 |
| ບັນຍາກາດທີ່ກອງປະຊຸມ.(ພາບ: bienphong.com.vn) |
ກ່າວຄໍາເຫັນທີ່ກອງປະຊຸມ, ທ່ານພົນຕີ ຮ່ວາງຊວນຈ໊ຽນ ຮຽກຮ້ອງໃຫ້ບັນດາກົມກອງຕ້ອງຮັກສາລະບຽບແບບແຜນ, ການກຽມພ້ອມສູ້ຮົບຢ່າງເຂັ້ມງວດ, ພິເສດແມ່ນບັນດາໜ່ວຍປະຈໍາປ້ອງກັນຕ້ານພະຍາດຂອງກອງບັນຊາທຸກຂັ້ນ ແລະຄະນະຊີ້ນໍາປ້ອງກັນຕ້ານພະຍາດ. ບັນດາກົມກອງປະຕິບັດການເວັນຍາມຢູ່ຕາມເສັ້ນຊາຍແດນ ຕ້ອງຄວບຄຸມດ່ານຊາຍແດນຢ່າງແໜ້ນແຟ້ນ; ຮັດແໜ້ນການຄວບຄຸມຢູ່ບັນດາດ່ານທ້ອງຖິ່ນ, ດ່ານປະເພນີ; ຈັດຕັ້ງການລາດຕະເວນ, ຄວບຄຸມຢູ່ເຂດຊາຍແດນ. ກຽມພ້ອມແຜນການເພີ່ມທະວີກໍາລັງໃຫ້ແກ່ບັນດາດ່ານຊາຍແດນ ເພື່ອປະຕິບັດໜ້າທີ່ເປັນຢ່າງດີ.
ກອງບັນຊາການທະຫານປ້ອງກັນຊາຍແດນ ໄດ້ສ້າງຕັ້ງ 8 ຄະນະປະຕິບັດງານໂດຍດ່ວນ ເພື່ອລົງໄປກວດກາການປ້ອງກັນ, ຕ້ານໂລກລະບາດໂຄວິດ-19 ຢູ່ບັນດາແຂວງ: ລ້າງເຊີນ, ລາຍເຈົາ, ກາວບັ່ງ, ລ່າວກາຍ, ຮ່າຢາງ, ກວາງນິງ, ອານຢາງ ແລະ ໄຕນິງ. ພ້ອມກັນນັ້ນ, ວິທະຍາຄານປ້ອງກັນຊາຍແດນ ໄດ້ເພີ່ມກຳລັງນັກສຳມະນາກອນ 241 ຄົນໃຫ້ແກ່ທະຫານປ້ອງກັນຊາຍແດນບັນດາແຂວງ, ນະຄອນ ເພື່ອຮັດແໜ້ນ, ຄວບຄຸມຜູ້ໄປມາຜ່ານບັນດາດ່ານຊາຍແດນ, ເສັ້ນທາງນ້ອຍ, ທາງຊອຍຢູ່ທົ່ວເສັ້ນຊາຍແດນ.
ຄະນະຊີ້ນໍາປ້ອງກັນຕ້ານພະຍາດໂຄວິດ-19 ກອງບັນຊາການທະຫານຊາຍແດນ ໃຫ້ຮູ້ວ່າ: ກອງບັນຊາການທະຫານຊາຍແດນ ພວມຮັກສາ 1.598 ໜ່ວຍ, ດ່ານສະກັດກັ້ນພະຍາດຢູ່ຕາມເສັ້ນຊາຍແດນ, ດ້ວຍພະນັກງານ, ນັກຮົບທະຫານຊາຍແດນ ແລະກໍາລັງກ່ຽວຂ້ອງອື່ນໆ 9.398 ຄົນ. ໃນ 2 ເດືອນຜ່ານມາ, ໄດ້ມີຜູ້ເຂົ້າ-ອອກເມືອງ 257.000 ເທື່ອຄົນ, ໃນນັ້ນມີຜູ້ເຂົ້າ-ອອກເມືອງຜິດກົດໝາຍກວ່າ 4.000 ຄົນ ໄດ້ຖືກຈັບຕົວ. ຖ້າຫາກບໍ່ສະກັດກັ້ນຢ່າງທັນການ, ຜູ້ເຂົ້າເມືອງຢ່າງຜິດກົດໝາຍເຫຼົ່ານີ້ຈະເປັນຄວາມສ່ຽງທີ່ແຜ່ລະບາດພະຍາດໂຄວິດ-19.
ວັນທີ 27 ກໍລະກົດ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ຊີ້ນໍານະຄອນດ່າໜັງ ໝູນໃຊ້ມາດຕະການແຍກຫ່າງໃນສັງຄົມຕາມຄໍານສັ່ງເລກທີ 19 ອອກວັນທີ 24 ເມສາ 2020 ຂອງນາຍົກລັດຖະມົນຕີ ກ່ຽວກັບບັນດາມາດຕະການປ້ອງກັນ, ສະກັດກ້ັນໂລກລະບາດໂຄວິດ - 19 ໃນສະພາບການໃໝ່ຢູ່ລະດັບທ້ອງຖິ່ນມີຄວາມສ່ຽງສູງ. ມາດຕະການດັ່ງກ່າວ ຈະເລີ່ມປະຕິບັດແຕ່ເວລາ 00 ໂມງ 00 ນາທີ ຂອງວັນທີ 28 ກໍລະກົດເປັນຕົ້ນໄປ ແລະແກ່ຍາວຢ່າງໜ້ອຍ 14 ວັນ, ລວມທັງການໃສ່ຜ້າອັດປາກ - ອັດດັງຢູ່ສະຖານທີ່ສາທາລະນະ ແລະ ພາຫະນະສາທາລະນະ.
ໃນວັນດຽວກັນ, ຫຼາຍແຂວງ, ນະຄອນໃນທົ່ວປະເທດ ໄດ້ຊີ້ນໍາໃຫ້ເພີ່ມທະວີວຽກງານປ້ອງກັນ, ສະກັດກັ້ນໂລກລະບາດໂຄວິດ - 19, ໂດຍໄດ້ສຸມໃສ່ປະຕິບັດບັນດາມາດຕະການໃສ່ຜ້າອັດປາກ - ອັດດັງຢູ່ສະຖານທີ່ສາທາລະນະ, ຈໍາກັດການເຕົ້າໂຮມກັນຫຼາຍຄົນ, ຄວບຄຸມບັນຫາຊາວເຂົ້າເມືອງຢ່າງຜິດກົດໝາຍ.
 | ຫວຽດນາມ ປະຕິບັດຢ່າງເຂັ້ມງວດ ຄຳໝັ້ນສັນຍາໃນການຮັບມືກັບສະພາບການປ່ຽນແປງຂອງດິນຟ້າອາກາດ ຍສໝ - ທ່ານ ຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ໄດ້ເນັ້ນໜັກວ່າ, ການປ່ຽນແປງຂອງດິນຟ້າອາກາດແມ່ນສິ່ງທ້າທາຍທົ່ວໂລກ ແລະ ຮຽກຮ້ອງໃຫ້ມີວິທີແກ້ໄຂທົ່ວໂລກຢ່າງທັນການ. |
 | ອະດີດນັກຮົບອາສາສະໝັກ ແນວໂຮມ 479 ຢູ່ເຂດຮ່າໂນ້ຍ ສືບຕໍ່ເພີ່ມທະວີຄວາມສາມັກຄີລະຫວ່າງຫວຽດນາມ ແລະ ກຳປູເຈຍ ຍສໝ - ອະດີດນັກຮົບອາສາສະໝັກ ແນວໂຮມ 479 ໄດ້ທົບທວນຄືນຄວາມຊົງຈຳ ແລະ ຄວາມຮູ້ບຸນຄຸນຕໍ່ ບັນດານັກຮົບວິລະຊົນ ທີ່ໄດ້ເສຍສະຫລະຊີວິດເພື່ອຊາດ ຢູ່ປະເທດກໍາປູເຈຍ. ບັນດາອະດີດນັກຮົບອາສາສະໝັກ ກໍ່ໄດ້ລະດົມກຳລັງໃຈເຊິ່ງກັນ, ເຊີດຊູ ແລະ ເສີມຂະຫຍາຍຄວາມສາມັກຄີລະຫວ່າງຫວຽດນາມ ແລະ ກຳປູເຈຍ. |
 | ທະນາຄານກາງ ສ.ເກົາຫຼີ ມອບຜ້າອັດປາກ 10.000 ອັນ ໃຫ້ແກ່ VSAK ຍສໝ - ເມື່ອບໍ່ດົນມານີ້, ຢູ່ Seoul, ສ.ເກົາຫຼີ, ສະຫະພັນທະນາຄານ Woori ໄດ້ມອບຜ້າອັດປາກ 10.000 ອັນ ໃຫ້ຜູ້ຕາງໜ້າ ສະມາຄົມນັກສຶກສາຫວຽດນາມປະຈຳ ສ.ເກົາຫຼີ (VSAK) ເພື່ອປ້ອງກັນ ແລະ ຄວບຄຸມ COVID-19. |
ໄຊພອນ
