ ແລະ ບຸກຄົນທີ່ໄດ້ຮັບການຍ້ອງຍໍຊົມເຊີຍ, ແຕ່ຍັງໝາຍຄວາມວ່າ ສະແດງຄວາມມິດຕະພາບອັນຍິ່ງໃຫຍ່ ແລະ ເລິກເຊິ່ງກວ່າເກົ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນ ຫວຽດນາມ - ລາວ.
（ຄຳຮຸ່ງ）
