| ຫວຽດນາມ ມີບົດກ່າວປາໄສລວມຢູ່ສະພາຄວາມໝັ້ນຄົງ ກ່ຽວກັບ ສະພາບການຢູ່ ອາຟະລິກາ ກາງ | |
| ໜັງສືພິມອີຕາລີ: ຫວຽດນາມແມ່ນ ປະຕູືທາງເຂົ້າ ເພື່ອໃຫ້ EUໄດ້ ສຳຜັດກັບອາຊຽນ |
ທ່ານເອກອັກຄະລັດຖະທູດ ດວານຊ່ວນຮຶ່ງ, ຜູ້ວ່າການຫວຽດນາມທີ່ກອງທຶນ ASEF, ໄດ້ນຳພາຄະນະຜູ້ແທນຫວຽດນາມ ເຂົ້າຮ່ວມກອງປະຊຸມ.
ກອງປະຊຸມຄັ້ງນີ້ມີຄວາມໝາຍສຳຄັນຫຼາຍ ເພື່ອເລືອກຕັ້ງຄະນະການນໍາຂອງ ASEF ສຳລັບໄລຍະປີ 2020–2024, ປຶກສາຫາລືກ່ຽວກັບບັນດາກິດຈະກຳ ແລະ ໂຄງການໃນປີ 2020, ສະເໜີທິດທາງບຸລິມະສິດຂອງກອງທຶນສຳລັບໄລຍະຕໍ່ໄປ ແລະ ຊຸກຍູ້ບຸລິມະສິດ ແລະ ຍົກສູງພາບພົດຂອງ ASEM.
 |
| ທ່ານເອກອັກຄະລັດຖະທູດ ດວານຊ່ວນຮຶ່ງ, ຜູ້ວ່າການຫວຽດນາມທີ່ກອງທຶນ ASEF, ໄດ້ນຳພາຄະນະຜູ້ແທນຫວຽດນາມ ເຂົ້າຮ່ວມກອງປະຊຸມ. (ພາບ: baoquocte) |
ກ່ຽວກັບບັນດາການເຄື່ອນໄຫວຂອງ ASEF ໃນຊຸມປີມໍ່ໆມານີ້, ບັນດາຜູ້ວ່າການໄດ້ຕີລາຄາສູງຄວາມພະຍາຍາມຂອງກອງທຶນ ໃນການຊຸກຍູ້ບັນດາຂໍ້ລິເລີ່ມ ເພື່ອດັດປັບຮູບແບບ ແລະ ເນື້ອໃນຂອງກິດຈະກຳຢ່າງໄຫວຕົວ ເພື່ອຮັກສາການຮ່ວມມືໃນ 6 ຂົງເຂດບຸລິມະສິດ, ເຊັ່ນ: ວັດທະນະທຳ, ການສຶກສາ, ການພັດທະນາແບບຍືນຍົງ ແລະ ສາທາລະນະສຸກ, ການບໍລິຫານເສດຖະກິດ, ສື່ມວນຊົນ ຕໍ່ຜົນກະທົບຂອງການລະບາດພະຍາດ COVID-19.
ໃນສະພາບການປະຈຸບັນ, ASEF ຕ້ອງເສີມຂະຫຍາຍບົດບາດເປັນຂົວຕໍ່ທີ່ສຳຄັນ, ຊຸກຍູ້ໃຫ້ມີການສ່ວນຮ່ວມຂອງປະຊາຊົນທຸກຊັ້ນ ແລະ ປະກອບສ່ວນເຂົ້າໃນຄວາມ ພະຍາຍາມຂອງອາຊີ - ເອີຣົບ ໃນການຮັບມືກັບສິ່ງທ້າທາຍ, ເພີ່ມທະວີການພົວພັນຄູ່ຮ່ວມມື ASEM ໃຫ້ມີຄວາມແໜ້ນແຟ້ນຍິ່ງຂື້ນ.
ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ດວານຊ່ວນຮຶ່ງ, ຜູ້ວ່າການຫວຽດນາມທີ່ກອງທຶນ ASEF ໄດ້ຍົກໃຫ້ເຫັນການປ່ຽນແປງຂອງສະຖານະການຢ່າງໄວວາ ດ້ວຍບັນດາສິ່ງທ້າທາຍທີ່ເກີດຂຶ້ນສຳລັບຫຼາຍຂົງເຂດ ແລະ ການຮ່ວມມືຫຼາຍຝ່າຍ. ASEF ຕ້ອງປະກອບສ່ວນເຂົ້າໃນຄວາມພະຍາຍາມຂອງ ASEM ໃນການຊຸກຍູ້ການພົວພັນຄູ່ຮ່ວມມືອາຊີ - ເອີຣົບ.
ທ່ານເອກອັກຄະລັດຖະທູດ ດວານຊ່ວນຮຶ່ງ ໄດ້ສະເໜີວ່າ ບັນດາໂຄງການໃນອະນາຄົດຄວນມີການປະກອບສ່ວນເຂົ້າໃນການຮັບມືກັບບັນດາສິ່ງທ້າທາຍທົ່ວໂລກ, ແລະ ສະໜັບສະໜູນການຟື້ນຕົວຂອງເສດຖະກິດສັງຄົມ ພາຍຫຼັງການລະບາດຂອງ ພະຍາດ COVID-1, ພ້ອມທັງການຈັດຕັ້ງປະຕິບັດການປຶກສາຫາລື 2030 ແລະ ຂໍ້ຕົກລົງ Paris ກ່ຽວກັບການຕອບໂຕ້ຕໍ່ໜ້າການປ່ຽນແປງດິນຟ້າອາກາດ, ສົ່ງເສີມການຮ່ວມມືດ້ານວິທະຍາສາດ, ເຕັກໂນໂລຢີ ແລະ ການປະດິດສ້າງ; ສົ່ງເສີມບົດບາດຂອງແມ່ຍິງ, ຊາວໜຸ່ມ ແລະ ວິສາຫະກິດ ເພື່ອຍົກສູງພາບພົດຂອງ ASEM ແລະ ASEF ຕື່ມອີກ.
 | ຫວຽດນາມ ມີບົດກ່າວປາໄສລວມຢູ່ສະພາຄວາມໝັ້ນຄົງ ກ່ຽວກັບ ສະພາບການຢູ່ ອາຟະລິກາ ກາງ ຍສໝ - ວັນທີ 14 ມິຖຸນາ, ສະພາຄວາມໝັ້ນຄົງສະຫະປະຊາຊາດ ໄດ້ດຳເນີນກອງປະຊຸມອອນລາຍ ກ່ຽວກັບສະຖານະການຢູ່ອາຟະລິກາກາງ ແລະ ບັນດາການເຄື່ອນໄຫວຂອງຫ້ອງການສະຫະປະຊາຊາດ ໃນຂົງເຂດນີ້ (UNOCA). |
 | ສັນຍາ EVFTA: ຍົກສູງລະບົບຕ່ອງໂສ້ມູນຄ່າເພີ່ມ ໃຫ້ແກ່ຜະລິດຕະພັນກະເສດຂອງຫວຽດນາມ ຍສໝ - ສັນຍາການຄ້າເສລີຫວຽດນາມ - ອີຢູ (EVFTA) ໄດ້ຮັບຖືວ່າແມ່ນວິທີການຊຸກຍູ້ໂຄງປະກອບກະສິ ກຳໃຫ້ສົມບູນແບບ ແລະ ຄົບຊຸດກວ່າອີກ, ໂດຍສະເພາະແມ່ນການຍົກສູງລະບົບຕ່ອງໂສ້ມູນຄ່າເພີ່ມ ຂອງຜະລິດຕະພັນກະເສດຂອງຫວຽດນາມ. |
 | ການບິນແຫ່ງຊາດຫວຽດນາມ Vietnam Airlines ຄາດວ່າຈະເປີດຖ້ຽວບິນສາກົນ ຄືນໃໝ່ແຕ່ວັນທີ 1 ກໍລະກົດ ຍສໝ - ການບິນແຫ່ງຊາດຫວຽດນາມ Vietnam Airlines ອາດຈະເປີດບັນດາຖ້ຽວບິນການຄ້າສາກົນ ຄືນໃໝ່ແຕ່ຕົ້ນເດືອນກໍລະກົດນີ້. |
ຄຳຮຸ່ງ
