| ລັດຖະບານຫວຽດນາມ ສະໜັບສະໜູນ 50.000 ໂດລາສະຫະລັດ ເພື່ອຊ່ວຍເຫຼືອມຽນມາ ໃນການຕໍ່ສູ້ຕ້ານກັບ COVID-19 | |
| ໜັງສືພິມການາດາ: ຄົນເຈັບທີ 91 - ສັນຍາລັກຂອງຜົນສຳເລັດໃນການສະກັດກັ້ນພະຍາດ COVID-19 ຂອງຫວຽດນາມ |
ໃນວັນທີ 14 ກໍລະກົດ, ທ່ານ ຮ່ວາງບິ່ງກວນ, ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ໄດ້ເຂົ້າຮ່ວມກອງປະຊຸມໂຕະມົນການເມືອງສາກົນທາງຖ່າຍທອດສົດ ດ້ວຍຫົວຂໍ້ວ່າ “ການຮ່ວມມືດ້ານຄວາມໝັ້ນຄົງ ໃນໄລຍະການແຜ່ລະບາດຂອງພະຍາດ COVID-19” ໂດຍພາຍໃຕ້ການເປັນປະທານຂອງທ່ານ Dmitry Anatolyevich Medvedev - ປະທານພັກສະຫະພັນລັດເຊຍເອກະພາບ ແລະ ຮອງປະທານສະພາຄວາມໝັ້ນຄົງແຫ່ງຊາດສະຫະພັນລັດເຊຍ.
 |
| ທ່ານຮວ່າງບິ່ງກວນ - ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຫວຽດນາມ. (ພາບ: vietnam+) |
ເຂົ້າຮ່ວມກອງປະຊຸມມີຜູ້ຕາງໜ້າຂອງບັນດາພັກກຳອຳນາດ ແລະ ພັກການເມືອງຂອງຫລາຍປະເທດ, ເຊັ່ນ: ປະເທດຈີນ, ຍີ່ປຸ່ນ, ເຢຍລະມັນ, ກາຊັກສະຖານ, ຕວກກີ, ຢູເຄຣນ, ເຊີເບຍ, ແອັດສະປາຍ ແລະ ຫວຽດນາມ.
ທີ່ກອງປະຊຸມ, ບັນດາຜູ້ແທນໄດ້ແບ່ງປັນປະສົບການຂອງເຂົາເຈົ້າ ໃນການຮັບມືກັບພະຍາດປອດອັກເສບ COVID-19 ໃນແຕ່ລະປະເທດ, ເຊິ່ງລັດຖະບານໄດ້ໃຫ້ບຸລິມະສິດຄວາມໝັ້ນຄົງຂອງມະນຸດ ແລະ ສຸຂະພາບຂອງປະຊາຊົນເປັນປັດໃຈສຳຄັນທີ່ສຸດ.
ເພື່ອປ້ອງກັນ ແລະ ຄວບຄຸມພະຍາດລະບາດ, ບັນດາຜູ້ແທນໄດ້ຮຽກຮ້ອງໃຫ້ບັນດາຝ່າຍພັກ ແລະ ປະເທດຕ່າງໆ ຈົ່ງເພີ່ມທະວີການຮ່ວມມືດ້ວຍຄວາມຮັບຜິດຊອບ, ປະຕິບັດຂໍ້ຕົກລົງສາກົນຢ່າງເຂັ້ມງວດກ່ ຽວກັບການຫ້າມການພັດທະນາ ແລະ ການນຳໃຊ້ອາວຸດຊີວະວິທະຍາ; ມີຄວາມພະຍາຍາມໃນການຄົ້ນຄວ້າຜະລິດ ແລະ ແບ່ງປັນຢາວັກຊີນສະເພາະ ເພື່ອໃຫ້ປະຊາຊົນທົ່ວໂລກມີໂອກາດປະຊິດເຂົ້າຢ່າງສະເໝີພາບ.
ທີ່ກອງປະຊຸມ, ທ່ານ ຮ່ວາງບິ່ງກວນ, ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ຫວຽດນາມ ໄດ້ແບ່ງປັນຂໍ້ມູນຂ່າວສານ ແລະ ປະສົບການກ່ຽວກັບຜົນສຳເລັດໃນເບື້ອງຕົ້ນຂອງຫວຽດນາມ ໃນການປ້ອງກັນ ແລະ ຄວບຄຸມພະຍາດ COVID-19, ພ້ອມທັງການແກ້ໄຂບັນຫາທີ່ເກີດຈາກຍ້ອນໂລກລະບາດ. ທ່ານຮວ່າງບິ່ງກວນ ຢັ້ງຢືນບົດບາດສຳຄັນຂອງການນຳພາຂອງພັກກອມມູນິດຫວຽດນາມ, ການບໍລິຫານຢ່າງຮຸນແຮງຂອງລັດຖະບານ, ຄວາມໄວ້ເນື້ອເຊື່ອໃຈ ແລະ ຄວາມພ້ອມຈິດພ້ອມໃຈກັນຂອງປະຊາຊົນໃນການປ້ອງກັນໂລກລະບາດ COVID-19.
 |
| ກອງປະຊຸມໂຕະມົນພັກການເມືອງສາກົນ ກ່ຽວກັບການຮ່ວມມືດ້ານຄວາມປອດໄພ ໃນໄລຍະ COVID-19. (ພາບ: vietnam+) |
ທ່ານຮວ່າງບິ່ງກວນໄດ້ສະເໜີຕ້ອງການເພີ່ມທະວີການປະສານສົມທົບນະໂຍບາຍ, ການແລກປ່ຽນຂໍ້ມູນຂ່າວສານ, ປະສົບການ ແລະ ຜົນການຄົ້ນຄວ້າຢ່າງເປັນເປັນປະຈຳ ແລະ ທັນເວລາ; ບໍ່ມີການຈຳແນກໃນຈິດໃຈມະນຸດສະທຳ, ຮັບປະກັນຄວາມປອດໄພໃຫ້ແກ່ພົນລະເມືອງຂອງບັນດາປະເທດ ໃນພາກພື້ນທີ່ໄດ້ຮັບຜົນກະທົບຈາກການລະບາດຂອງພະຍາດ COVID-19.
ໃນການກ່າວຄຳປາໄສສະຫລຸບກອງປະຊຸມ, ທ່ານ D. Medvedev ໄດ້ຢືນຢັນເຖິງຄວາມຈຳເປັນຂອງການຮ່ວມມື ລະຫວ່າງບັນດາພັກການເມືອງ ແລະ ບັນດາປະເທດຕ່າງໆ ເພື່ອຮັບມືກັບບັນຫາຄວາມໝັ້ນຄົງທົ່ວໂລກ ໃນສະພາບການສັບສົນຂອງການແຜ່ລະບາດຂອງ COVID-19.
ທ່ານ D. Medvedev ໄດ້ຕີລາຄາສູງໝາກຜົນແຫ່ງການປ້ອງກັນ ແລະ ຄວບຄຸມພະຍາດ COVID-19 ຂອງຫວຽດນາມ, ກໍ່ຄືບັນດາທັດສະນະຂອງພັກ ແລະ ລັດຖະບານຫວຽດນາມໃນການຖືປະຊາຊົນເປັນສຳຄັນ ແລະ ບຸລິມະສິດອັນດັບໜຶ່ງ, ພ້ອມທັງຮອງຮັບບັນດາຂໍ້ສະເໜີຂອງຫວຽດນາມ.
 | ຫວຽດນາມຍົກອອກ 3 ກຸ່ມວິທີການຟື້ນຟູເສດຖະກິດໄລຍະຫຼັງ ໂລກລະບາດ Covid – 19 ຍສໝ - ເພື່ອແນໃສ່ໜູນຊ່ວຍການຟື້ນຟູເສດຖະກິດບັນດາປະເທດສະມາຊິກໄລຍະຫຼັງ ໂລກລະບາດ Covid – 19, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ຍົກອອກ 3 ກຸ່ມວິທີການແກ້ໄຂຢ່າງລະອຽດ. |
 | ໂລກໄດ້ຢັ້ງຢືນມີຈຳນວນຜູ້ຕິດເຊື້ອພະຍາດ Covid - 19 ກ່ວາ 11,7 ລ້ານຄົນ, ໃນນັ້ນມີ 540.000 ຄົນເສຍຊີວິດ ຍສໝ - ອາເມລິກາແມ່ນປະເທດຖືກຮັບຜົນກະທົບຢ່າງໜັກໜ່ວງທີ່ສຸດດ້ວຍຈຳນວນຜູ້ຕິດເຊື້ອກ່ວາ 3 ລ້ານຄົນ ແລະ ມີ ກ່ວາ 132.000 ຄົນເສຍຊີວິດ.ມາຮອດວັນທີ 7 ກໍລະກົດ 2020 ນີ້, ລາວ ຍັງບໍ່ພົບຜູ້ຕິດເຊື້ອໂຄວິດ-19 ເພີ່ມຂຶ້ນເປັນມື້ທີ 86 ຂະນະທີ່ໃນບັນດາກຸ່ມປະເທດອາຊຽນ ມີຜູ້ຕິດເຊື້ອໂຄວິດ-19 ທັງໝົດ 162.966 ຄົນ ແລະ ເສຍຊີວິດ 4.640 ... |
 | ຫວຽດນາມ - ຍີ່ປຸ່ນ: ຍູ້ແຮງການຮ່ວມມືສອງຝ່າຍພາຍຫຼັງ ໂລກລະບາດ Covid – 19 ຍສໝ - ຕອນບ່າຍວັນທີ 15 ມິຖຸນາ, ຢູ່ສຳນັກງານກະຊວງການຕ່າງປະເທດ, ທ່ານ ໂຕແອງຢຸງ ຮອງລັດຖະມົນຕີກະຊວງການຕ່າງປະເທດຫວຽດນາມໄດ້ໃຫ້ການຕ້ອນຮັບທ່ານ Yamada Takio ເອກອັກຄະລັດຖະທູດຍີ່ປຸ່ນປະຈຳຫວຽດນາມ ທີ່ມາເຂົ້າຢ້ຽມຂ່ຳນັບເນື່ອງໃນໂອກາດມາຮັບໜ້າທີ່ທາງການທູດ. |
