ຫວຽດ​ນາມ ແມ່ນ​ຂົວ​ເຊື່ອມ​ຕໍ່​ທີ່​ສຳ​ຄັນ​ລະ​ຫວ່າງ ອາ​ເມ​ລິ​ກາ ແລະ ອາ​ຊຽນ

	ການນຳຫວຽດນາມ ສົ່ງສານອວຍພອນໄປຍັງການ​ນຳ ​ອາ​ເມ​ລິກ​າ
	ຫວຽດ​ນາມ - ຍີ່​ປຸ່ນ​ຈັດຕັ້ງ​ກອງ​ປະ​ຊຸມ​ສົ່ງ​ເສີມ​ການ​ລົງ​ທຶນ​ທາງອອ​ນ​ລາຍ​

(ພາບປະກອບຄັດຈາກ: asean.usmission.gov)

ໃນການຕອບສຳພາດຕໍ່ສື່ມວນຊົນເນື່ອງໃນໂອກາດສະເຫຼີມສະຫຼອງ 25 ປີ ແຫ່ງວັນຫວຽດນາມ ແລະ ອາເມລິກາ ສ້າງສາຍພົວພັນດ້ານການທູດ ເປັນປົກກະຕິ, ທ່ານ Brian Eyler, ຜູ້ອຳນວຍການໂຄງການ ອາຊີຕາເວັນອອກສ່ຽງໃຕ້ ຂຶ້ນກັບ ສູນຄົ້ນຄວ້າ Stimson ຂອງອາເມລິກາ ໄດ້ຢືນຢັນວ່າ ເລື່ອງສອງປະເທດຫັນການພົວພັນຈາກການປະທະກັນໄປສູ່ການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ ແມ່ນຜົນງານທີ່ເປັນໜ້າຊື່ນຊົມໃນການພົວພັນສອງຝ່າຍ. ພິເສດ, ຫວຽດນາມ ພວມສວມບົດບາດເປັນຂົວຕໍ່ສຳຄັນລະຫວ່າງ ອາເມລິກາ ກັບ ອາຊຽນ, ເປີດບັນດາຮູບການເຂົ້າຮ່ວມໃນການພັດທະນາ, ບັນດາບັນຫາເສດຖະກິດ ແລະ ສິ່ງແວດລ້ອມໃຫ້ພາກພື້ນ.

ວັນທີ 11 ກໍລະກົດ, ທ່ານສະມາຊິກສະພາສູງ Jim Risch ປະທານກຳມາທິການການຕ່າງປະເທດສະພາສູງ ອາເມລິກາ ໄດ້ອອກຖະແຫຼງການສະເຫຼີມສະຫຼອງ 25 ປີ ແຫ່ງວັນສ້າງຕັ້ງການພົວພັນດ້ານການທູດ ລະຫວ່າງ ຫວຽດນາມ - ອາເມລິກາ. ຖະແຫຼງການຍັງໃຫ້ຮູ້ວ່າ ອາເມລິກາ ໃນປີນີ້ ກໍໄດ້ຮັບຮູ້ ແລະ ສະໜັບສະໜູນບົດບາດເປັນປະທານ ອາຊຽນ ຂອງ ຫວຽດນາມ. ອາເມລິກາ ຕີລາຄາສູງບັນດາການເຄື່ອນໄຫວຂອງ ຫວຽດນາມ ໃນການຊຸກຍູ້ “ອາຊຽນ ສະໜິດຕິດພັນ ແລະ ເປັນເຈົ້າການປັບຕົວໃຫ້ແທດເໝາະ”. ອາເມລິກາ ໃຫ້ຄຳໝັ້ນສັນຍາ ຮ່ວມມືກັບ ຫວຽດນາມ ແລະ ບັນດາຄູ່ຮ່ວມມື ອາຊຽນ ໃນອະນາຄົດ ແນໃສ່ຊຸກຍູ້ພາກພື້ນ ອິນເດຍ - ປາຊີຟິກ ເປີດກວ້າງ ແລະ ເສລີພາບ ພ້ອມກັນແກ້ໄຂບັນດາສິ່ງທ້າທາຍຮ່ວມ.

25 ປີແມ່ນໄລຍະເວລາດົນປານໃດ ແຕ່ການພົວພັນລະຫວ່າງຫວຽດນາມ-ອາເມລິກາ ກໍ່ບັນລຸໄດ້ບັນດາຜົນງານທີ່ໜ້າປະທັບໃຈ. ຈາກອະດີດທີ່ເຄີຍເປັນສັດຕູ ກາຍມາເປັນຄູ່ຮ່ວມມືຮອບດ້ານຂອງກັນ, ພັດທະນາໃນທຸກຂົງເຂດ: ການເມືອງ, ການຕ່າງ ປະເທດ, ການຄ້າ, ການລົງທຶນ, ວິທະຍາສາດເຕັກນິກ…

ຕາມການຕີລາຄາຂອງທ່ານເອກອັກຄະລັດຖະທູດ ອາເມລິກາ ປະຈຳຫວຽດນາມ Daniel J.Kritenbrink ແລ້ວ, ການພົວພັນລະຫວ່າງຫວຽດນາມ-ອາເມລິກາ ບັນລຸໄດ້ໃນລະດັບທີ່ບໍ່ມີໃຜວາດພາບໄດ້ກ່ອນນີ້ 25 ປີ. ບໍ່ພຽງແຕ່ການຮ່ວມມືດ້ານການເມືອງ, ການຕ່າງປະເທດເທົ່ານັ້ນ, ຫາກຍັງໃນບັນດາຂົງເຂດອື່ນໆ, ຈາກບັນດາຂົງເຂດຮ່ວມມືສອງຝ່າຍ, ພາກພື້ນ, ຕະຫຼອດຮອດການຮ່ວມມືໃນຂອບເຂດທົ່ວໂລກອີກດ້ວຍ…..ລ້ວນແຕ່ໄດ້ຮັບຮູ້ບັນດາໝາກຜົນທີ່ກ້າວກະໂດດຂັ້ນ. ການຮ່ວມມືດ້ານເສດຖະກິດ-ການຄ້າ-ການລົງທຶນ ກາຍເປັນຈຸດສຸມ ແລະ ແມ່ນກຳລັງໜູນສຳຄັນ ໃຫ້ແກ່ການພັດທະນາຂອງການພົວພັນສອງຝ່າຍໃນຕະຫຼອດ 25 ປີຜ່ານມາ. ວົງເງິນການຄ້າສິນຄ້າສອງສົ້ນໄດ້ເພີ່ມຂຶ້ນກ່ວາ 170 ເທົ່າ, ຈາກ 450 ລ້ານ USD ເມືື່ອປີ 1995 ຂຶ້ນເປັນ 77,6 ຕື້ USD ໃນປີ 2019.

ການນຳຫວຽດນາມ ສົ່ງສານອວຍພອນໄປຍັງການ​ນຳ ​ອາ​ເມ​ລິກ​າ ຍ​ສໝ - ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ກໍໄດ້ແລກປ່ຽນສານອວຍພອນກັບ ປະທານາທິບໍດີ ອາເມລິກາ Donald Trump; ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ແລກປ່ຽນສານອວຍພອນກັບ ທ່ານປະທານສະພາສູງ Michael Pence ແລະ ທ່ານນາງປະທານສະພາຕໍ່າ Nancy Pelosi.

ຫວຽດ​ນາມ - ຍີ່​ປຸ່ນ​ຈັດຕັ້ງ​ກອງ​ປະ​ຊຸມ​ສົ່ງ​ເສີມ​ການ​ລົງ​ທຶນ​ທາງອອ​ນ​ລາຍ​ ຍ​ສ​ໝ - ນີ້​ແມ່ນ​ຄັ້ງ​ທຳ​ອິດ ທີ່ກອງ​ປະ​ຊຸມ​ສົ່ງ​ເສີມ​ການ​ລົງ​ທຶນ​ໃຫຍ່​ໄດ້​ຮັບ​ການ​ຈັດ​ຕັ້ງ​ທາງ​ອອນ​ລາຍ​ໂດຍ​ມີ​ການ​ເຂົ້າ​ຮ່ວມ​ຂອງວິ​ສາ​ຫະ​ກິດຍີ່​ປຸ່ນ 1000 ແຫ່ງຈາກ​ບັນ​ດາ​ຈຸດ​ຖ່າຍ​ທອດ​ສົດຢູ່​ຍີ່​ປຸ່ນ ແລະ ໃນ​ທົ່ວ​ໂລກ, ຊຶ່ງ​ສະ​ແດງ​ໃຫ້​ເຫັນ​ຄວາມ​ເອົາ​ໃຈ​ໃສ່ ແລະ ຄວາມ​ມຸ່ງ​ມາດ​ປາດ​ຖະ​ໜາ​ຢ່າງ​ຍິ່ງ​ຂອງ​ປະ​ຊາ​ຄົມ​ວິ​ສາ​ຫະ​ກິດ​ຍີ່​ປຸ່ນ​ຕໍ່​ຫວຽດ​ນາມ.

ຫວ​ຽດ​ນາມ​ຍົກ​ອອກ 3 ກຸ່ມ​ວິ​ທີ​ການ​ຟື້ນ​ຟູ​ເສດ​ຖະ​ກິດ​ໄລ​ຍະຫຼັງ ໂລກ​ລະ​ບ​າດ Covid – 19 ຍ​ສ​ໝ - ເພື່ອ​ແນ​ໃສ່​ໜູນ​ຊ່ວຍ​ການ​ຟື້ນ​ຟູ​ເສດ​ຖ​ະ​ກິດ​ບັນ​ດາ​ປະ​ເທດ​ສະ​ມາ​ຊິກ​ໄລ​ຍະຫຼັງ ໂລກ​ລະ​ບາດ Covid – 19, ທ່ານ​ຮອງ​ນາຍ​ົກ​ລັດ​ຖະມົນ​ຕີ, ລັດ​ຖະ​ມົນ​ຕີ​ການ​ຕ່າງ​ປະ​ເທດ​ຫວຽດ​ນາມ ຟ້າມ​ບິ່ງ​ມິງ​ ໄດ້​ຍົກ​ອອກ 3 ກຸ່ມ​ວິ​ທີ​ການ​ແກ້​ໄຂ​ຢ່າງ​ລະ​ອຽດ.